وحشي اناا😚

الجزء التاسع

6؛دوزت النهار كلو كنسطاجي مع البنت...ضحكاتني بزاف وهي كتعيب فالوحش كما كتسميه....مشيت للبيت اللي أنا فيه كليت ونعست عيانة....نهار جديد أحداث جديدة فهاذ المدينة...لبست لباس عملي وطلقت شعري .....مشيت نيشان للشركة وأنا تحت أنضار الناس اللي خدامين...صراحة ولفت نضرات الإعجاب...شكون اللي قال البنت اللي كانت عائلتها كتستاعر منها ولات محط أنضار الكل...جلست فالبيرو المخصص ليا ولمكالماتي مع الرئيس و لا نكمل الخدمة ونقاد ليه الخدمة باش إلا جا يلقا كلشي هو هذاك...شوية وقف عليا شي ضل فالبيرو...هزيت راسي كان راجل قد الرئيس حتی هو زوين.الرجل؛ باهتمام(انتي السكريتيرة الجديدة؟)انا؛ وي سيدي هي أنا..الرجل ؛ ممم مزيان...أنا من عائلة الرئيس..ممكن تخدمي معايا فالغياب ديالو...وتبعيني دابة للبيرو الی سمحتي .انا؛ واخا سيدي.مشيت معاه للبيرو...صراحة نضراتو معجبونيش..جلست قدامو كينسجل مواعيدو و ننسق معاه الاوقات للاجتماعات...بغيت نوض حتی هضر.الرجل؛ أنا ايمن...وانتي.؟انا؛ سلاف اسيدي.ايمن؛ كيطلع ويهبط فيا (زوينة بحالك)انا؛مجوبتوش...وتلفت نمشي للباب..ايمن؛ بلاتي قبل متخرجي.انا؛ رجعت خطوة..نعام اسيدي مزال شي خاجة.ايمن؛ ههه مالكي لاعبة الدور د الشريفة العفيفة...هبطي شوية ..راك وخا زينة متغريش بزاف..انا؛ تزيرت وقربو يهبطولي الدموع( بغيتي شي حاجة مزال بخصوص الخدمة سيدي)ايمن؛ بغيتك نتي .انا؛ طيحت الملفات اللي فيدي وهبطولي جوج دمعات ديول الحكرة...هزيت عينيا فيه وقربت حتال وجهو وبصقت عليه باش عمرو يتنقص من شي بنت جاية تخدم بنيتها... دار عندي بالزربة وشد ليا فيدي ...يلاه بغا يهو يدو يصرفقني ضرباتو شي حاجة حتی طاح...بان لي السي أسد واقف مخرج عينيه...كان كيشوف فيا ويطلعني ويهبطني تمشا بشوية وبقا مركز فوجهي..شي حاجة تحركت فوجهو...فيقني صوتو من الشرود ديالي.أسد؛ بنبرة جاادة وهو كيخنزر( علاش طالقة شعرك؟)أنا؛ تكوانسيت فبلاصتي...بقيت كنشوف فيه والدمعة غتخرج حنت محتاجة الخدمة...صوتو ركب فيا الخوف...نسيت بلا قالي جمعي شعرك..هضرت وحدرت عينيا( نسيت)أسد؛ شاف فالمكتب...تمشا بخطوات واتقين...حل شي مجر ...تمشا جيهتي من بعد مهز شي حاجة .... وقف حداية وكيشوف فيا...دار بين صباعو لاستيك ديال الوراق (دوري)أنا:كنشوف فيه بحال شي بنت 5 سنين(أشنو) لصدمة.أسد؛دورني بيديه من كتافي وجمعلي شعري بحالة مالف بالشعر....( أخر مرة تطلقيه)بقيت كنشوف ممستوعباش اش وقع...حتی بان ليا كينوض هداك أيمن...وقف وكيمسح ففمو وكيشوف فأسد...أسد؛ خنزر فيه وقجو حتی كان غيقتلو.هضر مبين سنانو ( أخر مرة نشوفك هنا)أيمن؛ شاف فعينين أسد وعرف شحال معصب حنت هو أدری الناس بيه...( سمح لي مقصدتش راه هي...)قبل ميكمل كان طاح تاني وتضرب بالرجل وباليد وهو كيتضرب حتی غيب...شفت الدم...شفت السي أسد في حالة ماشي طبيعية...أنا كنشكرو حنت دافع عليا وليني ماشي بهاد الطريقة..أسد؛ قجني حتی تغرزو فيا ضفارو ( علاااش تخليه يتطاول عليك....علاش طلقتي شعرك)كنشوف فيه وكنشوف فيدو مشا ليا التركيز...دازت دمعا من عيني حنت تخنقت...شوية رخف يدو...مشيت كنجري خرجت من البيرو...كنجري ومعارفاش فين كنمشي...طلعت مع شي دروج حتی دخل لشي طابق فيه الأشغال والناس معلقين فالحيط كيصلحو...مجيتش نستوعب الموقف حتی شرباتني شي حاجة معلفة فالحيط ومن تما الضباااب والضلمة ....