وحشي اناا😚

الجزء السادس عشر

14.خرجات من عندهم وهي في حالة هستيرية ....كان ضلام الحال ديك الساعة...كتمشی وكتحس بالحريق فكرشها....حادرة راسها وكتمشی....كتشوف الضو ديال البقال الوحيد اللي مزال حال....فيها الوجع ....كتمشی ورجليها مقادرنيش يهزوها....محساتش حتی جراتها شي يد....كانو جوج د الرجال....جروها من شعرها وخباو فمها باش متغوتش....كتنين وتركل برجليها....كتضرب بيديها ورجليها حتی ضربها شي حد علی الراس....كتحل عينيها بان ليها شي حد بغا يحيد ليها حوايجها ودخلها فدوك البلايص فيهم السقيل..سلاف؛ كتغوووت...بعدو مني....شي حد يعتقني...سمعو صوت سيارة كتوقف بالجهد....شي رجلين كيجريو كيزلزلو الأرض تحت منهم....كتغوت وفمها مسدود....شوية خرج من الضلام بديك الهيئة الضخمة ديالو....وقف كينهج...الضو قليل مكيبانش بزاف وليني ملامحو بانو ليها عرفاتو...عينيها كيغوت قبل فمها وهي تحت قبضة ذاك المتحرش السكران...هاز فردي حدا راس واحد فيهم ولاخر شادها....عينيه مفيكسين عليها بوووحدها....كيشوف الخوف والتعب فعينيها...باغي يتلاح ويخشيها فصدرو ويعطيها الأمان ..محدو هو كيتنفس مكينش اللي يقري ليها....كان حبو واضح وليني شوفتو لحبيبتو فهاد المنضر خلاتو يكتاشف العشق اللي فقلبو لهاذ الإنسانة الرهيفة الضعيفة....ضعفها هو قوتو....هو راجل دحياتها....إلا مذافتش الحنان والحماية من طرف رجل غيوريها نقطة من دكشي اللي مستعمر قلبو....خرج صوتو كيهرس سكون د الليل و يدخل الحوف فأشد الرجال...أسد؛ حيد يديك عليها دابة....الراجل؛ الخوف فعينيه( مغنتلقهاش...)أسد؛ شاف فيه شوفة معمر الراجل ينساها....فرمشة عين كانت سلاف فيد سيف والراجل تطلق عليه الرصاص فرجلو أسد؛ كيدور يديه عليها ويخشي راسها فصدرو ( متخافيش...أنا معاك...أنا معاك....)سلاف؛ واش مات..(وهي خايفة ومقادراش تدور وجهها)أسد؛ تهز صدرو وتحط وتسارعو نبضات قلبو وهو كيتفكرها بين يدين داك الراجل ....( غنقتلو دابة )سلاف؛ عنقاتو بدون شعور ( لا لا لا خليه عيط للبوليس...عفاك يلاه نمشو من هنا)أسد؛ حس بدوك اللويدات الضعاف اللي بحال النسمة حاوطو ضهرو العريض...حس بالرضا...حس بالنشوة د الحب...نسا أش وقع...حاوطها بيده من خصرها وكيتحسس ضهرها....طلع يدو حتی بقا يلعب بشعرها وكيبوس فالقمة د رأسها...( بقاااي هاكة متحركيش....)سلاف؛ وهي معنقاه( عفاك يلاه نمشو من هنا)أسد؛ حاط شفايفو علی شعرها وكيتمتع باللحضة اللي خلاتها تعنقو ( شنو فيك مبدل علی جميع النسا....لمسات بساط منك كيخلوني نفقد سيطرتي ونبغي نعيشك معاية فعالم نخليك أنا تكتاشفيه ومعاااايا...)سلاف؛ بغات تحيد يديها وعصباتها هضرتو ( سمح لي فهمتيني غلط)أسد؛ ورك علی يديها باش تعنقو (خلي يديك...ياك قلت ليك متحيديهمش)