وحشي اناا😚

الجزء الثالث عشر

11؛دخلو للشركة د الهدف ديالهم القديم وليني دابة ولا هدف مستحيل نضرا لدكشي اللي وصل ليه وهو الأمر الناهي دابة...جاية وهي حادرة راسها هي وبنتها وراجل بنتها اللي جراو عليه من الخدمة....داخلا وكتطلب الله يقبلو السيفي د راجل بنتها ويخدم حنت هو اللي هازهم ظن بعد ممرض الأب وشد الركنة....كتشوف فديك الشركة الراقية وكتتنهد....دابة أحلام د اليقضی حيدو من بالها بغات غير خدمة بسيطة لراجل بنتها....وقفو علی وحد البيرة د بنت كانت صحبت بنتها...وتكلفات سعيدة بالهضرة...سعيدة(الأم د سلاف)؛ السلام بنتي ...تفكرتيني...البنت؛ أهلااان...لاباس عليكم..سعيدة؛لاباس كدايرة مع الخدمة....؟البنت؛ هاااحنا غاادين..الحمد لله...بغيتي شي حاجة؟سعيدة؛ أه بغيتك توسطي ليا ابنتي عند الرئيس ديالك يخدم راجل بنتي..الله يرضي عليك..البنت؛ ضحكات(..واش عرفتي أش كتقولي...واش السي أسد مسالي...هو راه قليل فاش كيوضف الناس..وقليل فاش كيهضر معانا وإلا هضر كلمة جوج ويمشي...)سعيدة ؛ وأش ندير باش نخدمو...البنت؛ كتشير بصبعها بلا متعيق(شتي هديك البنت اللي جالسة تما هي الروح والعقل ديال السي أسد...إلا بغيتو شي حاجة منو تصاحبو معاها)سعيدة؛(الأم د سلاف) شافت فيها مزيان والحسد باين فعينيها...حسداتها علی مكانتها وعلی سلطتها علی السيد اللي كلشي البنات مهبلهم(زوووينة بزااف...بصح دابة يملها بحالو مكيستاقروش)البنت؛ كتهضر بشوية( سكتي سكتي إلا سمعك شي واحد...عرفتي راه مانع الرجال يهضرو معاها...هاذيك أحبيبتي هي الكل فالكل...تمسيها بصبعك يوقف عليك ياكلك بسنانو)سعيدة؛كتخنزر(ايوة ميمكنش...واش أسد متوكل هذا...من نهار مات باه ومشا لبرا معندو حتی الوقت للمواعيد مع الناس...شحال كنا كنجو نقلبو خدما لبنتي ومستقبلناش...وأنا كنسمع عليه كل نهار مع وحدة..وغير شكون وشكون بنات رجال أعمال كبار كيتلاوحو حداه...هاذي اش عجبو فيها)البنت اللي فالبيرو؛ كتهضر مزال بشوية( وغير شوفي وكان...راها زوينة تبارك الله وصراحة شخصيتها بسيطة ومفيهاش التكبر...ونريدك ألالة حتی حنا قلنا غيدوز بيها الوقت...وليني السيد مكيخرج معاها مكيدرج معاها...حدها البيرو وكيبقا تابعها حتی توصل للدار بلا متعيق...ودار ليها البوديكارد بلا متعيق...ووصا عليها المسؤول علينا اللي تنقس منها بحالة تنقس منو...ومن هدشي كامل البنت معارفة والو كتعامل عادي...يختي اللي لقا بحال هاذ السي أسد يتعزز ...)سعيدة؛ شافت فسلاف...صاف بنتي...غنمشي نهضر معاها نطلبها...البنت؛ أويلي تبتي...عرفتي وتنقستي منها والله حتی يوقف عليك...راه ولينا كنشوفوها نتخلعو منها كثر منو...سعيدة؛ تبسمات(ويلي علی نتنقس منها...أنا وخا نبوس يديها غير تخدمو لينا...)تلفت بانت ليا صورة مغريباش عليا....ختي..اه ختي...كانت في حوايج بساط...جمالها ذبل ....كان معاها راجل شوية غليض والكرش خارجة...باينة فيها معيشاش مزيان...وللأسف الام ديالي كانت قدامهم.. حتی هي نفس الشي ملابساش اللباس اللي كانت مولفة....بدون شعور هبطات لي دمعة وأنا كنشوف أقرب الناس ليا ...أو المفروض كان يكونو أقرب الناس ليا....مكنضنش غيعرفوني دابة وهوما اللي تخلاو عليا..بانو ليا جايين جيهة البيرو ديالي....بقيت كنشوق ودوزت صبعي نمسح الدمعة اللي نزلات.شفت فملامح الام ديالي...تبدلات مع الزمان...ختي حتی هي تبدلات...كيفاش غيتصروفو معاااية...واش غيعرفوني إلا قربو للبيرو....واش غتحس ببنتها اللي خرجاتها من الدار وهي صغيرة ومحتاجة الحب ديالها....بقيت متبعا خطواااتهم حتی وصلو حدايا...عينيا كيشوفو فيها وكنددور فعينيا علی وجهها...علی تجاعيد الصغار اللي ولاو فيها...علی عينيها علی هيئتها....سعيدة؛ جاية وكتشوف فالبنت قدامها...ركباتها الرعدة من رجليها ...يديها كيترعدو.وممصدقاش أش كتشوف...هي..هي...هي بنتها..نطقات وهي كتغووت(سلاااااف.نتي)سلاف؛ وكتبكي(عرفتيني ياك)سعيدة؛ كتجري تدور باش تعنقها( بنتي....بنتي) وقفات كتأمل فيها...محبساتش فمها يتحل شوية...كتطلع فيها كاملة...عينيها عبرو علی صدمتها....كانت كتمعن فملكة جمال ماشي فغليضة خايبة( وليتي أية فالجمال...نتي بنتي سلااااف....واش نتي اللي كيبغيها السي أسد...واش نتي اللي كيدير عليها هدشي....بنتي أنا....بنتي أنا....نتي بنتي يااااك....حبيبتي)أنا؛ خرجت من البيرة ودفعتها وكنشوف فختي مصمرة بلاصتها وحتی هي بلا متحس فمها محلول وكتأمل فيا ....(بعدووو مني....مكنعرفكمش...عندي أم وحدة خليتها فالبلاد....)سعيدة؛ شدات ليها فيدها....بنتي....بنتي....(كتبكي...وتمسح فدموعها...)بنتي...بلاتي...سمحس لينا ابنتي...سمحي لينا...