MONTECALVO SIBLING:The Rockstar Doctor(Completed)

Chapter Four

Bagot na bagot naman na si Marg habang naghihintay ng reply ng lalaki.

"Ang tagal naman," angal niya habang titig na titig sa screen ng cellphone. Masyado bang hindi siya interesting kausap kaya hindi na ito nagreply.

"Hay naku!" Naiinis na wika saka padapang muling nahiga sa kama niya. "Last message kung hindi ka pa magrereply. Bahala ka sa buhay mo. Kainis!" Aniya saka nag-isip ng itetext na makukuha niya ang atensyon nito.

Maya-maya ay napangiti siya sa ideyang pumasok sa kanyang isipan.

Do you know why I asked you this question, because the first time I saw you. You stole my heart. This is the first time I felt this way. I think, you're the one who destine for me.

May kahabaang type dito saka pinindot ang send. Nangingiti pa siya habang nakatunghay pa rin sa cellphone niya habang naghihintay sa reply nito.

Biglang nagising ang diwa ni Jake ng magvibrate ang cellphone na ginawang i-silent para hindi siya magambala. Muli ay nakita ang hindi nakalihestrong numero.

"Ano na naman," napipika ng wika nang mabasa ang huling mensahe nito ay napakunot ang noo niya.

"Do she know me?" Tanong sa sarili. Hindi na niya napigilang magreply dito.

Who the hell are you? Do you know me?

Halos mapatalon si Marg ng makitang nagreply ang lalaki. Ngunit nawala iyon ng mabasa ang reply nito. Mukha ngang hindi ito interesado.

Grabe ha. Ang sungit naman. Baka tumanda ka ng wala sa oras. Mas mauna ka pang mamatay sa akin niyan. High blood ka na.

Pang-iinis sa lalaki. Tuluyan na rin kasi siyang nainis dito. "Sungit! Hay naku kung hindi ka lang guwapo. Hay!"

Mas lalong napakunot noo si Jake sa nabasang mensahe.

Who are you anyway?

Reply niya rito.

"Marg," basa niya sa reply ng babae. Nasapo niya ang labi niya. Agad na naalala ang mga ka-bandmate. Maaaring isa sa mga ito ang nagbigay ng number niya sa babae.

Okay Marg. You better rest.

Reply niya upang matapos na. She need a rest sa kondisyon nito.

I can't sleep.

Reply nito sa kanya. Nagpabaling-baling siya ng ulo. Ayaw na sana niyang palawigin pa ang usapan nila pero hindi napigilang tanungin kung bakit ito hindi makatulog.

Why?

Dahil lagi kang natakbo sa isipan ko.

Reply nito sa kanya na kinangiti niya. Saka mabilis na nagreply. Sinakyan nito ang sinagot ng babae.

No wonder why, pagod na pagod ako kasi kanina pa pala ako tumatakbo diyan sa isipan mo.

Pang-gagatong sa punchline ng babae.

Halos kiligin ang lahat ng ugat ni Marg sa huling birada ng lalaki. "Marunong din naman palang sumakay," aniya sa isipan.

Ako ba? Nasa puso mo na ba?

Lakas loob na tenext iyon sa lalaki kasabay ng dalanging sana sagutin nito kahit pabiro lang ng oo.

Matagal bago nakahuma si Jake ng mabasa ang text na iyon ng babae. Muling sumingit sa isipan ang maganda at maamo nitong mukha pero handa na ba siyang muling isugal ang puso sa babaeng alam niyang sa huli ay iiwan din siya.