.و انتي مالك بي مش حتتزوجي خالد .......هي هي دقيقة انتي فاكراني فرحانة بي خالد بتاعك دا .......ظاهر يا اختي انك فرحانة بي دليل انك حتعملي الساونا و تلبسي الزفاف .......لالا بس عايزة اوضح ليك حاجة عشان ما تتهوري انا خالد فترة و بتطلق منو بالتلاتة ابوك زاتو تاني ما بقدر يجبرني عليهو و اساسا واحد زي خالد دا ما استايلي و لا حاتقبل انو يقرب لي حتى و مشت خلتها ........داليا اتحرقت منها و بقت تقول دي مالها دي محروقة عشان انا حاتزوج اخو راجلها ولا شنو ........و داليا طلعت غرفتها لكن قبل تدخل وقفها خالد قال ليها داليا دا شنو القلتيهو تحت دا ......نتلت يدها و قالت ليهو بي غضب ايااااك تمسك يدي دي تاني ولا تتكلم معاي انت اساسا دخلك بي شنو و لزتو و دخلت غرفتها ........عم الشاذلي طلع و مشى يفتح المحل بدري .......حسنية طوالي جرت على تلفونها و فتحت الواتساب و بقت تدردش ........اها اليوم بتلاقيني يا عمار .......اكيد حبيبتي اكيد تعالي لي في الشقة الساعة 3كدا بكون خلصت شغل .......خلاص اوكي .....حسنية حست انها بقت تستجدي الناس و حست انها زي الشحادة بس الحل شنو و زوجها بهجرها على مزاجو .......مرات شهور مرات سنوات لانو ما فاضي من الحرام البعمل فيهو........
البنت دي قالت انو دا انت .......يا ولية اطلعي من هنا قلت ليك شوفي بتك دي العمل فيها كدا منو بتتبلي ساي انتي ......المراة قالت ليهو طيب اديني قروش و انا بسكت و تاني ما بتشوفني .......فعلا اداها زي مية جنيه المراة طلبت زيادة بس قال ليها دا العندي لو ما عايزة اعملي البعجبك و جيبي القروش .......المراة شالت القروش و ساقت بنتها و مشت ......
عدت الايام سريعة و داليا داخلة في نفسيات عشان العرس قرب .......طارق في قمة السعادة متواصل مع خنساء و مبسوطين .......خنساء قلبها مقبوض من كلام حسين اخوها .....الخلاهو يقول كدا شنو و حاسة حسين فعلا قدر ينقص عليها فرحتها .......بس بتحاول تتناسي كلامو و تفرح بي فرحتها .......اهلها مبسوطين ليها شديد ........خالد و ديما اي واحد فيهم ناوي على التاني و ما حيعتبرو بعض زوجين اساسا ........جا اليوم المرتقب و خالد و ديما في اليوم داك كانو نايمين و ما فارق معاهم شي اساسا ........طارق دق لي خالد الباب .......يا خالد .....خالد .....دا شنو لسة نايم في زول بنوم في اهم يوم في حياتو ياخ دي ليلة العمر اسمها قوم اجهز ياخ .......يا طارق ياخ اطفي النور انا نعسان .......يا سلاااام ياخ انا حاجز في صالون ارح قوم نمشي نعمل ساونا و ننتعش شوية .......خالد قام متكاسل و دخل الحمام .......دلال مشت غرفة ديما و صحتها كمان .......يابت قومي عشان تجهزي عشان على الاقل تتطلعي حلوة اليوم ......انا اساسا ما محتاجة .......خلاص عرفناك ملكة جمال يلا اصحي قومي عشان تمشي الصالون بدري ........ديما صحت و لبست سريع ......يلا ارح .......والله يا ديما إلا تتصلي بي صحباتك يمشو معاك انا عندي مية شغلة .......حرام عليك خلي داليا تشتغل انتي امشي معاي .......دلال دنقرت قالت ليها داليا ما راضية تتطلع من غرفتها ........خلاص خلاص انا بتصرف .......طلعت ديما و ركبت تاكسي و مشت الصالون براها .......اتصلت بي صحباتها بس الوقت بدري اكيد حيكونو نايمين اسي .......مافي زول رد عليها .......اتصلت بي صديق ليها اسمو عمر ......الوووووو .......هلا والله ديما كيفك اخبارك ......الحمدلله كيف انت ......بخير يلا عايزة منك خدمة بس .......انتي تامري ......عايزة اجيب حاجات من السوق ممكن تطلع معاي .......انتي وين حاليا .....انا في شارع (....) ......خلاص نتلاقي فيهو بعد عشرة دقائق .......فعلا عمر وصل و مشى لفلف معاها السوق كلو .......اتصل تلفون عمر في اللحظات ديك ......ايوة يا زينا .......ديما ركزت معاهو ......ايوة انا مع ديما معليش كانت عايزاني ضروري عشان كدا اتاخرت .......ديما صحبتك .......فجاة زينا قفلت في وشو ......دي كمان مالها موش الليلة عرسها ما تعرس و لا تطرشق مالها سايقة معاها عمر كمان .......ديما بقت تفكر قبيل اتصلت علي زينا ما ردت اسي يعني عشان عمر حبيبها صحت بدري بس ما ركزت ........نزلها عمر في الكوفير بس قال ليها حاجاتك كيف ......معليش يا عمر ممكن تجي تاخدني بعدين ......جدا خلاص عندي مشاوير اقضيها و ارجع ليك بينا تلفون .......
بيت ناس عم الشاذلي كان جايط شديد و اتملي ناس اقاربهم .......زينا لاقت عمر في كافي .......رجعنا يا عمر تاني لي ديما .......لالا والله يا زينب انا و د يما اصحاب مافي حاجة بينا ......انا يعني ما مكفياك ما صحبتك ......انتي احلى حاجة حصلت صحبتي و حبيبتي و اي شئ......ما باين يعني .......بعدين انتي ديما دي صحبتك و انتي قارياها كويس ......اي انا قارياها بس برضو البنات ديل الزول ما يأمن ليهم .......اسي هي شكلها عندها مناسبة ولا حاجة .......مناسبة شنو ما عزمتك الليلة عرسها .......بالله ما ظاهر عليها معقول يا زينب الليلة حايمة براها وين صحباتها واخواتها و انتي ليه ما مشيتي ليها ......انا بمشي ليها لولا انو الليلة وعدتك الاقيك ......بس دي صحبتك و ليلة عمرها معقول ما تقيفي معاها .......ماقلت ليك انت السبب ......خلاص اسي عندها حاجات في العربية امشي ليها و اساليها عايزة توديهم وين ......اااا إ اكيد اكيد .......مشو عمر و زينا للكوفير عند ديما ......زينا مشت عليها بي خجل قالت ليها ازيك يا بت .......اهلا حبيبة كيفك ......اول ما عرفت من عمر انك براك هنا طوالي جيت ........شكرا ليك حبيبة قلبي ......بالمناسبة الحاجات الفي العربية وين نوديهم .......عليك الله معليش يا زينا وديهم البيت و ختيهم في غرفتي .......ايوااا خلاص تمام يا زولة مسافة السكة و حاجي اقيف معاك ......مشت زينا وفعلا عمر وصلها لحدي البيت و قال ليها انزلي انتي لتعرفيهم انا ما بعرف زول ما بتحشر ساي .......خلاص طيب ثواني و راجعة .......دخلت زينا بما انو الباب فاتح و اليوم مناسبة بس حست الناس البرة بسيطين شديد .......دخلت جوة لقت الحبشية و معاها راجل واقفين بضحكو .......السلام عليكم .......اهلا اتفضلي رد عليها عم الشازلي بانتباه و عاين ليها من فوق لي تحت كونها لابسة لبس شاذ و متحررة شديد .......انا جبت حاجات لي ديما قالت اوصلهم البيت ........ايوااا اتفضلي اتفضلي .......ايوااا دلال وين قالت اكلمها .......الناس ديل مشو الصالة من بدري بس باقي اعمامك و عماتك العجائز البرة ديل .....ايوااا طيب .......دخلت زينا و عم الشاذلي وراها بوصف ليها في المكان و غرفة ديما .......وصف ليها غرفة ديما ووقف في المرر من برة ......دخلت زينا ختت الحاجات و جاية طالعة لقت عم الشاذلي في وشها .......اتخلعت ......خلاص ختيتهم .......عم الشاذلي مسكها من يدها .......زينا اتصدمت و اتخلعت و حاولت تفك منو يدها .......دقيقة اقول ليك ......فك يدي والا حاصرخ و الم فيك الناس .......
يتبع....
