امي خنساء مشت وين ......مشت تلاقي صحبتها ......ياخ صاحبتها دي شكلها بت راحات انا نفسي اخش فيها بس خنساء دي شوم خلاص ما عايزة تديني فرصة مع صحبتها ......حسين انت اسي عايز تعرسها عشان قروشها يعني اكيد اختك ما حتوافق .......لكن يا امي اساسا تنكح المراة لمالها دي في الحديث .......خلاص اسي خلينا منها و من كلامك دا اسي ابوك دا عيان ليهو كم يوم عايزين ليهو حبة الضغط دي يا حسين عليك الله اغشي الصيدلية القريبة دي جيب ليهو .......جيبي طيب خمسين جنيه ......امو عاينت ليهو بي حسرة ......انا كان عندي خمسين جنيه بقول ليك جيبو يعنى ما بمش براي اجيبو ولا اكلم خنساء تجيبو .......انا لكن ما عندي ولا قرش .......شغال ليك قريب سنتين ما عندك ولا قرش ولا شفت منك قرش ولا اظن اشوف ......قايلاني بكذب عليك يعني .....خلاص انا قنعت منك بركة في بتي الحمدلله ومما ابوها مرض ما قصرت مننا رغم انها بتقرا في الجامعة بتشتغل .......يا امي انتي اساسا من يومك بتريدي خنساء اكتر مني لانها بت ......البت التبتك يا عفن اريدها و احبها حبيبة قساي يا يمة لا تموت لا تفوت شايلة هم البيت و هم ابوها من يومها حنينة ......خلاص خليها هي تنفعكم و قام علي حيلو و ماشي على الباب .......نافعااانا الحمدلله و ما مقصرة مننا .......حسين طلع و رزع الباب وراهو و مشى شغلو وهو مضايق .......
يا عبد الرحمن اسي عليك الله شوف حسين دا دحين نافع .......عبدالرحمن ساكت و راقد في سريرو و جسمو هزيل و يبدو عليهو التعب ......زمنك دا كلو تقول انا ما بدور البنات و بدور الاولاد وقت ولدت حسين ضبحت لو خروفيين و لما جات خنساء زعلت وقلت ما بتدور ولادة البنات اسي البت ما نفعتك .......عبدالرحمن سرح بعيد ........
حسبي الله ونعم الوكيل فيك يا عبدالرحمن ان شاء الله تشوفو في بناتك العملتو فيني حسبي الله ونعم الوكيل و ربنا منتقم جبار و جات عليهو جميلة و لزتو و هي بتبكي ........تلب بالحيطة و فات خلاها تبكي و هي منتظرة راجلها ما معروف تكلمو بي عملة ولد خالها ولا تسكت و تتستر .......عبدالرحمن كان شاب عمرو 19سنة بس كان طويل و فارع و قوي و بت عمتو جميلة كانت حلوة و مدورة و صغيرة ......راقب البيت لما راجلها طلع و دق ليها الباب و هي بي كل براءة فتحت ليهو و فضلتو و قالت ليهو فلان طلع الشغل و كبت ليهو من شاي الصباح الكانت بتشربو مع زوجها و ادتو لقيمات و ماشة قدامو تتفتل بي قميصها و لا طرحة ما خاتها البساط احمدي و دا ولد خالها اخوها لزم ......و لما حست انو حركاتو ما ياها بدات تخاف و تتكمش على روحها بس وين بعد شنو و الحصل حصل و هو جرى خلاها تتداعي ......اتذكر الفلاش دا عبدالرحمن و هو بتمنى يموت قبل ما يشوف حاجة في بتو الوحيدة الشايلاهو و سانداهو و بتعالجو ......
خنساء وصلت البيت و وقفت برة و اتصلت بي دلال.......اها يا بت انا في الشارع القلتي عليهو امشي على وين .......بس شايفة العمارة اللونها بصلي و تحت كلها دكاكين مع بعض فاتحة في الشارع ......ايوة شايفاها ......دا بيتنا و الدكاكين دي يا ستي حقت ابوي عمك الشاذلي ......بالله ماشاء الله خلاص انا جاية ........قفلت خنساء و هي مصدومة بالبيت و العز بتاع صاحبتها اكيد هي عارفة انها بت عز بس ما للدرجة دي ماشاء الله ......دخلت خنساء و هي خجلانة شديد ......دخلت سلمت علي حسنية ام دلال و انتظرت تحت الحبشية جابت ليها عصير و حسنية قالت ليها انتي خنساء ماشاء الله حلاتك و صغيرونة ......تسلمي يا خالتو ......رجعت حسنية تدنقر في تلفونها وهي ما حاسة بالعالم الحواليها .......وصفي لي روحك يا حسونتي نفسي اشوفك موووت ......انا حلوة شديد و سمينة و صفراء ......و تاني و تاني بالتفاصيل يا سنسونة ولا اقول ليك ما ترسلي لي صورة ........طيب برسل ليك ......رسلت كم صورة ......يا سلام انتي صغيرة يا سنوية اتخيلتك اكبر من كدا ........ههههههه .....طيب ما تجي نتكلم فديو .....يا ولد ما تتلم ......
دلال نزلت ازيك يابت والله ليك وحشة كيفك ......الحمدلله بخير كيفك انتي .....كويسة والله ارح فوق غرفتي .....عاينت لي امها وهي ماسكة يد خنساء ماما عن اذنك ......اتفضلو ......ماشاء الله دي غرفتك حلوة ماشاء الله ......تسلمي حبيبتي اها قولي لي خبرك شنو تاني بتاع المكتبة عمل ليك يا حركة كدا ولا كدا ......والله يا ديما طوالي في الحالة دي والله زهجت منو بس مافي حل تاني ابوي عيان و امي مراة كبيرة زي ما عارفة و اخوي حكيت ليك قصتو .......اخوك دا انا والله اكتر زول غايظني مفروض يتحمل المسؤلية ياخ .......يا زولة الله كريم ما عايزين منو شي خليهو يوفر لي روحو الاكل والشراب .......يجي من برة يقضي علي العيش الفي البيت كلو و كان لقى سكر يعمل عصير من مافي بس مضرة كدا ......ما تخلو ياكل معاكم زي دا تشيلو منو حق الاجار .......ههههههههه والله ضحكتيني يا ديما ياخ. ......اها ما حكيتي لي الحلم الشفتيهو .......والله يا خنساء انسي دا موضوع طويل والله انا بقيت بخاف انوم ......هو بجيك كل يوم ......لالا ما كل يوم بس ما بعرف بجيني كل كم ممكن اسبوع اسبوعين ما اشوفو بعدين فجأة اشوفو بس طبعا كل مرة بي طريقة مختلفة .......سبحان الله لازم تفسريهو يمكن عندو تفسير ......فجأة باب الغرفة دق .......ديما قالت ليهو اتفضل .......اوووبس اسف يا جماعة ما عارف معاك زول ......يا ود تعال دي خنساء صحبتي عايزة اعرفها على الاسرة .......اهلا يا خنساء صحبة دلال .....هههههه يا ود مالك متكبكب كدا ......عاين ليها و ضحك بي جنبة يا بت مالك فضيحة كدا ......كنت عايز شنو .....بعدين بعدين يلا عن اذنكم ......طلع طارق و هو مبتسم .......جو ناس داليا و ديما سلمو على خنساء و اتونسو معاها .......بعد مشو ......خلاص يا دلال عرفت البيت بس باقي اهم زول ابوك يا دلال عشان يشوفني و يخليك تجيني عادي .......خلاص تمام ما حيجي اسي هو شغال في الدكاكين تحت ......طيب انا اتاخرت انا بعد كدا بمشي ......خلاص عندي ليك فكرة ارح ننزل نسلم عليهو و اعرفك عليهو ......طيب يلا ارح ......طلعو لقو طارق في الصالة تحت ......يا سلام ياخ خلاص ماشة ما تقعدي شوية .....دلال عاينت ليهو قالت ليهو شفت الزمن بجري سريع كيف و غمزت ليهو .......معليش انا اتاخرت مرة تانية ان شاء الله.......طلعو برة مشو الدكاكين دخلت دلال و خنساء وراها ......يابت تاني جاية ناطة لي مالك الليلة ...ّّّيا ابوي دقيقة دي خنساء صحبتي عايزة تتعرف عليك ......عم الشاذلي طوالي وقف علي حيلو و سلم عليها و مسك يدها قال ليها بالله دي صحبتك ليه ما عرفتينا عليها من بدري ......خنساء مخلوعة يدها لسة ماسكها الراجل ....
يتبع.....
