.
،
احاول اخفي احساسي ولكن بالعشق مفضوح
تشوف الفرح في عيني واحبك بالعقل والروح
احبك حب ما أقدر اعاند فيه احساسي
لقيت الحب شيء اكبر من أني اخذ انفاسي
حياتي عمرها بيدك وحبك سيدي وسيدك
وعمري ما ابتدأ قبلك وعيدي فالهوى عيدك
حبيبي; عمري لك والروح وقلبي فالعشق هاايم
فداك الروح ،وروح الروح يا رب تبقى لي دايم
معاك الدنيا شي ثاني، معاك الدنيا ذي احلى
ومهما كانت الدنيا، معاك احلى اكيد احلى
تخيّل دنيا من غيرك أو لحظات من غيرك
انا ما اشوف فالدنيا و في قلبي أحد غيرك
،
.
،
.
وصلهم عناد بدلاً عن حاكم الذي وقف بجانب عمه لاستقبال ومباشرة الضيوف..
نزل من سيارته وهو يتجه داخل المستشفى حتى وصل اليهم، في غرفة الضماد/وش العلم يا شباب؟!
سلمان/بسيطه يا رجال خدش في وجه العريس
التفت عناد لفاهد/ماتشوف انت اعمى؟!
فاهد الذي كسرت يده/الصدمه كلها في انا الحمدلله العريس سووله أشعه وبخير
التفت عناد الى تميم/شلونك تميم؟
لم يهتم سوا بلبسه الذي صبغ بالدم/يا ولد تأخرت على الزواج والملابس راحت فيها.فيه عريس تجي الساعهظ،ظ،ماهو في القاعه لا استقبلت ضيوف ولا شي
ضحك عناد/يابن الحلال اهم شي سلامتك..وين الدكتور ابي اشوفه
تميم بغضب/استلمونا كلنا اشعه وفحوصات ماله داعي تكلم دكتور مشينا وانت يا فاهد اقعد خلهم يجبرون يدك برسل عليك صقر يجيبك
فاهد بابتسامه/ماهي مشكله مبروك يا عريس
خرجوا عائدين للمنزل،يجب ان يلبس من جديد وبسرعه..
.
،
.
.
،
.
سمعت صوتاً هامساً عند باب غرفتها قد ضاقت انفاسها من طول الانتظار،هنالك شيء ما يحدث نظراتهم ليست عاديه، هم يخفون امراً عنها نظرت للساعه مجدداً كانت تشير للثانيه عشرا، التفتت لريم التي دخلت للتو و سكبت لها كوب ماء لتسألها بإلحاح/وش صاير يا بنت فهموني
مدت لها كوب الماء حتى شربت منه قليلاً/بقولك وش صار بس لا تخافين ماصار شي يخوف..بصراحه تميم وهو جاي عالقاعه صار له حادث بس والله بسيط والله
سقط الكوب من يدها وهي تعجز عن الوقوف/تميم!!
دخلت شيهانه وهي تراها كالجماد/بسم الله عليك سلهام شفيك
ريم بخوف/قلت لها ان تميم صارله حادث
عبست شيهانه بوجه ريم وهي تتجه لسلهام وتمسح دموعها/الله يهديك يا ريم خوفتيها عالفااضي تميم بخير وينتظرها وبعد شوي الزفه..
