نزلت تحت للدور الاول.. بعدما اتصلت بعبدالرحمن واخبرها انه بالمستشفى وتحت بالقرب من قسم الطوارئ هو واخوته..
رآته هناك اتجهت صوبه ولم ترى وجهه المعهود.. عينيه أذبلها الدمع.. يلف طرفي الشماغ وبدون عقاله!! هزت رأسها بالنفي واتجهت له/دحوم ليش تبكي؟
ام ناصر بإلحاح/يا عيالي ردوا وين ابوكم
ناصر بصوت يغلف الألم/ابوي يطلبكم الحل ..
ام ناصر علمت انه الخبر اليقين ..وضعت يديها على رأسها وبدأت بالبكاء..
هي لم تصدق.. نظرت اليهم باستغراب/وين ابووي ماتسمعون انتم؟ انا لي يومين ماشفته.. وووينه
عبدالرحمن حاول الامساك بها ليفهمها ولكنها لا تستوعب الان،ابعدته عنها/ابعد عني.. ودوني لأبوي
عبدالرحمن/ياتوق قلنااالك توفي الله يرحمه.
برجاءها وإصرارها اتجهت لاخيها الاكبر /الله يخليك ناصر بشوفه.. ابيه تكفوون ابيه لا تكذبون علي.. بسوي اللي تبون بس لا تكذبون علي و تفاولون عليه
تقدمت والدتها وحاولت ان تربت على كتفها،خافت ان تصاب بصدمه فهي لم تصرخ ولم تبكي بعد سماع الخبر/توق يمه قولي لا اله الا الله
توق بعدم تركيز/لا اله الا الله.. يلا تكفون ودوني ابووي
بجاد اخذها بقوه وهو الآخر يحاول الصمود لتهدئتها/تعااالي علشان تتاكدين بنفسك
ام ناصر لحقته/لا يا بجااد لا توديها.
ناصر أمسك بوالدته/خليه يوديها يمّه، أربها تقتنع.. مايصير.. ماهي بمصدقه انه مات.
ام ناصر جلست على اقرب كرسي وهي منهاره جلس عبدالرحمن لجانبها وهو يحتضنها.. لا يعلم يواسي نفسه ام يواسيها..!
.
،
اتجه بها لغرفه أشبه بالفريزر.. لا يوجد بها ضجيج اجهزه ولا اصوات انفاس، غرفه قد تجمد كل ما فيها.. امسك بيدها وفتح الستاره عن السرير الذي يحمل جثة والدهم وبقلبه ألم لهذا الموقف الذي وضعتهم فيه/هذا هو
شعرت وأن قدميها مثقلتين ..خطوات ثقيله انفاس مكتومه اتجهت ناحيته وهي تفتح الغطاء عن وجهه بسرعه/ليه مغطين وجهه حرام.. كتمتوه.. و بعد الغرفه بارده و لحافه خفيف.. بحاد تكفى قل لهم يطفون المكيف اصلا الجو بارد
بجاد ضل واقفا ويبكي من جديد وهي تتكلم عنه وكأنه حي..!!
أمسكت بيد والدها التي تحولت لكتلة جليد و ضمتها بين يديها محاولتاً تدفئته/يبه خلاص قووم،بناخذك معنا البيت يبه بقعد معك ،غرفتك ادفى و كلنا حولك،
ألتفتت إلى بجاد واتجهت له بجديه/قولهم يطفون المكيف بسرعه ابوي بيذبحه البررد حرام عليهم.
