The Twins of Monte Cristo [KathNiel JulNiel JulKath]

Episode 1 Separate Lives

Lalo pang nakakalungkot dahil bukas, magkakahiwalay na talga sina Julia at Kath. Bukas ang flight ng buong pamilya pauwi sa Pilipinas para doon manirahan. Dahil nasanay sa marangyang buhay at sa paligid niya, nagpaiwan si Julia at mas gusto pang manirahan sa mga Lola nila na kapitbahay lang nila sa America. Ayaw niyang iwanan ang mga kaibigan at ang buhay na nakagisnan nya.

“Wag ka nang magalit sakin oh… aalis na nga kami bukas eh. Baka naman pwedeng kahit last minute ok naman sana tayo.” Mahinahong lumapit si Kath kay Julia na nagmumukmok sa bintana ng kwarto nya.

“Alam mo nalulungkot din naman ako  na maiiwan ako dito…pero ayoko talaga sa Pilipinas. At pwede ayoko din ng dramahan kung magpapaalam ka.” Matigas talaga ang loob ni Julia pero unti-unti na rin syang nadala nung umiyak na sa harap niya si Kath at yumakap ng mahigpit sa kanya.

“Mamimiss kita sis.. Naalala mo ba nung mga bata tayo lagi mo ko pinagtatanggol pag may umaaway sakin… Uso pa naman mga bully dito sa America… pagdating ko sa pinas dapat tough na ko kasi wala nang Julia na magtatanggol sakin… Mamimiss ko na din yung pag madaling araw hindi ako makatulog ikaw kinukulit ko kahit naiinis ka na… Mamimiss ko lahat yun… hindi na ba talaga magbabago isip mo? Ayaw mo ba talagang sumama-” hindi pa natatapos magsalita si Kath pero kumontra na si Julia habang inaalis ang pagkakayakap sa kapatid.

“Kath pwede ba tigilan mo yang kakadrama mo. Wag mo kong iyakan hindi magbabago isip ko.” Sabi ni Julia pero tumutulo na din ang luha sa mga mata nya.

“Mamimiss din kita… namimiss ko din naman lahat ng mga ginagawa natin dati pero, Kath kahit kambal tayo, magkaiba pa rin yung buhay natin. Iba ako, iba ka. Hindi pwedeng tayong dalawa lang magkasama habang panahon. At ikaw kailangan matuto kang manindigan sa sarili mo… ingatan mo sarili mo… kaya ako humiwalay sayo kasi yun ang gusto kong matutunana mo… ayoko nang laging nakadepende ka sakin… gusto ko matuto kang magdesisyon sa sarili mo dahil in the end ikaw din ang kawawa… naiintindihan mo ba? Wag mo na kong pilitin kasi masaya ko dito at dito ko gusto. Sige na matulog kana maaga pa flight nyo bukas.” Pinaliwanag ni Julia ang lahat habang pinipigil na maiyak pero umagos pa rin ang luha nya. Ang totoo nalilito sya kung anong pipiliin nya. Gusto nyang kasama ang pamilya niya pero hindi rin niya maiwan ang buhay dito at sa tingin niya hindi nya kakayanin sa Pilipinas. Isa pa gusto rin ni Julia maranasan na tumayo sa sarili nyang mga paa dahil naiispoiled na talaga silang dalawa ni Kathryn. Simula pagkabata sunod na ang luho nila.

“S-sige…” Sabi na lang ni Kath, disappointed na hindi niya pa rin nakumbinsi ang kakambal niya.

“Kath.” Bago pamakalabas ng kwarto, tinawag ulit siya ni Julia.

“Pwede namang mental telepathy diba? Kahit magkalayo tayo makakapg-usap tayo sa isip natin… pero wag madalas dahil nakakapagod pag matagal nating ginagamit yung kakayahan na yun. Sige na. Goodnyt.” Paalala ni Julia bago tuluyang nagpaalam si Kath sa kanya.

Hindi sumama sa paghahatid sa airport si Julia dahil ayaw nyang Makita nang lahat na malulungkot din sya. Imbes na malungkot nagpaaalam na lang siyang pupunta sa party ng isa sa classmates niya. Kahit na liberated ang dating ni Julia pinapayag pa rin ito ng guardians niya dahil alam nilang alam ni Julia ang limitasyon nya at kaya niyang ipagtanggol ang sarili niya.

~~~

Bakasyon pa sa Pilipinas nang dumating ang Pamilya Salamanca kaya hindi napressure si Kath sa pag-aadjust sa bago nilang lugar. Sa loob ng dalawang buwan na bakasyon sa mga skwelahan sa Pilipinas, nakahanap sina Martin at Min ng sa tingin nila ang the best para sa anak nila. Ang Monte Cristo Academy. Pinakamataas ang standards at pinakamagandang school para kay Kathryn dahil maraming matatalino at achievers dito. Siguradong matututong makipagcompete ang anak nila.