مزاج انثى (مكتمله)

اعتراف

بقت حنان تخرج وي هيثم وتطلع لمدة اربع اشهر وتخابره بالتلفون

وكل البجامعه عرفو بقصتهم

منتهى:-ندى اني خايفه على حنان

ندى:-ليش حبي حنان عين الله عليها مابيها شي

منتهى:-ولج انتي ثوله صارلها اربع اشهر وي هاذه الغبي هيثم وكل البجامعه عرفو بيهم جاي يتواعدون يعني بين قوسين حنان انفضحت واذا وصل الخبر لأهلها راح تكون بخطر

ندى:-منتهى حبي ليش تخوفيني ان شاءلله مايصير شي

منتهى:-احنا لزوم نكعد وي حنان ونحجي وياها ونفهمها الجاي تسوي غلط

ندى:-ماشي

في مكان اخر

حبايب:-اكول

سهى:-كولي

حبايب:-انتي هم تحبين

سهى:-ليش هاذه السؤال هسه؟

حبايب:-هيج بس اشوفج دووم صافنه وبالج مو يمنه يعني عاشقه

سهى:-لالا اني ماحب ولاشي بس يعني بالي دوم يم الشغل ومااحاول اقصر بشي بالمملكه

حبايب:-سوسو حبي اني صديقتج من زمان مو غريبه احجيلي وفضفضيلي لاتشيلين همج بوحدج

سهى:-الصراحه اني جنت احب بس افترقنا

حبايب:-شنوو ليش

سهى:-ماتوافقنا

حبايب:-صارلكم شكد من انفصلتو

سهى:-فوك السنه

حبايب:-اووو انتي بعدج تحبي

سهى:-جاي احاول انساه

حبايب :-زين ليش ماتوافقتو

سهى:-ماتوافقنا وبس

حبايب:-براحتج لاتحجيلي بس نيمت ماتحسين بروحج مخنوكه وتريدين تفضفضين تعاليلي

سهى:-ان شاءالله

في الجامعه

هيثم:-حنان اليوم مو على بعضج شكو

حنان:-مابيه شي

هيثم:-حنان اني زميلج احجيلي شكو

حنان:-والله ماكو شي

هيثم:-ماشي براحتج

حنان:-انا رايحه

هيثم:-وين ابقي

حنان:-لا

هيثم:-حنان

حنان:-هاا

هيثم:-انا احبج

في مكان اخر

مراد:-حبايب

حبايب:-شكو

مراد:-اني جاي يصير وياي شي غريب

حبايب:-يمه شي مثل شنو انته  مريض