صابرين:-ساعدووني ياخلك
الولد:-صيحي صيحي بأعلى صوتج محد راح ينقذج
مراد:-لك ساقط
الولد:-وخر ايدك عني
صابرين: -دخيلك خويه ساعدني هاذه الكلب مدري منين طلعلي
مراد:-لك انته ماتستحي شلون تتعده على اعراض الناس ماعندك خوات ماعندك ام
الولد:-شيل ايدك عني ولك
مراد:-اليوم اطيح حضك
صابرين:-عوفه خويه خل يولي هاذه الساقط
مراد:-خويه شلون اعوفه خل اخذ حقج منه
صابرين:-كلشي ماريد منه الله يحاسبه بس عوفه
مراد:-هاي لخاطرج بس
هد مراد ايد الولد وخلاه يمشي بحال سبيله واخذ صابرين وصلها للبيت
في الجامعه
حنان:-بنات اني مامرتاحه
منتهى:-خير حبي شبيج
حنان:-كلامجن مساع خوفني اذا اهلي عرفو اني جاي احجي وي واحد بالجامعه والله يموتوني كاضم وابوي مايتفاهمون يطيحون حضي
ندى:-حبي لاتخافين احنا وياج انتي ممسويه شي غلط
منتهى:-ندى اسكتي انتي رجاءاً
ندى:-هاي ليش دايما حاطه كورج من كوري شمسويتلج
منتهى:-كلامج ماصخ ومابي كل خير جاي تشجعين بالبنيه شلون يعني احنا نكدر نساعدها اذا اهلها كشفوها هاا احجي
ندى:-مو بس هيه هيج البنات البجامعه كلهن يحجن وي الولد ويطلعون سوه
منتهى:-حنان غير عن البنات تعرفين انتي اهلها شنو
حنان:-بنات رجاءاً كافي وكامت للحديقه
ندى:-ارتاحيتي هل زعلت البنيه
منتهى:-اووف حنان ماتزعل مني لئن اني احجي هاذه الحجي لمصلحتها
امام بيت ابو صابرين
صابرين:-اشكرك خويه ماعرف شلون اجازيك
مراد:-ولو اختي هاذه واجبي صدك جذب
صابرين:-الله يحفظك
مراد:-انتي هاذه بيتكم
صابرين:-اي هاذه اتفضل اشرب شي
مراد:-لا شكراا كلج ذؤؤق
صابرين:-مع السلامه
مراد:-الله وياج
دخلت صابرين للبيت ومراد ركب بسيارته ومشه
في بيت ابو هيثم
سهى:-والله عيب غلقت التلفون بوجهه بس ارتبكت اول ماكال اسمي اووف لو كايلتله لا اني مو سهى اكيد هسه هوه اتأكد اني سهى ارجع اتصل بي لا لالا شنو هيه اتصل بيه شكله اووف ياربي حيره
هديل:-شبيج تحجين وي روحج
سهى:-بسم الله الرحمن الرحيم خوفتيني اكثر من مره كتلج دكي الباب قبل لاتفوتين
هديل:-لا والله عيني البيت بيتي واني بكيفي ادك الباب ما ادكه
سهى:-لا بله هاذه بيت بابا مو بيتج فهمتي
