بعد مرور سنه كامله
تسريع الاحداث
سافر هيثم ورجع وحل موضوع الصفقه وصارت الشركه والممتلكات بأسم ابو وابو هيثم وفى بالوعد مالته وسجل نص الشركه بأسم هيثم
وموضوع السفر ابو صابرين التهى بشغله وتأجل وماسافرو والبنات ضاجن
اما بالنسبه لصابرين ومحسن انفصلو وصابرين نست محسن وطلعته من حياته ومحسن تزوج حبيبته ايمان وسافرو للخارج لئن ابو محسن ماجان قابل بزواجهم وطردهم من البيت
وحنان نجحت للمرحلة الثالثه واحمد اختفى من حياتها حاولت توصله بكل الطرق بس ماكدرت وبهذا الشي انتهت خطة انتقامها بالفشل ومنتهى وندى هم نجحن وحسين نجح من السادس اعدادي ودخل كليه عسكريه وهيثم وريم ومازن هم نجحو
وسهى وكاضم طبعا انفصلو صارلهم سنه ومحد منهم كدر ينسى الثاني بس كاضم جان كلش متحمل على سهى ويجذب مشاعره ويكول انو كرهه ويريد ينتقم منها بكل طريقه بس الحقيقه هوه بعده يحبها
تركت سهى كلية القانون هيثم طلب منها هيج وبقت تشتغل وياهم وصارو سهى ومراد وحبايب اعز اصدقاء وبيناتهم ميانه كلش قويه
........................................................................
بدأ العام الدراسي الجديد بالكليه
حنان:-هلؤؤؤ بنات شلونجن
منتهى وندى:-هلا حنان
حنان:-اووف بده الدوام وبده الطيحان حض
منتهى:-اي والله وهسه احنا عليمن نقره ومتعبين ارواحنا تاليها ماكو تعيين
ندى:-صدك هوه وين التعيين
حنان:-اختي صابرين صارلها متخرجه خمس سنوات ولهسه مامتعينه
منتهى:-خطيه صدك هيه بعد مانخطبت
حنان:-اجوها هواي خطابه بس ترفض صارت عدها عقدة من وره هذاك الكلب
ندى:-الله لايوفقه
منتهى:-عوفنا منا كوملنا للكافتيريا
ندى وحنان:-يله
في الكافتيريا
منتهى:-شوفي حنان هذاك هيثم كاعد على هذيج الطاوله
حنان:-هيثم
ندى:-احم احم شكو شبيج
حنان:-مابيه شي
منتهى:-اني احس هيثم متكبر شويه
حنان :-ليش تحجين علي هيج
منتهى:-لج انتي ماتشوفينه مايحجي وي اي شخص وطول الفرصه يكعد بالكافتيريا بس يدك الجرس يروح للمحاضره مايخالط الناس
حنان :-بعد احسن اصلا مخالطة الناس ما وراها اله الهم
ندى:-اكولج ماتروحين تكابلينه على الطاوله
YOU ARE READING
مزاج انثى (مكتمله)
Fanfictionالقصه بالهجه العراقيه اول القصص بقلم✏ الكاتبه حوراء علي