ام صابرين:-يمه كافي بجي والله ميستاهلج هاذه النذل
صابرين:-يمه اني وحده غبيه وماافتهم اني ومحسن صارلنه سنتين مخطوبين وابد ماحسيت بي جاي يخوني عرفت من صديقة حنان ماجنت متوقعه نفسي بهل غباء
حنان:-حشاج حبيبتي انتي مو غبيه انتي كلبج طيب ونيتج دووم صافيه ومحسن هوه الغبي ماقدر الجوهره الي عنده
ام صابرين:-صح لسانج حنونه
ام صابرين:-يمه كومي غسلي وجهج وتعاي خل نكمل ريوكنا
صابرين:-كملو انتو ماما اني ماشتهي
بهاي الاثناء كاظم طلع راح للكافتيريا الي واعد بيها سهى متأمل منها انو تجي
في مكان اخر
هديل:-شوفي حبيبتي سهى ماطول انتي جديده ويانه راح اعلمج على شغلنه
سهى:-اي
هديل:-شوفي اولأ الشخص الوحيد اليصدر القرارات هنا هوه هيثم وبس و أي قرار ياخذه الرئيس الي هوه هيثم ممنوع اي واحد يعارضه مفهوم
سهى:-مفهوم
هديل:-ثانيا احنا بالمافيا مالتنا عدنا شويه طبع غريب اي شخص يدخل ويانه ننطي لقب فريد من نوعه ومانسمي الاشخاص الي ويانه بأساميهم كلمن اله لقبه افتهمتيني مو
سهى:-اي افتهمت واني شنو لقبي
هديل:-لقبج الرئيس هوه الي يحدده اول مايرجع من السفر راح ينطيج هدية وراح يكون لقبج حسب نوع الهديه
سهى:-شنو هاذه التمسلت
هديل:-احترمي نفسج لج
سهى:-زفرت بضيق
هديل:-اهنا ماتصيحيني بأسمي تصيحيني بلقبي
سهى:-شنو لقبج
هديل:-جوهرة المملكه
سهى:-امم
هديل:-راح اكلج شي خلي ترجيه بأذنج
سهى:-شنو
هديل:-الطابق الثاني ممنوع كان من كان يوصله افتهمتي واذا وصلتيله تنكسر رجلج
سهى:-ليش شنو موجود بي
هديل:-مايخصج
سهى:-اني راح اشتغل وياكم شلون مايخصني
هديل:-هههههههه والله ضحكتيني انتي تعرفين نجمة المملكه صارلها خمس سنوات تشتغل ويانه ولهسه ماتعرف الرئيس اسمه شنو
سهى:-ماعرفها اول مره اسمع بيها
هديل:-هاي اول النساء بعدي اني طبعا انضمت للمافيا مالتنا راح اعرفج عليها بعدين
سهى:-
هديل:-ماشي وهسه روحي للمكتب مالج
سهى:-اني شنو راح يكون شغلي هنا
هديل:-راح تكونين المشرفه على كل بضاعه تجينا من خارج العراق وتحرصين على وصول البضاعه سالمه للملكه
سهى:-ماراح اكدر على هاي المسؤؤليه بوحدي
هديل:-ماراح تكونين بوحدج شكم واحد من عدنا راح يساعدج لاتخافين
سهى:-وين مكتبي
هديل:-هذاك اشرت سهى على باب خشبي جبير
سهى اتجهت نحو الباب فتحه الها الخادم الموجود بصف الباب مثل الصنم
ودخلت لجوه لكت ممر طويل جدا ومليان غرف على الجوانب
صاحت هديل:-ثاني غرفه على ايدج اليسار
التفت سهى لأختها:-ماشي
دخلت سهى لمكتبها جان مكتب كوولش جبير وموجودين بي مره ورجال مبين عليهم بسن العشرين او اكثر
سهى:-السلام عليكم
مراد:-وعليكم السلام
حبايب:-وعليكم السلام تفضلي انتي هاذه مكتبج اشرت على الجهه الثانيه طبعا المكتب مال سهى جان مشترك ومراد وحبايب همه مساعدين سهى على عمليه اشرافها على البضائع جان يترأس صدر المكتب مراد وحبايب على الجهه اليمنى وسهى مكتبها جان على الجهه اليسرى كعدت سهى على مكتبها الطاوله مالته جانت جبيره كولش وعليها موجود كمبيوتر وبعض الاوراق كامت سهى تكلب بيهن وهنا رن تلفون سهى شافت المتصل كاضم
