هلؤؤؤ رجعت😁
بعد ماخلص دوام الجامعه وانتهت جميع المحاضرات طبعا حنان ماحضرت ولا محاضره منهن هيه دائما هيج تجي للجامعه للتسليه وتشوف صديقاتها وبس وطبعا اليوم كضت الدوام كله كاعده بالكافتيريا منتضره جيت هيثم الشاب الوسيم الي انتقل عن جديد لجامعة حنان والي كدر يشغل عقل حنان وتفكيرها مثل ماكلتلكم بالبارت السابق
بس لحضه.....
منو هيثم؟؟؟؟
وابن منو؟؟؟؟
وليش انتقل لجامعة حنان؟؟؟؟؟؟
بعدين راح تعرفون اجاباتها😀
حنان واقفه على باب الجامعه بعد ما انتهى الدوام منتضره اخوها حسين يجي ياخذها بس هالمره حسين تأخر
حنان:- وين صار هاذه اووف ياربي الشمس تكتل
بهاي اللحضه طلع مازن وشاف حنان واكفه بالحر
مازن:- حنان تعاي خل اوصلج بطريقي
حنان:- لا شكراا اخوي راح يجي ياخذني
-بس صارله ساعه من مخلص الدوام وما اجه تعاي خل اوصلج
- لا شكرااا
-حنان لاتعاندين ماراح اخطفج
-ههههه اووك
مشت هيه ومازن وركبو بالسياره😶
طبعا الطريق كله مازن ما شال عينه من على حنان
جان يتباوعلها هيج 😒 هههههههه
حنان قررت تكسر الصمت
حنان:- اشكرك مازن تعبتك وياي
مازن:- لالا لاتحجين هيج عادي اني مو غريب
-اي صح بس الشكر واجب
-العفوو 😀
وصلت حنان للبيت وطبعا نزلت من السياره وحتى ما كالت المازن بااي اااخ منها ليش هيج تسوي ماعرف بس مازن جان فرحان وكأنما وصل بنت الملك للبيت😅😅. اسسس كافي هسه يسمعنه مازن ويزعل اي طبعا عيني مايقبل واحد يحجي على حنان 😉
دخلت حنان للبيت ام حنان وصابرين جانن بالمطبخ
حنان:-هلؤؤ ماما هلؤؤ صابرين
ام حنان:- هلا يمه اليوم تأخرتي وين اخوج حسين
حنان:- ماما اليوم حسين ما اجه وصلني ضليت منتضرته فوك الساعه يم باب الجامعه وما اجه
-منو وصلج لعد😡
-هااا😮 صدي..... لاحنان شكاعد تسوين اكيد هسه بس اكلها صديقي وصلني راح تضل تحجي عليه
-حنان شكاعد تمتمين منو وصلج؟؟!
-ماما اخذت تاكسي واجيت
-وانتي شلون اجيتي وي ابو التكسي انتي ماتعرفين الدنيا مو امان
-لاماما ما اجيت بوحدي منتهى وصديقاتي اجن وياي
عفيه حنان احترافيه بالكذب😉
-اهاا اي عفيه لاتركبين تكسي بوحدج يله روحي بدلي هدومج وتعاي تغدي
-اووك😒
صابرين:- ماما حنان مو طفله لاتضغطين عليها هيج خليها براحتها
-لايمه شلون اخليها براحتها حنان صحيح جبيره بالعمر بس عقلها وتصرفاتها مالت طفله وماتعرف مصلحتها زين بنتي واعرفها الزوم اضل دوم مراقبتها حتى ما تخطأ بشي عكسج انتي واعيه ومثقفه وتعرفين الصح من الخطأ
-شكراا ماما😁. بس
-بدون بسبسه كومي يله صبي غده
-اووك😐
راحت حنان لغرفتها وذبت الجنطه على الجربايه وكعدت اوووف ياربي شلون اكضي عمري وحياتي هيج اني
وين جنتي حنان!!!!!!
منين اجيتي حنان!!!!!!
لاتصادقين بنات عليهن سمعه مو زينه حنان!!!!!
ديربالج تمشين وي ولد بالجامعه حنان!!!!!
اووف يكول اني طفله نيمت يفتهمون اني كبرت واعرف الصح من الخطأ
هنا رن هاتف حنان
حنان:-الوو
منتهى:- الوو حبي
حنان:-ها شرايده
-شبيج ولج جنج مو على بعضج
-ولا شي متضايقه شويه
-اهووو حبي خيولي هاذه احمد صدكيني يضحك على البنات انتي ماتعرفين بهذوله شباب الفيس كلهم زواحف
-لج يمعوده يا احمد اني افكر بهيثم اليوم ما اجه للجامعه
-حنان شنو هالحجي ميصير هيج اختاري لو هيثم لو احمد
-اممم ماعرف افكر
-فكري زين يله باااااي
-بااااي
احمد
هو الشاب الي تعرفت علي حنان بالفيس عمره ٢٨ سنه خريج معهد فني شاب طموح وعنده شخصيه وحالته الماديه جيده عنده بيت ملك وسياره بس هوه عنده هواي نزوات معه بنات يعني حنان مو هيه البنت الوحيده الي بحياته حاله من حال الشباب عنده الف حبيبه وصديقه 😕
انتهى البارت حبيايب شنو رأيكم بي حلوو😁
بااااااي
