Escaped

Simula

Simula

Hindi kami makapag-focus ni Light sa paglalaro dahil binabantayan namin ang bawat kilos niya. I knew it! He was already panting heavily.

"Come on..." I whispered.

"Break muna!" Hinihingal na sigaw ni Led.

"Yes!" Humalakhak kami ni Light bago lumapit kay Ryde na nakangiwi. Ginulo ni Light ang buhok niya na mas lalong ikinainis nito.

Lumapit siya sa bag niya at kumuha ng pera roon para ibigay sa amin. Tumatawang inipit namin 'yon sa jersey shorts. We won! Hindi ko alam kung ano ang sumagi sa utak ni Ryde at pumayag siya sa pustahan na ito.

"Hoy! May pustahan kayo?" Tanong ni Led na nagpupunas ng pawis. "Bakit hindi ako kasali?"

Mabilis naman na tumalikod ako at naglakad palayo. Pigil na pigil ako sa pagtawa dahil baka masapak kami kay Led kapag nalaman niya kung ano ang pinagpustahan namin.

"Si Jude!" Napatingin ako kay Light nang ituro niya ako. "Nakipagpustahan siya kay Ryde!"

"Hoy gago! Kasama ka!" Hindi ko napigilang sigawan din siya.

Napangiwi ako nang makita ang naguguluhang mukha ni Led. Mabilis naman na dumistasya na ako dahil mukhang alam ko na ang susunod na mangyayari. Ayoko namang pumunta sa birthday niya na may pasa sa mukha.

"Natalo ako! Kasalanan mong matanda ka!" Humagalpak ako ng tawa dahil sa sinabi ni Ryde. "Sayang ang 2 thousand!" Naiilang na wika niya pa.

Mukhang naintindihan naman ni Led kung ano ang pinag-uusapan namin base sa pagningkit ng kanyang dalawang mata.

"Pinagpustahan niyo si Led?" Nakangising epal ni Blaze. "Ang sakit no'n! Kawawa naman si birthday boy." Mahina siyang tumatawa habang hinahagod ang likod ni Led.

"Matanda ka na raw, Led. Nanalo sina Light at Jude dahil tama sila na ikaw ang unang mapapagod sa atin!" sumbong ni Jux.

Mabilis naman na kumaripas kami ng takbo ni Light nang habulin kami ni Led. Mabilis din kaming napagod sa kakatakbo. Tawa lang kami nang tawa ni Light.

Ngayon lang ulit nakauwi si Light dahil matapos ng graduation niya ay nag-ibang bansa na siya.

"Mga ulol! Nasa'n ang tubig natin?" Tanong ni Ryde.

Napatingin naman kami kay Blaze na nakangiwi. Siya kasi ang nakatoka ngayon na magdala ng tubig.

"Next time na lang... I forgot. Sorry."

"Sorry your ass..." Ryde mumbled.

Mukhang hindi naman narinig iyon ni Blaze na kausap si Light.

"Papapuntahin ko na lang sina Chelsea dito para magdala ng tubig." Mabilis na kinuha ni Led ang kanyang phone sa loob ng bag.

Umupo ako sa tabi ni Ryde na nagpupunas ng pawis. Gusto kong matawa nang may maalala na naman ako.

"Anong nginingiti-ngiti mo riyan?" Kunot-noong tanong ni Ryde. "Fuck off, dude..."

Mas lumapit pa ako sa kanya. "Pupunta rito si Chelsea. May dala ka bang pabango---Aray!" Napanguso ako nang batukan niya ako.

Lumayo na ako nang bahagya sa kanya bago siya hinampas ng towel. Sinubukan niya rin akong hampasin pero lumayo na ako.

"Ayan na si Chels! Magpapabango na niyan si Ryde!" Sigaw ni Light.