Oops! This image does not follow our content guidelines. To continue publishing, please remove it or upload a different image.
"عندما يحين الوقت، تستطيع ان تقرأ افكار توأم روحك"
محاضرة مملة... بلاه بلاه بلاه
مارك فعلا لحد وقت قريب كان مهتم جدا بدراسته، كان شايف فيها مستقبله، كان عايز يبقى حاجة... بس الجامعة شوية بشوية بتثبتله انه لو قعد في بيتهم كان هيبقى افيد ليه.. مش كان زمانه دلوقتي بيشتغل، بدل ما بيصرف فلوسه عشان ييجي و يتعكنن و يمشي؟!
Xby Counterflix
حاطط دراعاته على البينش و دماغه فوقهم.. بيتاوب بملل و فعلا عنده استعداد يعمل اي حاجة عشان يتطرد من المحاضرة المملة دي!
صوت همس بسيط في دماغه.. ايه ده؟!
"مش وقته.. مش وقته خالص.."
اتنفض و هو بيعدل نفسه عشان يقعد... دي مش افكاره و الصوت ده.. متأكد انه صوت بنت! كان بيحاول يبص حواليه و ميكونش واضح بقدر الامكان.. بس في قاعة فيها اكتر من 300 شخص... فرصته كام في المية انه يلاقي صوت البنت دي؟
اتحكاله كتير اوي من صحابه اللي لقوا توائم روحهم عن ازاي اول مرة سمعوا صوت الشخص المقدر ليهم.. مشكلة، او مجرد احتياج! ازاي الصوت فضل يعلى و يبقى اقوى لحد ما لقوهم!
كأن حبيبتك قاعدة جنبك بتهمس باللي بتفكر فيه... و ده في حياتنا مستحيل يعني
جاكسون دايما بنصايحه العبقرية العظيمة اللي عمرها ما ساعدته
دكتور المادة اللي ساب الشرح بعد 5 دقايق من المحاضرة و بيديهم درس عشان هما شباب طايشين و تافهين و ميعرفوش حاجة في الدنيا، و هو مستعد يكون ابوهم الروحي و يقودهم للطريق الصحيح.. تقريبا بعد الجملتين دول مارك مفكرش يركز اصلا في حكايات الدكتور المُلهمة
