Soulmates...?

Wrist Watch?

لعنة؟ معرفش الحقيقة المفروض اسميها لعنة ولا هبة!!عالم غريب، بنتولد فيه ب6 ارقام على رسغ ايدنا من جوه متقسمين على صفين، اول رقم للسنين، التاني للشهور، و التالت للايامالصف اللي تحتهم بقى للساعات، و الدقايق و الثواني..لا مش ده الغريب خالص!! الغريب ان بمجرد ما نتم 18 سنة، كل الارقام مبتتحركش لغاية ما نلاقي نص روحنا التاني.. او توأم روحنا يعني... بنفضل ثابتين ع السن ده لحد حاجة من الاتنين تحصل، يا نلاقي النص التايه، يا اما نموت :Dعادة بقى، النص التايه ده بيتلاقى قبل ال18، او في خلال مثلا سنتين 3... 

اسمي يارا.. بقالي 7 سنين واقفة على سن ال18 اهو... و ده ان دل على شئ، فهو يدل على ان توأمي ده يا اما متولدش لسه... يا اما مات!! 

من 4 سنين قررت اعيش لوحدي، طبعا بعد كلام كتير من الست الوالدة، بقيت عايشة في شقة في نفس الحي اللي اهلي عايشين فيه.. و اجرت مكان في كورنر مش شارع رئيسي و عملته كافيه.. اه صغير.. بس في الاربع سنين ملكت المكان، و عملتلي اسم، و بقى عندي كمان زباين دايمين... 

هوايتي اعمل قهوة و مخبوزات؟ لا خالص.. اه يمكن هواية بس مش الوحيدة.. بحب اكتب قصص صغيرة.. و بطبعها في كتيبات و احطها في الكافيه... بعزف و اسجل الموسيقى.. كان نفسي اغني بس صوتي... امممم بلاش نتكلم عنه... 

الساعة 11 و كنت بفتح باب شقتي.. احط اكل في المايكروويف عشان يسخن... اشغل الغسالة، و افتح التلفزيون عشان برنامجي المفضل هيبدأ كمان ربع ساعة.. يا دوب الحق اغير!

الروتين اليومي.. و اللي بدأته من نفس الوقت اللي نقلت فيه لوحدي... يمكن اه فقدت الامل اني الاقي التوأم المفقود ده.. بس العيشة لوحدي فعلا مش سيئة خالص!ربعت ع الكنبة، في ايدي طبق لازانيا و الريموت على رجلي.. المذيعة بتقدم الضيف على انه نابغة موسيقية! و انه ازاي هيقود الجيل الجاي من المغنيين و انه.. طبق اللازانيا ده حلو اوي..  ظبطت الجبنة فيه اسم الله عليا! 

دايما المذيعين بينفخوا في الضيوف.. بس مع الاسف اغلبهم مش بيعجبوني... محدش بيظبط كل النوتات صح، يا اما مش ستايلي، يا اما انا بس بتنك يمكن.. مش مشكلة يعني انا مش بروح اقولهم بطلوا..ع الشاشة ظهر شاب، شكله صغير، مركزتش اوي في اسمه.. بس لفت نظري انه برضه بقاله فترة عنده 18 سنة و مرضاش يقول بقاله اد ايه.. ده عشان المذيعة تبين انه مش مرتبط مثلا؟ شعره اسود، عينيه سودا و فيها ايلاينر محددها بحدة شوية! عينيه فيها حاجة بس مش عارفة اقراهم.. هممم غامض.. و ماله!! 

قدمته المذيعة و "تصفيييييق"... اما نشوف موسيقى بدأت... بيغني هادي ده.. مش كتير اللي بينجحوا في النوع ده في نظري... قليل اوي اللي يعرف يوصل الاحساس صح بصوته بس..."لا استطيع التنفس... لقد اضعت طريقي...ذكرياتي تحطمت لقطع صغيرة... لكنكِ هادئة جدا... لأنه لا علاقة لكِ بالامر..هل تفكرين حتى بأخذ القطعة الاخيرة؟"هو ممكن صوت حد ينسيك تتنفس ازاي؟!افتكرت اتنفس بعد شوية... اوكي ظلمته! صوته فيه كمية احساس مش طبيعي... قليل لما حد بيأثر فيا كده عامة... و من تحت اتكتب اسمه... كيم جونج وون...

//////

ايام كلها شبه بعض.. كل يوم، 7 الصبح اروح الكافيه، افتحه، اظبط الترابيزات، ارتب الكتيبات، اظبط البلاي ليست بتاعت الاغاني... 7 و نص بيوصل هيوك... المساعد بتاعي.. و التوأم بتاعته اللي بدأت تشتغل معانا من سنتين كده.. 

العجين اللي جوه خمر و تمام، يتحط بس في الفرن... قهوة تتحمص عشان تتطحن طازة عند الطلب، لبن موجود.. كل حاجة جاهزة، و 8 بالدقيقة الكافيه بيتفتح.كل يوم جملة حلوة بتتحط ع الباب، حتى لو حد مش هيدخل و معدي بس من قدامنا من حقه يبتسم او يشوف حاجة حلوة ع الصبحالزباين بييجوا من 8 بانتظام.. فيه بريك في نص اليوم من 2 ل 3، و بنقفل 10 و نص.. الكافيه بياخد اكتر من نص حياتي.. تفاصيله بقت جزء من تفاصيلي اناالساعة 11 دي بالنسبة لي وقت مرهق... كمية الشغل اللي قبلها بتتعب بجد... 

الجرس المتعلق على الباب رن بمجرد ما الباب اتشد لبره هيوك: اهلا اتفضل...

و بما اني ببقى مرهقة، فانا سيبت المطبخ لهيومين، المعروفة ايضا باسم توأم هيوك.. و قعدت ع الكاشير... واحد جاي بكاب مغطي نص وشه، لابس اسود، و صوته واطي بس النبرة دي سمعتها قبل كده....

"اميريكانو كبير لو سمحتي"

حسيت بشكة ابرة في ايدي مكان الارقام!!! بس مفيش هنا مسامير خالص! بصيت على ايدي و 

"عااااااااااااااااااااااااااااااااااااااا"

الشخص اللي قدامي كان بيبص برضه على ايده باستغراب و اتخض و نط لورا لما صرخت! هيوك و هيومين جروا عليا يشوفوا فيه ايه... و انا بسرعة بصيت للشخص اللي قدامي برعب!"انت جونج وون؟!!!!!!!!""انتي مين؟"التوقيت اللي كان ثابت على 18 و كل الارقام اللي باقية اصفار بدأ يتحرك...!!!

*الاغنية<<< https://www.youtube.com/watch?v=AQC3vnYrbCE >>>*