The Untamed Beauty and The Handsome Beast (OnHold)

Chapter 9: All New...

Kunwaring nilapitan ko siya at hinimas ang likod niya. “Ah, wag ka nang madepress diyan. Wag mo na lang kasi siyang isipin. Makakamove-on ka din. Tama na ha.” Kunwaring pagpapakalma ko sa kanya. Parang nakuha naman ng mga taong nakatingin sa amin ang ibig kong sabihin dahil nagbawi na din sila ng tingin. Tsaka ko siya binatukan ng mahina. “Walang ‘ya ka talaga. Tama bang pagtawanan ako? E sa hindi nga ako marunong gumamit ng chopsticks e! Mmm!” wala akong nagawa. Bumalik na ako sa pwesto ko at tinusok tusok ko na lang yung foods para makain ko. Habang nagpalipat lipat naman ng tingin sa amin ang mga bata.

Kahit papano nabusog naman ako. Kaya lumakas na din ako. Hehehe. Kung saan saan pa kami nagpunta sa mall. Ang feeling ko umiikot lang kami pero sa bawat pag-ikot naming iba na naman ang makikita mo. Sobrang luwang talaga. Sino kayang may-ari ng mall na to? Ah! Malamang si Robinson! Robinson's Mall nga eh di ba? Ang tanga eh! Anong klaseng tanong yan!!! Pero kung sino man siya ang masasabi ko lang sobrang yaman niya na.Baka pati kaluluwa ko kaya nang bilhin ng Robinson na yun. Kung saan saan pa kami nakarating. Mula sa mga damit, hanggang sa mga shoes, mula sa mga bags hanggang sa mga perfumes.

“IVO!” ow! May tumawag sa kanya mula sa likod namin. Boses ng mga lalake. Paglingon namin, yung mga hampas lupang nagmaliit sa kin. “O kumusta?” tanong naman niya. “Eto, babalitaan ka sana naming na birthday ni Angela bukas. Ini-invite tayo. Kung gusto mo naman isama mo na din yang si Chika Babe mo” nakangiting sabi nung Travis na yun. Nasa likod ako ni Ivo nung mga time na yun. Naalala ko kasi yung gabi na tinakas niya ko sa mga hayop na mga lalaking to. At pakiramdam kong lage akong ligtas pag nandiyan siya. Yung dalawang bata naman nasa tabi ko.

Nag-nod lang si Ivo. Ibig sabihin ba nun ay pupunta siya dun sa birthday nung Angela? Baka kaibigan nila yun. Ewan. “Nga pala Ivo, wag na wag kang mawawala dun ha. May ia-announce daw si Angela bukas ng gabi.” Sabi nitong lalaking lalaki ang dating. “Sige, kita na lang tayo dun” sagot naman niya. Tapos ay lumapit sa akin si Travis.

“Ana, sorry nga pala nun sa gabing yun ha. I shouldn’t acted that way sa yo. Alam ko na may kasalanan ako sa yo.Kaya gusto kong bumawi. Sabihin mo lang.” tsaka sya ngumiti sa kin at iniabot ang kamay niya. Mukha namang totoo na yung sorry niya kaya tinanggap ko tsaka ko siya nginitian.

“O sige pare, hintayin ka na lang naming dun ha. Yome, Jane, may chocolates ako dito. Eto tig-isa kayo.” Sabi nitong isa pang lalake. “Wow! Thanks kuya Bryan!” abot ni Yome . Dalawa yun at tig-isa sila. Grabe bongga ha! Yung chocolate na inabot hindi lang basta yung chocolate na makikita mo kung saan saan. Mukhang mamahalin yung mga yun. Ducchess Dark Chocolate ang name. “Ana, eto ang para sayo. Peace offering ko sayo. Pag tinanggap mo to, ibig sabihin ok na tayo.” Iniabot niya ang Cadbury’s Milk Chocolate na malaki. Tiningnan ko muna siya ng mataman sa mata. Mukha naman palang mga anghel tong mga to eh. Si Ivo na lang ang hindi. Inabot ko angchocolate at ngumiti ako sa kanya.

“Ok. That settles it. Sige una na kami.” Huling paalam pa nila. “Babye kuya! Ingat kayo!” sigaw nila Yome at Jane habang madungis na ang pagmumukha dahil sa chocolate.

Bumalik kami sa Dress Corner at bumili si Ivo ng isang magandang damit. Casual dress siya na mahaba at color white. Siguro yun ang ireregalo niya dun sa birthday girl. Tapos nagpunta pa kami sa shoes section at bumili ng Parisian Shoes. Color White na naman. Mahilig siguro ang babaeng yun sa white. Pagkatapos ay nagpunta kami sa Bags and Accessories. At hindi ako nagkamali sa hula ko. White na naman ang kinuha niya. Grabe! Kung ang tawag sa babaeng pink all over ay lady-in-pink at ang all over red ay lady-in-red, ano naman pag white? Lady-in-white? Naku mali!

WHITE LADY!!!

Pero magaganda ang mga stylesna pinili niya. Parang type ko nga eh. Mahilig din kasi ako sa white. Kung napansin niyo yung suot ko mula simula puro white. Mukha kasing malinis tsaka bagay ko ang white. Curly din kasi ang buhok ko at sabi ng iba, mukha daw akong fairy pag naka-white ako. Sabi ng mga nakakakita sa akin. Hehe. Flattered naman ako.