رجع ناصر عند الشباب وهو يركض
ناصر \ البنات هم اللي في السيارة
ماجد بعصبية \ دريت الكلبات
فهد طارت شياطينة \ والله لا اذبحهم وين مفتاحي
وراحوا الشباب كلهم ركض وركبوا في سيارة ابوعادل ..وعادل هو اللي يسوق
عادل \الحين هم في أي طريق راحوا
ماجد راكب قدام جنب عادل \ امش على جهة الشمال هم لفوا كذا
فهد \ صار لهم اكثر من ساعة ولا فكروا يرجعون والله لا اجلدهم
ناصر \خلنا نشوف الحين هم بخير ولا صار لهم شيء اخاف مايقدرون يتحكمون في السيارة
خالد \انا اتسأل من اللي تسوق منهم
فارس بخاطره \اكيد نور
ماجد \عادل اسرع الله يخليك
عادل \انا ماادري اذا انا امشي في الطريق الصح او لا
فهد بعصبية \كان المفروض نفترق وندور عليهم
ناصر \وقف وقف
وقف عادل السيارة ونزلوا منها ..ناصر \مااحد مر من هاالطريق ارجع
ومشوا مرة ثانية وراحوا بجهة مختلفة م............... مرت تقريبا نص ساعة وهم يدورون واخيرا .................
......البنات فاتحين ابواب السيارة ومشغلين المسجل ع الاخر ويرقصون ويهزون ولا على بالهم ان الموت جايهم ....
فوز \ نور تكفين ارقصي
نور \لاااااااااااااااااااااااااا مستحيل
منى \ نور ماترقص الا مع سهام وبس
نور \اااااااااااااااااااااااااااه فديت سهام وطاريها
عبير بحقد \ الحمدلله انها مو معنا
نور تناظر عبير ببرود \ من حسن حظها طبعا
مريم \ بنات شوفوا اقدر اهز خصري هههههههههههههههههههه
منى \واخيرا طلعلك خصر يا الدوبة
مريم \وجع منى والله انا ضعيفة
نور تضحك \ مريم انتي ضعيفة بس حن نحب نمزح معك
....بدت اغنية كاظم الساهر عيد وحب تجمعوا البنات على بعض وصاروا يدبكون ع الاغنية ونور في الوسط وترقص ............ سمر تناظر شيء جاي من بعيد ناحيتهم تراب عاصفة وش ذا
سمر \بنات شوفوا عاصفة
نور تناظر \ ايه عاصفة صدق
منى بخوف \يا ويلنا يعني اعصار
مريم اخذت جوالها وتحاول تقرب الصورة
مريم \ لا هذا مو اعصار هذي سيارة جاية ومسرعة بعد
نور \ س سيارة يا ويلنا لا يكونون ناس غريبين
البنات يناظرون بعض \ وااااااااااااااااااااااااااااااااااااااااااااااااا ااااااااااااااع
ويركضون يركبون السيارة ونور تركب وتشغل السيارة بس تحس بخوف وتصرخ
نور \يا ويلي مااقدر اسوووووق
سمر \لا نور تكفين رجعينا لهلنا تكفين
هند \نور صلي على النبي تكفين
عبير \ بس لا تربكونها وهي بتسوق
نور تشغل السيارة وتدعس ع البنزين وتنطلق .....................
,..............
فهد \شوفوا بنات اللذين يبون يلعبون يبونا نلحقهم
عادل \والله اللي استخفوا
ناصر \شوف كيف مسرعين ماهم بصاحين
عادل يضرب هرن للبنات يبيهم يوقفون بس لا حياة لمن تنادي
منى بصراخ \واااااااااااااااااااه هذؤلا هلنا هذي سيارة عمي منصور
نور \ نزلوا رووسكم بسرعة وتمسكوا بقوة
وسووا البنات مثل ما قالت
عبير \نور تكفين لا توقفين تكفين
سمر \نور لو ترمينا في حادث اهون علينا تكفيييين لا توقفين
منى \ نور ودينا الخيام عل وعسى الشيبان يفرعون فينا
هند \ايه نور ودينا الخيام
نور تشوف الشباب قربوا منها وتدوس اكثر ع البنزين مع انها تدري بصعوبة الوضع بس ماتقدر توقف كانت متلثمة وتحس انها مخنوقة والدم واقف براسها
فهد بصراخ يتكلم من الطاقة \ وقفي السيارة وقفي
عادل يضرب هرن ... ناصر يصارخ ويقول خففي السرعة والبنات في السيارة يصارخون
نور ارتفع ضغطها << مااقدر ماعاد اقدر احس اني نسيت كيف اسوق ......... وفعلا تسحب سحبة قوية خلت السيارة تدور الاولى والثانية والثالثة وهاالمرة راسها ضرب با الدركسون ...والبنات ضربوا في بعض .......
سحب عادل باالسيارة ووقفت على طول ........ كان الخوف ماخذ عقولهم كيف قدرت هاالبنت توقف السيارة ولا انقلبت فيهم السيارة لولا ستر ربي بس لما استوعبوا نزلوا من السيارة يركضون بس ماقربوا من السيارة ..
عبير \ اااااااااااااااااااخ اااخ نور وش سويتي فينا
هند تناظر نور وناوية تخنقها \مجنونة بغينا نموت
مريم \ الله ياخذك يا نور ااااااااااااااااه ظهري ااه
