MISANDRIST SERIES 1: In Love With A Killer

CHAPTER 19

CHAPTER 19

ABALA si Aminah sa pag-aayos sa sarili para sa photoshoot niya ng tumunog ang cellphone niya. Nang tingnan niya kung sino ang tumatawag, nagsalubong ang kilay niya ng makitang unregistered number iyon.

Hmm...

Pinulot niya ang cellphone na nasa kama saka sinagot ang tawag. "Good morning. Who's this?" Tanong niya sa nasa kabilang linya.

"May i speak to Miss Aminah Pajota?"

"Speaking."

"Oh, hello ma'am. This is Romero's Hospital Main Branch, we are calling you to inform you that your husband is in the Hospital."

Kumunot ang nuo niya. "Husband?" Ulit niya na nagtataka at naguguluhan, "i think you called the wrong number."

"Are you Ms. Aminah Pajota?"

"Yes."

"Then you are the person we're looking for. Nandito nakasulat ang pangalan mo sa in case of emergency ng I.D. na nakuha namin sa wallet ng pasyente. Unless, you don't know Mr. Magnus McGregor?"

"M-Magnus?" Kinain ng takot ang puso niya, "a-anong nangyari kay Magnus? Teka, a-anong... b-bakit siya nandiyan sa Hospital? Dapat nasa photoshoot siya ngayon! Ano ba ang nangyayari? May nangyari bang masama sa kaniya?" Ang dami niyang tanong at ni isa walang sinagot ang nasa kabilang linya.

"Mas makabubuti kong pupunta kayo ngayon dito." Anang nasa kabilang linya.

Tumango siya. "Yes. I'm coming."

"We'll wait for you, Ma'am."

Nang mawala ang nasa kabilang linya, mabilis siyang lumabas ng condo niya at sumakay sa elevator. Wala siyang pakialam kung hindi pa niya nasusuklay ang buhok. Abo't-abot ang kaba at pag-aalalang nararamdaman niya para sa binata.

Parang hindi siya makahinga sa tuwing pumapasok sa isip niya ang mga posibilidad na nangyari dito.

"Oh God, please," mahina niyang sambit, "please, keep him safe. Please."

Nang bumukas ang elevator, malalaki ang hakbang na lumabas siya ng gusali at sumakay sa kotse niya at mabilis iyong pinaharurot patungo sa Romero's Hospital Main Branch.

Wala siyang pakialam kung lampas na sa speed limit ang bilis ng pagmamaneho niya. Kailangan niyang makita si Magnus. Kailangan niyang masigurong ayos lang ito. Kailangan niyang makitang ayos lang ito at hindi siya iiwan.

Isang butil ng luha ang nalaglag mula sa mga mata niya. "Be safe, Magnus." Napahikbi siya, "i'm sorry... please be safe."

Nang makarating siya sa Hospital kung nasaan si Magnus, kaagad siyang lumapit sa Information Desk. "Magnus McGregor. Where is he?"

Kaagad namang tumipa-tipa sa keyboard ng desktop ang staff na nasa likod ng Information Desk saka tumingin sa kaniya. "Nasa Emergency po siya, ma'am."

"Thank you."

Mabilis niyang nahanap ang emergency at inisa-isa niya ang higaan, hinanap si Magnus, hanggang sa makita niya ang binata sa dulo ng higaan.

Nasapo niya ang bibig ng makitang may dugo sa mukha nito at nagkalat na dugo sa damit. May malay si Magnus at panay ang ngiwi nito sa sakit sigurong nararamdaman.

May dalawang nurse at at isang Doktor ang nag-aasikaso dito.

"Oh, god." Mahina niyang sambit saka mabilis na lumapit kay Magnus. "Okay lang ba siya?" Tanong niya. Halos manikip ang dibdib niya sa takot at kaba. "Okay lang ba siya?!" Tumaas ang boses niya ng walang sumagot sa kaniya.