MISANDRIST SERIES 1: In Love With A Killer

CHAPTER 4

CHAPTER 4

NANG MAGISING si Aminah, kinabukasan, paika-ika pa rin siyang naglalakad. Tumawag sa kaniya si Psyche kagabi na hindi tuloy ang Bar Hoping nila. Salamat naman dahil hindi talaga niya kayang maglakad ng tuwid.

Nasa sala siya at patungo sa kusina ng tumunog ang doorbell niya. Paika-ikang lumapit siya sa pinto at binuksan 'yon.

Gumuhit ang pagtataka sa mukha niya ng makita kung sino ang nasa labas. "Sino ho kayo at anong kailangan niyon sakin?" Tanong niya sa ginang na nasa labas ng pinto niya.

Ngumiti naman kaagad ang kaharap. "Good morning, ho. Isa po ako sa mga kasambahay ni Sir Magnus at pinadala niya po ako rito para daw po alagaan kayo."

Umawang ang labi niya at napatigalgal siya. "Ano?"

Inulit ulit ng ginang unang sinabi habang nakangiti. "Pinadala po ako ni Sir Magnus para alagaan kayo hanggang sa nakakalakad na po kayo ng maayos."

Magiliw niyang nginitian ang ginang, ayaw niyang maging bastos dito. "Ahm, teka lang ho, ha, tatawagan ko lang si Magnus. Ahm," ang ngiti niya ay nauwi sa ngiwi, "puwede ko ho bang sarahan muna ang pinto? Bubuksan ko nalang po ulit pagkatapos kong tawagan si Magnus. Pasensiya na talaga, hindi kasi kita kilala e."

Tumango ang ginang. "Naiintindihan ko ho, ma'am. Ako nga pala si Nay Korita."

Nakangiti siyang tumango saka dahan-dahang sinarhan ang pinto at ni-lock iyon kapagkuwnan ay paika-ika na namang umakyat siya sa second floor saka tinawagan si Magnus.

Nakakailang tawag na siya pero hindi pa rin siya nito sinasagot.

"Argh!" Inis niyang sabi, "last na to."

Tinawagan niya ulit si Magnus at tumalim ang mga mata niya ng sagutin nito ang tawag.

"Hey, how are—"

"Sino ka ba sa tingin mo para magpadala ng katulong dito sa condo ko?!" Galit kaagad niyang bungad. "Hoy, lalaki, hindi porket pinatuloy at pinakain kita sa bahay ko ibig sabihin ay pakikialaman mo na ang buhay ko! Pauwiin mo ngayon din ang katulong na nasa labas ng bahay ko ngayon din!"

Galit na galit siya rito dahil pinangunahan siya nito. Sino ito para magdesisyon para sa kaniya samantalang ni hindi nga niya ito gaanong kilala?

"Tapos ka na magsalita?" Kapagkuwan ay tanong ni Magnus pagkalipas ng ilang segundong katahimikan.

"Oo, bakit?" She snapped at him again.

Magnus sighed. "Look, Aminah, ginagawa ko 'yon para sa proyekto mo samin." Paliwanag nito, "hindi puwede paika-ika ka sa photo shoot at siguradong yon ang mangyayari kung wala kang masusuyo riyan sa condo mo. Mas lalala yan, kaya ipahinga mo yan at makisuyo kay kay Nay Korita, tutulungan ka niyan. Mabait yan kaya huwag mong sisigawan, okay?"

"Ano tingin mo sakin, walang puso!?" Galit na sigaw niya rito saka pinatayan ito ng tawag.

Paika-ika na naman siyang bumaba sa second floor at maluwang na binuksan ang pinto. Mukhang wala siyang pagpipilian kundi ang papasikin si Nay Korita. Hindi man siya sumang-ayon dito kanina, tama ito, kailangan niyang ipahinga ang mga paa niya.

"Upo ho kayo, ma'am. Ano pong gusto niyong gawin ko?" Kaagad na tanong sa kaniya ni Nay Korita ng makapasok ito sa loob.

"Ahm," paika-ika siyang lumapit sa mahabang sofa saka naupo doon. "Ipagluto niyo nalang po ako ng agahan, puwede ho ba?"

"Oo naman po." May dinukot ito sa bulsa ng suot nitong pantalon saka inabot sa kaniya. "Ma'am, pinapabigay pala ni Sir Magnus. Para daw sa paa mo."