The Gangster Queen

Chapter 17 - More Enemies

"I was the leader of Spyx. Stefan was my successor. We ruled this city. Pero kinailangan kong umalis. Alam ko namang naaalagaan ni GQ ang Spyx." Nakangiti siya habang nagkukwento. "Sayang at hindi ko siya naabutan. I would love to fight by her side. Pero masaya na ako sa pinili ko."

Nagulat na naman ako. Spyx din pala siya. Bago si Stefan ay siya muna. Hindi ko na pala talaga siya aabutan. "I hope you can change them. Inspire them." Pagtukoy ko sa mga estudyante dito sa HHS.

"Sana nga. Kahit sana isa lang sa kanila. Masaya na ako. Anyway, don't worry about your condition. Hindi ka naman siguro magiging target dito. Nakausap ko na si Mr. Cruz. Mali ang bintangan ka. Siyempre madaming nag-aabang na makilala si GQ. Maging ako ay ganon. Pero mali ang ginawa niya dahil napuntirya ka. Pero napatunayan mo namang hindi ikaw yun. Nakidnap ka pa ng M.A.S.K.S."

May pagkachismoso ang principal na ito. Gusto ko na ngang lumabas kasi parang gusto niya lang mag-reminisce sa mga gangster moments niya. Wala sigurong mapagkwentuhan.

"I wonder kung kamusta na si Tracey." Pabulong lang na sinabi ni Principal Torres yun pero narinig ko. Hindi ko naman matanong kasi hindi ko naman dapat kilala si Tracey at dahil hindi ako si GQ.

Nag-bell naman bigla. "I'll go now Mr. Torres." Sabi ko.

"Yeah, yeah. And just call me Sir Jamie." Ngumiti naman siya at tumango.

Tumayo na ako. Kinuha naman ni Sir Jamie ang notebook na gamit niya kanina at ipinagpatuloy ang ginagawa niya. Lumabas na ako. Habang naglalakad ay iniisip ko kung ano ang ugnayan nila ni Tracey. Itatanong ko kay Tracey yun kapag nakita ko na siya. For now, I'm back to being a student.

May nakabangga naman ako buti na lang at sa may bandang kanan na parte ng katawan ko siya nakabangga. Pag-angat ko ng tingin ko ay nakita ko ang abuhing mata niya. Ngayon ko na lang siya ulit nakita. Pero walang laman ang mga titig niya. Nagmadali na din siyang lumakad.

Naglakad na lang din ulit ako. Bakit palayo siya sa room namin? Saan pa kaya pupunta yun? Tinanggal ko naman sa isip ko ang mga iyon. Ano ba naman ang iniisip ko? Bakit siya pa din kahit nakapagdesisyon na ako? 'Iba kasi ang sabi ng puso mo.' Bulong ng isang parte ng utak ko. Kinilabutan naman ako. Hindi na pwede ito.

Nagmadali na lang ako na makarating sa classroom. At least madami na akong ibang makikita. Pagkapasok ko naman ay tumahimik ang kwarto. Hindi ko na lang pinansin. Umupo na agad ako sa upuan ko. Dumating naman si Stefan.

"Bakit ang tahimik niyo? Nagwapuhan kayo sa akin ano?" Pagyayabang naman ni Stefan.

Binato naman siya ni Eric ng blackboard eraser. Nagbubura kasi siya ng mga nakasulat doon. Natamaan sa may braso si Stefan kaya kumapit sa balat niya ang chalk dust. "Ang yabang mo!" Tumayo naman si Stefan at kinuwelyuhan si Eric.

Nagbabangayan silang dalawa. Nanlilisik pa ang mga mata ni Stefan. Umingay na naman ulit ang room. May mga kanya-kanyang mundo na naman at hindi na pinansin si Stefan at Eric.. Hindi ko na lang din sila pinansin. Para silang bata. May humarang naman sa harapan ko ngayon sa tapat ng inupuan ko. Isang lalaki na mataas at may matipunong katawan. Medyo gwapo din siya. May hikaw siya sa ilong at ilang tattoo sa braso. Katabi niya ay dalawa pang lalaki na halos katulad niya ang katawan. Ang isa ay tsinito na mas mataas sa nauna at ang isa naman ay blonde ang buhok.

"Avery!" Madiin niyang sabi.

Tinaasan ko naman siya ng kilay. "Bakit?"

Umiling naman siya. "Wala lang. Ikaw pala si GQ." Sabay tawa naman nilang tatlo. Tumabi naman bigla si Stefan sa akin.

"Umalis ka na Ray." Sabi ni Stefan at tinapunan niya ng masamang tingin ang mga nasa harap ko.

"Hah! Bakit mo pa pinoprotektahan yang si GQ eh kaya niya naman ang sarili niya." Sabi ng may pangalan na Ray. Namumukhaan ko siya at kung hindi ako nagkakamali ay siya ang leader ng Verse. Verse ang pangalan nila dahil tuwing may natatalo silang gang ay nagsusulat sila sa dingding ng mga bible verses gamit ang dugo. Ironic kasi ang layo sa pagiging relihiyoso ang gawain nila. It's sickening.