#رحمه
"Rahmaaaa"
"Save me"
"Help me please"
كان في اصوات كتير مكنتش قادرة احدد مكانهم و انا بلف في كل حته في البيت بحاول الاقي صحابي
"Rahmaaa"
طلعت الدور اللي فوق
"Save us"
بدأت ادور في الاوض لحد ما وقفت قدامها .. كان بابها مقفول بس لسه بحس بخوف و رهبة من ناحية الاوضة ديه بالذات و كانت ريحتها .. ريحتها زي ريحة الموت؟
كنت واقفه قدام بابها و انا بترعش و بحاول اقنع نفسي اني في مكان عادي مش في البيت الملعون و مش واقفه قدام الاوضة اللي حصلت فيها كل الكوارث و الحوادث
"Please help"
بدأت افتح باب الاوضة براحه لحد ما فتحته عالاخر و بدأت ابص في الاوضة و استوعب المنظر
كل صحابي في الاوضة .. الدم في كل مكان عالحيطة و السقف و الارض و كل حتة
كلهم مقتولين.
بدأت اعيط
"No no no please this cant be happening nooo"
"Rahmaaaaa"
قومت مفزوعه و انا بتنفس بسرعه و العرق مغطي جسمي كله و حاسه ان راسي بتطلع شرار
"انتي كويسه؟"
بصيت جمبي لقيت فرحه قاعده ع طرف السرير و ماسكه ايديا
انا: ح-حصل ايه؟
فرحه: كنتي بتحلمي بكابوس
بصيت عالساعه اللي جمب السرير لقيت الساعه 4 الفجر .. قومت خدت هدوم نضيفه و دخلت استحمى
بعد ما خرجت من الحمام بصيت في الساعه لقيتها 6 واو.
بصيت ع جدول المحاضرات بتاعتي لقيت اول محاضرة الساعه 9 .. خرجت مالاوضة و لفيت البيت ملقتش حد صاحي و حتى فرحة كملت نومها طلعت الاوضة تاني غيرت هدومي و خدت اللاب بتاعي و كتبي و الموب و روحت كافيه قريب من الجامعه قعدت فيه تقريبا ده بيبقى فاتح طول الوقت او عالاقل بيفتح من بدري؟
طلبت قهوة و براونيز و قعدت ع ترابيزة في ركن بعيد عن الكل
فتحت اللاب بتاعي و بدأت اكتب في جوجل
"One Direction was kidnapped"
ع امل اني الاقي اي حاجه
No results
كاي ممكن اكون فعلا كنت بحلم؟
طلعت كتبي و قعدت اذاكر عقبال ما معاد اول محاضرة ييجي
--
#دينا
اليوم خلص بسرعه اوي مش عارفه المفروض ابقى مبسوطه ان المحاضرات كلها خلصت و لا متضايقه ان المفروض اقابل كولتن الساعه 4 عشان نتكلم زي ما قال في الرساله اللي بعتهالي الصبح
"Hey. I think we need to talk, meet me 4 pm at our cafe. Cya"
حاليا الساعه 3 و نص و الكافيه قريب جدا يعني بالكتير هبقى هناك في حوالي 10 دقايق .. عادي لو روحت بدري صح؟ مش هبان مدلوقه اكيد!
أنت تقرأ
The Cursed House
HumorSometime there are no words to neatly sum up with what happened that day. sometimes you do everything right, everything exactly right and still you feel like you failed. Did it need to end that way? Could something have been done to prevent the trag...
