The Cursed House

Chapter 115

هاي و حشتونا جدا جدا جدا و احنا متأخرين عليكوا كالعادة بس دونت ووري مش هنتأخر تاني عشان خدنا الاجازة خلاص و هنحاول على اد ما نقدر ننزل بأسرع ما يمكن .. اني واي عشان انا بحبكوا جدا و عارفه ان زمانكوا نسيتوا القصه كانت بتتكلم عن ايه اصلا قررت اعملكوا ملخص سريع للاحداث المهمه في القصه من شابتر 1 ل 15 #رنا

بسم الله الرحمن الرحيم و هنبدأ الليله تيرارار تيرارارا 💃💃💃

شابتر 1:
رارافادي عملوا surprise party لامبر صاحبتهم عشان عيد ميلادها و حضر الحفلة رارافادي و رانيا صاحبتهم و ستايلز البوي فريند بتاع امبر و البويز و ناتالي صاحبة رانيا و اصحاب ناتالي
.
.
شابتر 2:
*في الماضي*
فرحه و رحمه حلموا بجدهم نفس الحلم لاول مرة
*الحاضر*
كلهم احتفلوا بالعيد ميلاد و خلصوا و قرروا انهم يعملوا مغامرة و يروحوا بيت مسكون و اللي هيروحوا هما رارافادي و البويز و رانيا و ناتالي و امبر و ستايلز
.
.
شابتر 3
*وصف البيت*
البيت عبارة عن دورين .. الدور اللي تحت فيه ريسبشن و حمام و مطبخ
المطبخ عادي زي اي مطبخ فيه اطباق و حاجات تانيه
الحمام مقفول و محدش عرف يفتحه و الريسيبشن فاضي بس فيه شاشة تليفزيون متعلقة
الدور التاني كله اوض و كل اوضة فيها حمام .. الاوض فيها سراير و مخدات و دواليب .. و كل الحاجات متربه مع ان الشبابيك كلها مقفولة
و فيه العلوية و ديه محدش عرف يطلعها اصلا
*قصة البيت*
كان في عيلة بتعبد الشيطان عايشه في البيت ده و كان السحر الاسود هو دفاعهم الوحيد عن نفسهم و سلاحهم المميت .. قبل ما يسيبوا البيت قرروا يعملوا عليه لعنه بتصيب اي حد بيعيش في البيت و ديه شوية قصص عن ناس عاشوا في البيت ..
القصه الاولى:
كان في بنت عايشه في البيت و فجأة كدة انتحرت و مفيش اي حد عرف سبب انتحارها لحد دلوقتي
القصه التانيه:
ان في راجل عاش في البيت فترة و بعدها اتجنن و من بعدها محدش عاش في البيت ده لمدة سنتين
و بعدها قررت عيلة تشتري البيت .. نضفوه و غيروا كل حاجه فيه و اول حاجه قرروا يعملوها هي حفلة عشان يعلنوا خطوبة بنتهم و حبيبها و اثناء الحفلة سمعوا صوت صرخه كانت جايه من الدور اللي فوق .. طلعوا و اكتشفوا ان الخدامه بتاعتهم ميته في اوضتها و هي بتبص بفزع ناحية حاجه في الاوضة .. كانوا بيقولوا انها روح شريرة .. خطيب بنتهم قرر انه يبات ليلة في الاوضة عشان يشوف هيحصل ايه و خد معاه جرس عشان يرنه لو حصل حاجه فا ييجوا ينقذوه .. بعد نص الليل فجأة رن الجرس و بمجرد ما طلعوا ينقذوه لقوه ميت و هو بيبص بفزع ناحية حاجه محدش شايفها .. و من ساعتها محدش اشترى البيت او جه ناحيته و بقى مهجور
***
دينا قررت انها عايزة تشوف الاوضة اللي الخدامه و الراجل ماتوا فيها و خدت رحمه معاها و ناتالي عشان هي اللي عارفه انهي اوضة .. كانت تالت اوضة عاليمين .. رحمه و هي داخله حست كأن حاجه بترجعها لورا و مش عايزاها تدخل بس تجاهلت الاحساس ده و دخلوا الاوضة .. كان فيها ترابيزة في النص و حواليها كراسي و عليها ورق محروق .. دينا راحت تبص عالورق المحروق و ناتالي فضلت واقفه عند الباب و رحمه راحت ناحية الشباك و حست ان تراب بينزل عليها من السقف .. بصت عالسقف و لقت تراب نزل على عنيها بس حست انها شافت خيال .. راقبت الخيال لقيته بيتحرك و راح ناحية الباب و خرج راحت وراه و بعدين لقت الباب مقفول .. حاولت تفتحه مفتحش فا قالت لدينا و في نفس الوقت كانت ناتالي نزلت و فاكره انهم نازلين معاها و الكل سألها عنهم و قالت انها كانت فاكرة انهم نازلين معاها و طلعوا على فوق بسرعه عشان يشوفوهم .. دينا اقترحت على رحمه ينطوا من الشباك و اما رحمه بصت ناحية الشباك لقت الخيال هناك فا خافت و قالت لدينا تنط الاول و في نص كلامهم لقوا الباقي بيكلموهم و هما بيحاولوا يفتحوا الباب و فتحوه فعلا و نزلوا كلهم و فرحه بعد الموقف ده قررت انهم لازم يمشوا قبل ما يحصل حاجه تاني و خدت رحمه و راحوا ناحية باب البيت بس لقوه مش بيفتح
.
.
شابتر 4
كله ماضي و مفيهوش حاجه تذكر ..
.
.
شابتر 5
حاولوا بيهربوا من البيت وفشلوا
شخصيات جديده ظهرت كريس واريا و فيكتوريا وحصلت حاجات غريبه وفجاه التليفزون اشتغل وبدات اللعبه وبعد مده استسلمو وقبلوا انهم يلعبوها عشان يعرفوا يخرجوا
.
.
شابتر 6
رحمه حلمت حلم فيه جدها بيدخل مكان و الباب يتقفل قبل ما تدخل و الباب يترسم عليه حاجه كأنها اترسمت بالنار و هي عباره عن واحده ست و الصوره فجأه تتعدل و عين الست تنور و تختفي ..
لما رحمه رجعت البيت حلمت تاني بجدها كان بيرسم دواير صغيره مقفوله و خطوط و في بينهم مسافات
رحمه حكتلهم علي اخر حلم و دينا قررت تقول لدكتور شافت عنده الاشكال الي رحمه بتحكي عنها عشان تعرف ايه دي