A Written Love Story -- For the Hundredth Time

(6) The Confession and Some Acts of Chivalry. (★)

"Oo naman no! Kailangan yan sa life."

Napangiti nalang ako saka nanahimik na kami. Tapos nag-ingay… este, nagsalita na naman siya. "Gerard."

Pinangunahan ko na siya. "Wag ka mag-joke." Tapos nginitian ko siya.

"Hindi ako magjo-joke!" Saka siya nag-pout. Oo, nakita ko kasi nilingon ko siya. "Oh. Ano ba yun?"

"May… May gusto ka ba kay Laurren?"

Medyo nai-preno ko yung sasakyan, saka tumuloy. My heart skipped a beat. Hindi, Gerard. Wag masyadong affected. Keep calm. And just hold the wheel and drive. "Ha? Wag ka nga mag-joke!"

"Hindi nga ako nagjo-joke! Sh–! Hmp." Hahaba na nguso nito kaka-pout eh. Idol niya ba si Angelina Jolie?

"Joke lang. Uhm… wala. Bakit mo natanong?" Pa-inosente muna ako para hindi naman niya ganung mahalata.

"Hmm… wala lang. Kung meron kasing may gusto sa kaibigan ko pero gusto ko naman yung tao na yun, aayaw nalang ako…"

"So… gusto mo ko?" Andun na eh. Hindi sa hambog pero, state the obvious.

"Not that I like, like you!” Pagdedepensa niya. She sighed. “Okay. Honestly? Gusto kita. Not gusto as in crush, but gusto as in, gusto! Like I want you to be mine, or something else – mutual understanding, whatever they call it. I just... like you." She stooped. Parang ayaw ko na umimik sa nalaman ko, although I can already feel that this would happen noon pa. Pero, ayoko naman daw maging dahilan ng FO (Friendship Over). What to do now, Gerard? "Maraming beses na kasi nangyari sa'min ni Ren yan. Yung mga gusto ko… sa kanya bumabagsak." I stopped the car. For all the right reasons.

Tinignan ko siya habang nakatungo parin siya. Bakit naman kaya? May itsura din naman tong si Chen eh. Ugali? Siguro... Pero di ko pa naman masyadong kilala ‘to deep inside. Hindi ko naman sila madalas kasama. But as far as I’m concerned, she’s bubbly and quite talkative. Brains? Hindi ko alam... Matalino naman si Chen. Nalaman ko sa mga girls na siya ang isa sa mga honor students nung high school sila. Teka, kasama kaya sa standards yun? Well, sa’kin, oo.

Pero... Ayoko makasira dito. Tigilan ko na rin kaya si Ren? May boyfriend na rin lang… Eh ano? Si Chen ang papatulan ko? Hindi ko naman siya gusto. Gusto ko siya as a friend, but not more than that. Ang gulo lang. Eh teka, bat ba ako pumipili? Hindi naman ako may gusto nito... At si Ren naman talaga ang object of attention ko sa simula palang. Saka dapat ba talagang may maging girlfriend ako sa kanila? ‘Di ba pwedeng kaibi-kaibigan lang muna?