My Binondo Girl After Two Years (Completed Story)

My Binondo Girl After Two Years Chapter 18

   "Ma'am may bisita po kayo sabi ng guard sa gate. Naomi Garcia po ang pangalan. Tinatanong ng guard kung papapasukan raw ba?"

   Napakunot siya ng noo. Bakit siya dadalawin ng ex-girfriend ni Andy? 

   "Nasaan si Nanay at Lola Amor?" tanong niya sa katulong.

   "Sumaglit po si Ma'am Zheny kasama si Lola Amor at Sapphire sa kabilang bahay," paliwanang nito sa amo. Kay Menchu ang ibig sabihin nito sa salitang kabilang bahay. 

   "Sige papasukin mo. Magbibihis lang ako sandali," ani Jade. Aalamin niya kung bakit siya nito pinuntahan.

   "Ma'am Jade, paano po iyan baka mapagalitan po kami ni Sir Andy. Kabilinbilinan po kasi sa aming lahat na huwag kayong pabababain muna," napakamot ito ng ulo sa pag-aalala.

   "Okay lang iyon, Bebang. Ako ang bahala sa sir ninyo hindi naman siguro magtatagal ang bisita ko," simpleng sagot niya.

   "Sige po, bababa na po ako," paalam nito.

   "Hello again, Mrs. Jade Wu," nakangising bati ni Naomi pagkakita kay Jade.

   "Anong kailangan mo? Bakit ka napadalaw? Wala dito ang asawa ko," sabi niya sa kaswal na boses kahit na nagngingitngit siya sa inis nang makita ang babae.

   "Mrs. Wu, nagpunta ako dito bilang kaibigang nagmamalasakit," malisyoso ang mga mata nitong tumingin sa kaharap.

   "Oh please cut the bullshit! What's the reason behind this sudden visit, Naomi?" nang-uuyam ang boses niya.

   "I hate to be the bearer of bad news, Jade pero you need to know that your husband is having an affair," sarkatikong sabi nito.

   Tumawa ng mapakla si Jade saka nagsalita," And I don't believe you, Naomi. You are a liar! Mahal na mahal ako ni Andy at iyon ang dahilan kaya ka gumagawa ng kuwento para paghiwalayin kami dahil hanggang ngayon ay hindi mo matanggap na wala ka ng pag-asa ni isang katiting kay Andy," maanghang niyang litanya.

   "Bakit hindi mo alamin kay Clara? You might end up being friends. You see both of you have something in common," nakangiti ito sa kanya pero hindi umabot ang ngiting iyon sa mga mata nito.

   "What are you talking about?" asik niya.

   "Both of you will have a child fathered by Andy. Mukhang mas panganay nga lang ang sa iyo kasi mukhang manganganak ka na anytime sa laki ng tiyan mo," nangiinis ang tono ng boses nito.

   Namanhid ang buong katawan niya at gustong bumigay ng kanyang mga tuhod sa narinig mula sa kaharap na nakangisi na parang demonyo.

   "Hindi totoo iyan, " naiiling niyang tanggi kay Naomi.

   "Gusto mong malaman ang totoo, Mrs. Wu? Puntahan mo sila sa Passion Coffee Shop, doon sila magkikita mamaya," tuso ang mga ngiti nito. "Good day, Mrs. Wu!" sabay tumalikod at tuluyan ng umalis.

   Napaupo si Jade. Parang gusto niyang sumigaw at magwala sa sinabi ni Naomi. Pero na desisyonan niya na aalamin muna niya ang totoo kay Andy. Hindi magagawa ni Andy sa kanya ang ibinibintang ng ex-girlfriend nito. Sobra ang pagmamahal na ipinararamdam nito sa kanya. Pero alam din niya na nagkasama si Andy at Clara noon sa Davao. May nangyari kaya doon? Isa lang ang alam niyang dapat gawin para malaman ang katotohanan, pupuntahan niya ang lugar kung saan magkikita ang dalawa mamaya. Bibigyan niya ng pagkakataon magpaliwanang si Andy.

   "Hello, Andy. HIndi ako pwedeng pumunta mamaya sa meeting ninyo ni Clara. Nagpapasama si Amethyst sa psychiatrist niya," paliwanang nito sa kapatid nang sumagot ito sa cell.