My Binondo Girl After Two Years (Completed Story)

My Binondo Girl After Two Years Chapter 18

Chapter 18

   "Kumusta na ang pakiramdam mo, Jade?" nag-aalalang tanong ni Andy sa asawa na kagigising lang sa mahabang tulog.

   "Mas okay na ang pakiramdam ko, Babe. Mainam iyong gamot na ibinigay ni Dr. Fernandez kagabi, masarap ang tulog ko," nakangiting sagot nito.

   "Anong gusto mong breakfast? Ipapaluto ko kay Nanay Zheny o kahit ako na lang" ani Andy.

   "Kahit ano lang. Wala pa akong ganang kumain. Teka, bakit mukhang puyat ka yata. At saka bakit hindi ka pa gumagayak pumasok sa office, late ka na!" sunod-sunod na tanong nito.

   "Babe, kailangan mong kumain kahit kaunti para lumakas ka. Tungkol naman sa office, hindi ako papasok today para mabantayan kita ng mabuti," simpleng sagot nito. Hindi niya sinabi kay Jade na kaya siya mukhang puyat ay dahil hindi siya talaga nakatulog buong gabi dahil sa takot na baka may sumakit na naman sa asawa at hindi siya magising agad.

   "Andy, hindi ko kailangan ang baby sitter. Pumasok ka na please. Tutal andiyan naman si La Amor at ang mga kasambahay natin. At saka di ba may meeting ka with the department heads today?"

   "Babe, I can postpone it next week. I just want to be with you and the babies," nakakunot ang noo nito sa pag-aalala.

   "You are stressing me, Andy. Please just go to work. Magpapahinga lang ako dito sa kuwarto, promise," nanglalatang sabi nito.

   "Okay, huwag kang lalabas muna dito. Matulog ka, manood ng tv, kahit ano basta promise that magre-relax ka lang the whole day," ani Andy.

   "I promised, Mr. Wu. Okay na?" napapangiti si Jade sa pag-aalala ng asawa. Masyado itong protective sa kanya kahit kailan.

   Nasa kotse na si Andy papuntang Twin Dragons nang mag-ring ang cell phone niya.

   "Hello, Andy. Si Clara ito. Ano na ang sagot mo tungkol sa hinihingi kong tulong?" walang paligoy-ligoy na tanong nito.

   "I will meet you after work so I can discuss the financial help I'm willing to give you," matabang na sagot niya. 

   Pinutol agad ni Andy ang linya pagkatapos niyang sabihin ang oras at venue kung saan sila magkikitang dalawa. Pagkatapos ay number ni Trevor ang tinawagan niya. Sinabi niyang tagpuin sila ni Clara doon sa meeting place mamaya para makapagusap silang lahat ng maayos tungkol sa financial arrangement.

   "Andy, hindi mo ibibigay ang 100 million kay Clara?"

   "Hindi, Trevor. Unang-una hindi pa natin sigurado kung anak mo nga ang ipinagbubuntis ni Clara, secondly, I don't give in to blackmail," matigas na sabi niya sa kapatid.

   "Alam na ba ni Jade?"

   "Hindi ko pa rin masabi kasi the doctor told me to make sure na hindi muna ma-stress si Jade," frustrated na sagot niya.

   "Kailan mo planong sabihin?"

   "Humahanap lang ako ng right time. Kailangang malaman ni Jade lahat," problemadong niyang sabi.

   "Thanks, Bro for your help. Alam ko naman na hindi mo ako pababayaan," nahihiyang wika nito.

   "Trev, this is the last time I'm going to help you out! Magpakatino ka na, pwede?" galit na bigkas niya.

   "Sorry talaga, Andy. Hindi na mauulit," tahimik na sabi nito.

   Katatapos lang manood ng noon time show si Jade nang may kumatok sa bedroom. Bumungad si Bebang nang binigyan niya ng permisong pumasok ang nasa kabilang bahagi ng pinto.