My Binondo Girl After Two Years (Completed Story)

My Binondo Girl After Two Years Chapter 8

   "Hi Andy, okay naman si Jade, three months pregnant raw sabi ni Dr. Fernandez.

   "Nasaan kayo?"

   "Naimbitahan kasi kami ni Gerald Rosales, you know the actor, for coffee. We are here in Eastwood City," alanganing sagot nito.

   "Sino? Gerald Rosales? Paanong nakilala ni Jade iyon?," iritadong sabi nito.

   "Nasa shop ko kasi kanina noong dumaan kami ni Jade after her check-up. Pero we are almost done here naman, Andy."

   "Don't worry, Amethyst. Malapit lang naman ang office diyan sa Eastwood, ako na ang susundo kay Jade. Ano ang pangalan ng shop?" balisa ang boses nito.

   Sinabi ni Amethyst ang pangalan ng coffee shop. Magsasalita pa sana siya nang binaba na ni Andy ang phone.

   Pagbalik niya sa lamesa ay tumatawa si Jade sa kinukuwento ni Gerald. Ni hindi namalayan ng dalawa ang pagbalik niya.

   "Excuse me, Jade. Si Andy katatawag lang sa cell ko hindi ka raw ma-contact kanina pa."

   "Ha, ay nakapatay pala ang cell ko. Bawal kasi sa clinic ang cell kaya naka-off. Bakit raw, anong sabi?"

   "Susunduin ka na lang raw niya dito ngayon," paliwanag nito.

   "Sino si Andy," nagtatakang tanong ni Gerald.

   "My husband," simpleng sagot ni Jade sa nadismayang mukha ni Gerald.

   "What? You are already married," nanlulumong sambit nito. Napahugot ito ng hininga. "Sabagay may annulment naman," bulong nito sa sarili.

   "Anong sabi mo Gerald?" tanong ni Jade.

   "Wala. Ang suwerte naman ng asawa mo," tahimik na sagot nito.

   "Talaga! " nakangiting sangayon ni Jade.

   "Well kung hindi niya alam na suwerte siya narito lang ako maghihintay," pabirong sabi nito na may halong pagkaseryoso.

   "Makakarating ang sabi mo," natatawang sagot niya sa biro ng lalaki.

   15 minutes pala silang nagkuwentuhan nang dumating si Andy sa shop. Humahangos itong lumapit sa lamesa nila halatang pilit itinatago ang inis na nararamdaman.

   "Ang bilis mong nakarating, Andy. Anong ginawa mo lumipad?" tukso ni Amethyst na hindi sinagot ni Andy.

   "Hi Andy, halika ipapakilala kita kay Gerald," excited na tumayo si Jade para salubungin ang asawa.

   Tumayo din si Gerald para kamayan si Andy. "You are such a lucky guy," simpleng sambit nito kay Andy.

  "I know being married to Jade, I can say I am the luckiest man alive" tugon nito sa malamig na boses.

  "Pare, alagaan mo baka mawala pa sa iyo. I'm sure maraming magkakandarapang naghihintay sa tabi-tabi diyan," pasaring nito kay Andy.

   "Malas lang ng iba, dahil we are so in love with each other, di ba Babe?" inakbayan ni Andy si Jade. "In fact we are going to have another baby in a few more months," pagmamalaki nito.

   Nagulat man si Gerald ay hindi ito nagpahalata. Ngayon lang siya uli humanga sa isang babae, may asawa pa. May special siyang naramdaman sa unang tingin pa lang niya kay Jade sa shop kanina. Nang malaman niyang may asawa na ito ay talagang nadismaya siya. Hindi niya maintindihan kung bakit ganito ang nararamdaman niya kay Jade kahit alam niyang may asawa na ito. Sa pag-uusap nila kanina at sa mga kilos nito ay wala siyang nakitang may gusto ito sa kanya kung hindi paghanga lang ng isang fan sa artista. Napabuntong-hininga siya. Naputol ang pagmuni-muni niya nang magsalita si Jade.