تاني يوم محمد واقف في البلكونه و بيكلم مامته
محمد : ازيك يا ماما عامله ايه ؟؟
مامته : ازيك يا حبيبي انا كويسه الحمد الله... انت ايه اخبارك ؟؟! مش ناوي تيجي بقي يا محمد ؟! وحشتني اوي يا حبيبي..
محمد : مهو انا بكلمك علشان كدة
مامته : خير يا حبيبي في ايه ؟!
محمد : انا هاجي بعد بكرة
مامته : بجد يا حبيبي طيب هقول لأبراهيم اخوك ياخد اجازة من شغله علشان يجي يجيبك من المطار اكيد هتكون تعبان
محمد : مفيش داعي تتعبيه يا ماما
مامته : ملكش انت دعوة انا هتصرف
محمد : خلاص اللي تشوفيه.. بقلك يا ماما في حد هيجي معايا
مامته : ايه سعيد هيجي علي عندنا الاول بعدين هيروح لأهله ؟؟!
محمد : لا خالص اللي جيا معايا بنت
مامته : بنت ؟!! بنت مين يا محمد ؟؟!
محمد : لا يا ماما مش قصدي بنت يعني طفله دي انسه كبيرة يعني اصغر مني بسنه و في كليه لغات و عندها اخ برضوا في نفس الكليه معاها
مامته : ايوة يعني ملها الأنسه الكبيرة اللي في الكليه دي ؟!!
محمد : انا اتعرفت عليها هنا و حبيتها و لما لقيت اني هسافر قلت آجبها معايا تشفوها
مامته : بتحب !! 😱
محمد : اه يا ماما انت مش شغاله فيا زن اني اتجوز علشان تشوفي اولادي اديني حبيت اهو و هجيب البنت اللي اخترتها علشان تشفوها
مامته : ربنا يوفقك يابني بس انت عارف رأي ابوك هو كان عاوزك تتجوز واحدة من بلدنا جزائريه يعني و نعملك اكبر فرح
محمد : ما كل الحاجات دي هتتعمل يا ماما متقلقيش المهم بس لما انا آجي حولي تتعرفي عليها متحكميش عليها من الاول و تحولي تقنعي بابا ان دي اللي انا اخترتها
مامته : ربنا يستر من ابوك..
محمد : صحيح يا ماما هي مش بتعرف تطبخ فا بلاش احراج بقي زي اللي عملتيه مع خطيبه ابراهيم يعني هي هتساعدك في الحاجات اللي هتقوللها عليها لاكن مش هتعرف تعمل آكلات و حلويات بقي و كدة
مامته : خلاص يا محمد في ايه انت محسسني ان فضلك شويه و تقولي هجبها متغلفه بسلفان علشان متتوسخش بس بقلك ايه لو معجبتنيش تنسي بقي اي حاجه عن ابوك او عن الجواز
محمد : ماما انا قلت ايه استني لما تشوفيها بعدين احكمي
مامته : طيب يا حبيبي لما اشوفها لينا كلام تاني يلا سلام علشان الحق اكلم اخوك و ارتب البيت ورايا 100 حاجه باي
محمد : باي
احمد : مالك يابني في ايه ؟! 🤔
محمد : كنت بكلم ماما علشان اقلها اني جاي
احمد : صح دة انا نسيت خالص الموضوع دة كويس انك قلت قدامي علشان اروح اكلم ماما ان كمان.. بس انت مالك ؟!!
محمد : قلقان لحسن مريم متعجبش بابا و بابا لو قفل دماغه يبقي خلاص الدنيا قفلت
احمد : تفأل كدة و متقلقش ان شاء الله كل حاجه هتبقي فله
محمد : يارب
احمد : هو انت لو باباك موافقش هتسبها ؟!
محمد : انت بتخرف اكيد لو كنت عاوز اسبها كان زماني سبتها لازم اقنع ابويا بيها بأي طريقه
احمد : واضح ان الحج صعب اوي ربنا معاك يا bro
محمد : قوم يلا كلم والدتك شوف هي كمان هتقلك ايه ؟!
احمد : اديني قايم اهو ربنا يستر
مامت احمد : حمادة حبيبي ازيك ؟؟
احمد : انا الحمد لله يا ماما... انت و بابا و يمني و شهد عاملين ايه ؟
مامته : احنا كلنا بخير و كويسين.. البيت وحش اوي من غيرك مش لاقين حد يعمل مقالب فينا 😂
احمد : لا ما انا هاجلكوا بعد 3 ايام
مامته : بجد !! و ساكت من الصبح ؟!!
احمد : هو انت كنتي مدياني فرصه اتكلم يا حجه 😂
مامته : تيجي بالسلامه يا حبيبي
احمد : شكرا ربنا يخليكي يا احلي ام في الدنيا
مامته : مش مرتاحه للدخله دي في ايه ؟!
احمد : ليه كدة بس !! دة انا بحبك من زمان و انت عارفه 😂
مامته : قصر و هات من الآخر في ايه ؟؟
احمد : مش انا حبيت 😁
مامته : لا ولاهي !! 🤔 و مين هي ان شاء الله و اتعرفت عليها فين و امتي و ازاي متقليش من بدري هو انت ملكش اهل ؟؟!
احمد : ممكن تهدي بس يا ماما انا هفهمك
مامته : اتفضل
احمد : احنا عندنا desinger اسمها كلارا و من اول مرة شفتها فيها حبيتها و مقلتلكيش علشان مكنتش لسه متأكد من مشارعي و لما قلتلها و لقيت ان هي كمان بتحبني قلتلك اهو علشان اجيبها معايا تتعرفوا عليها و تشوفي زوق ابنك
مامته : و اهلها شغالين ايه ؟؟ و عندها اخوات ولا لا ؟؟
احمد : اهلها توفوا و عندها اخت اسمها نيلي في مصر و اخ مسافر برة
مامته : دي اخرتها يا احمد يعني انا مامتك و ابقي آخر من يعلم
احمد : انت اول واحدة تعرفي انا مقلتش لحد
مامته : هتيجي انت و الهانم امتي ؟؟
احمد : بعد 3 ايام يعني علي الساعه 10 الصبح
مامته : ماشي هشوف لو محمود فاضي يجيبك من المطار ولا لا
احمد : انا هكلمه اشوفه
مامته : ماشي باي
احمد : باي
YOU ARE READING
Love Till The End(The5)
Fanfictionذا فايف فرقه غنائيه اتجمعوا في الاكس فاكتر متكونين من محمد و سعيد من الجزائر و احمد من مصر و كاظم من لبنان و عادل من المغرب قرروا انهم يتجمعوا في دبي علشان يشوفوا شغلهم و هتحصل معاهم شويه مواقف و احداث هنعرفها في القصه Don't forget to vote and comm...
