البارت اللى فات :
ميرولا و مريم اتعرفوا على بعض و ميرولا عزمتها على بطولتها
كلارا سابت بيت الشباب و رجعت بيتها و مريم و محمد سابوا بعض و فى واحده كتبت مقاله عن الشباب و عادل راح الجريده و ظبطها و اغنيه الدنيا شباب نزلت على انغامى و احمد كان سهران بيرغى مع كلارا و معرفش ينام و اعدوا يتكلموا للصبح
-------------------------------------------------
الصبح كلهم صحيوا
كاظم : ايه دة انت منمتش من امبارح ؟؟
احمد : مش عارف انام من كتر التوتر
سعيد كان آعد على موبايلوا : الفايفرز بيسألوا عن محمد
محمد : ليه ؟!
سعيد : بيسألوا عن الراب و فاكرينك مش فى الاغنيه
عادل هو كمان فاتح موبايلوا : لا دول كمان اعدين بيرتبوا مين اللى بيغنى بس اغلبيتهم بيقولوا سعيد اللى فى الاول
احمد : دى بليل اول ما نزلت على انغامى لقيت كل الصفحات كاتبه انها نزلت لا و كمان عاملين حمله انهم يوصلوها لأعلى نسبة استماع فى انغامى
كاظم : طيب احنا مش هنفطر ؟!
كلهم بصوا عليه و ضحكوا 😂
عادل : نفسي مرة تتكلم بجد او على حاجه غير الاكل
كاظم : مبقاش كاظم 😜
سعيد : طيب احنا هنعمل ايه انهاردة ؟؟
عادل : احنا انهاردة براحتنا اعملوا اللى عوزينوا
محمد : طيب انا خارج
عادل : هتروح فين ؟؟
محمد : كام مشوار كده.. هات مفاتيح العربيه
عادل : هتلاقيها فى اوضتى خدها
محمد : ماشي
و طلع علشان يلبس
سعيد : هو مالو ؟؟
احمد : اكيد مدايق علشان موضوع مريم انهم سابوا بعض
سعيد : انا مش فاهم هى ازاى تسيبوا بالسهوله دى ؟!
كاظم : انت آخر واحد تتكلم اساسا علشان الكلام اللى قلتهولها مكنش قليل
سعيد : اهو اللى حصل بقى بس هى برضوا غلطانه
كاظم : يعنى انت كنت عاوزها تعمل ايه بعد الكلام السم اللى قلتهولها
سعيد : و انت ليه ضدى كدة يا كاظم ؟!
عادل : طيب اسكتوا علشان هو نازل
محمد : باى
كلهم : باى
كاظم : سعيد انت عارف كويس انى مش ضدك انا ضد انك غلطان و مش عاوز تعترف بده او بتكابر
سعيد : انت معايا ولا معاها ؟؟
كاظم : انا ولا معاك ولا معاها ان مع الحق
احمد : ياااااااه يا كاظم اول مره تقول كلمه تنفع 😂
كاظم : مش اى حد يابنى 😉
عادل : طيب قوم يا احمد يلا اعملنا الفطار
كاظم : بقى بعد آكل كلارا هرجع تانى لأكل احمد 😩
احمد : مالوا اكلى ؟؟
كاظم : زى الفل بس ياريت قبل ماتحط ملح على الاكل تبقى تتاكد انو ملح مش سكر مش ناقصه وجع بطن ولا تلبك معوى 😂
احمد : انت محروم من الفطار يا كظوم
كاظم : ليه يا حمادة دا انا بحبك
احمد : يبقى تتلم
كاظم : من عنيا
عند محمد راح الاوتيل عند مريم
محمد : لوسمحتى انسه مريم ****** موجوده
موظفه الاستقبال : اه يافندم لسه فى اوضتها.. سوانى ابلغها ان فى حد بيسأل عليها
محمد : لا مفيش داعى انا هستناها هروح اعد على الطرابيزه دى 👈
الموظفه : ماشي
شويه و مريم نزلت
مريم : مفتاح اوضتى اهو
موظفه الاستقبال : ماشي يافندم و فى واحد مستنى حضرتك
مريم : مقلش اسمو ايه ؟؟
موظفه الاستقبال : لا مقلش دة انا حته سألتوا اكلم حضرتك اقولك ان فى حد مستنيكى قالى لا و هو آعد هنا مستنى حضرتك
مريم : ماشي ميرسي
و مشيت لغايه الطرابيزة و محمد شافها اول ما شافتوا كانت هتمشي راح مسكها من ايدها مريم بصت عليه بعدين على ايدها 😡 محمد شال ايدوا
محمد : انا آسف بس مينفعش تمشي و تسيبينى
مريم : ليه هو فى حاجه هنتكلم فيها
محمد : انت شايفه ان فى حاجه مش هنتكلم فيها
مريم : عاوز ايه ؟؟
محمد : هنتكلم و احنا واقفين ؟؟!
مريم : يا صبر ايوب
راحوا اعدوا
مريم : نعم !!
محمد : مريم انت بجد مصدقه اللى بتعمليه دة ؟! انت فعلا كرهتينى ؟! بالسهوله دى ؟!!!
مريم : كرهتك !! ايه اللى انت بتقوله دة ؟!
محمد : اومال تسمى اللى بتعمليه دة ايه ؟!
مريم : سميه زى ما انت عاوز تسميه
محمد : بالسهوله دى نسيتينى
مريم : مش بالسهوله اللى انت متخيلها دى بس انت يعنى مسمعتش الكلام اللى سعيد قالتوا 😢
محمد : ملكيش دعوة بسعيد و لو على سعيد انا ممكن اخليه يجى يعتذرلك
مريم : مليش دعوة بيه ازاى !! بعدين هو مقلش حاجه غلط هو قال الحقيقه اللى كل الناس شايفاها.. و انا ولا عاوزه حد يعتذرلى و يكلمنى ، انا اصلا مش عارفه هدخل الكليه تانى ازاى ولا همشي فى الشارع ازاى
محمد : ليه ؟؟ انت مش عامله حاجه غلط !!
مريم : دة انا نفسي شكيت فى نفسي لما قريت كلامها و الصورة اللى هى حطاها و انت شايلنى
محمد : عادل راح الجريده و قدم فيها شكوه و هم اكيد هيتصرفوا معاها
مريم : مش بالسهوله اللى انت متخيلها دى بعدين اللى اتقرا خلاص اتحفر فى الدماغ
محمد : يعنى هم الناس هيفضلوا فاكرين دة كل يوم بيطلع خبر و بينسوا اللى قبلوا
مريم : ايوة بس انا شكلى ايه لما يكون فى يوم من الايام مكتوب عنى كلام زى دة
محمد : كل الكلام دة كدب.. مريم انت بتتخلى عنى فى اول مشكله تقابلنا
مريم : هو انت ليه دايما عاملنى انا المتهمه يعنى لو انت مش فارق معاك اللى اتكتب انا فارق معايا انا بقيت ماشيه مكسوفه من نظره الناس ليا و كأنهم بيتهمونى بحاجة انا معملتهاش و المشكله مش فى الكلام اللى قالوا سعيد المشكله ان الكلام دة هو اللى بيتقال من الناس كلها و اهلك و اهل احمد زمانهم عوزين مش طايقنى انا و كلارا
محمد : لو كل اتنين قبلتهم مشكله سابوا بعض مكنش بقى فى ناس متجوزين ولا مخطوبين ولا حتى بيحبوا بعض.. بعدين محدش من اهلى عرف الخبر غير اخويا الصغير علشان دة اللى بيعد على السوشيال ميديا
مريم : انا اسفه يا محمد بس انا فعلا مش هقدر انى اقاوم المشكله دى انا تعبت من كتر ما بحارب انى اثبت الناس و لنفسي حاجات انا اصلا ممكن اكون مش مقتنعه بيها عن اذنك
محمد : مش مقتنعه بأيه بظبط ؟!! انى حبيتك ولا انك سبتينى بسهوله ولا انى بحلول اقنعك دلوقتى اننا نحل المشكله دى ها مش مقتنعه بأيه ؟!!
مريم : لوسمحت توطي صوتك يا محمد احنا فى مكان عام ميصحش كدة
محمد : ميصحش اللى انا بعملوا بس الصح اللى انت بتعمليه ؟!!
مريم : انا اسفه يا محمد
محمد : اسفه !! و دى اصرفها منين ان شاء الله ؟! يعنى ده آخر كلام عندك ؟!!
مريم : اه.. 😢 و ان شاء الله تلاقى اللى تستهلك بجد و تحبوا بعض.. سلام
و مشيت و سابتوا و راحت ركبت عربيتها و هو لسه اعد مكانوا متنح على المكان اللى هى مشيت منو
YOU ARE READING
Love Till The End(The5)
Fanfictionذا فايف فرقه غنائيه اتجمعوا في الاكس فاكتر متكونين من محمد و سعيد من الجزائر و احمد من مصر و كاظم من لبنان و عادل من المغرب قرروا انهم يتجمعوا في دبي علشان يشوفوا شغلهم و هتحصل معاهم شويه مواقف و احداث هنعرفها في القصه Don't forget to vote and comm...
