Belinda's Lover [R-18] [Completed]

[5] Belinda's Lover

CHAPTER FIVE

"HINDI ka naman siguro hahanapin ni Ryon?"

"Hindi. Maaga pa naman, e. Ayaw lang naman n'on na nagpapagabi ako."

"I can tell him na magkasama tayo."

"'Wag," maagap niyang sabi kaya napatingin naman ito sa kanya saglit.

"Ayaw mong malaman niya? Alam niyang magkaibigan din tayo."

"Ah, e, ayoko naman siyang mag-isip ng kung ano."

"May problema ba kung mapalapit ako sa'yo? Sa tingin ko naman, wala."

"I'm still in a relationship with Aiden." Nag-iwas siya ng tingin. "Kobe, huminto ka!"

Na ginawa naman nito. Salamat sa seatbelt at hindi siya humalik sa dashboard. Pero hindi iyon inalintana ni Billie.

"What's wrong?"

Hindi sumagot si Billie at sumilip sa labas ng bintana. Sa hulihan ng hinintuan nila ni Kobe ay isang motel at nakita niyang tuluyang pumasok doon si Aiden at ang kasama nitong babae. Mabilis siyang bumaba ng kotse at sinundan ito. Naabutan niya ito sa reception's desk pero hindi siya nagpakita rito. Tama nang hindi nga siya namamalik-mata lang. Kung kukomprontahin niya ito, ano ang sasabihin niya? She's not even ready to talk to him.

"Billie, halika na." Mula sa likuran niya ay hinila siya ni Kobe pabalik sa sasakyan.

Walang imik na sumunod siya rito.

"Okay ka lang?"

"Nakita mo rin 'yon, 'di ba?" nakatungong tanong niya.

"I'm sorry for that," pero hindi naman apologetic ang tono nito. Binuksan na nito ang pinto ng kotse. "Tutuloy pa ba tayo?"

Tumango-tango siya at tahimik na sumakay.

IMBES NGA lang na sa mall sila magpunta ay huminto ang sasakyan ni Kobe sa parking lot ng isang condominium.

"Bakit dito tayo nagpunta, Kobe?" tanong niya nang pareho na silang makababa.

"We can still watch a movie in my unit. Besides, kung may balak ka mang umiyak, ako lang ang makakakita."

Hindi alam ni Billie kung paano niya nakuhang tumawa sa kabila ng nangyari.

"Puro ka talaga kalokohan."

Nakangiting iniabot ni Kobe ang kamay nito sa kanya. Tinanggap naman niya iyon at mahigpit nitong pinisil ang palad niya.

"Ilang babae na ang dinala mo rito sa condo mo?" tanong niya.

"Ikaw pa lang."

"Ilang babae na ang nasabihan mong siya pa lang ang nadadala mo rito?"

Kunot ang noo pero nakangiting sinulyapan siya ni Kobe. Humarang ito sa harap niya at paatras na naglakad.

"Nagsasabi ako ng totoo. Ikaw pa lang ang dinadala ko rito."

Natampal naman niya ito sa dibdib. Sa hindi na naman niya maipaliwanag na rason ay hindi niya kinayang salubungin ang mga titig nito.

Billie sat comfortably on the sofa.

"Ang ganda naman nitong unit mo. Mahal siguro ang pagkakabili mo, 'no?"

"Maswerte lang siguro ako. Kinuha akong endorser ng kompanyang nagpatayo nitong building. Itong unit ang isa sa mga compensation na natanggap ko."

"Iba na talaga ang sikat at gwapo, e, 'no?"