ادم خرج و انا غانبدا نتيقامي ... فكرت بالخطة ديالي بادق التفاصيل ولكن ماشي ليوم تادوز شي يومين ليوم غي انركب ليه الاعصاب شويا ... عقلتو مني قالي ايلا حتاجيت شي حاجة نعيطلو ... وليت كل ربع ساعة نعيطلو نسقصيه ... مرة كيف كتخدم المكينة مرة فين داير الفوطات مرة مالقيتش، تا طفا عليا التلفون وتا انا ماشي من العاكزين ... وليت نعيطلو للنمرة ديال الخدمة ... جاوبني جوج مرات و انا ماقاداني فرحة عرفت راسي بسلت ولكن داكشي لي بغيت
المرة التاتة جاوبني ياسين ... عرفتو من صوتو ... "وي ختي سهام را ادم كيشوف شي وراق عيطيلو من بعد " انا ماجاوبتش قطعت بواحد الحزن لي غطالي على قلبي بلا ما يعلمني ... راكم عارفين بلي كنت كنبغيه و ماشي ساهلة نجي بين ليلة و نهار و ننساه ... مايفهمني غير لي بحالي و جرب نار الحب ... انا شدت الركنة و عارفا هادو ماشي من فعايل ادم .. دخلت سوق راسي و بحالا رجعت تأزمت جا ادم و حسيت بيه عارف اش دار ولكن مهضرتش معاه. هو اللي وجد العشا و عيطلي ... بزز مني نوض ناكل من فطوري ما دقت لقمة .... كلسنا نتعشاو
-ادم: سمحيلي ماقصدتش
-انا: خاصك تقدى التلاجة خاويا ولا عطيني نتقدا الراسي (نضت من الطبلة نمشي النعس و شدني مي يدي)
-ادم: كنت مشغول بشي وراق وكان ياسين معايا منين بقيتي كاتصوني بزاف يسحابليه شي مشكل و جاوبك بلاما يتشاور معايا
-انا: ماعندك لاش تبرر انا غير فمهمة و كانخلص البليزير لي درتي فبابا ... اسمح لي انا لي تماديت و نسيت راسي شكون (انا بديت نبكي ادم وقف مسحلي دموعي و خرج ماعرفتش غين .. انا مشيت ننعس واخا ماجانيش النعاس بقيت مشوشة عليه و ماقدرتتش نتاصل بيه .. مارتاحيت تا دخل للدار و كان مقدي كلشي لي خاص للدار
YOU ARE READING
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
