نهار حياتي غتبدل ... عيطات لي ماما و قالت لي بابا فالسبيطار جاتو ازمة. مشيت كنجري ... الطبيب لي شرف على الحالة ديالو طمأنا بلي خرجات خفيفة الحمدلله ولكن صحتو ماتقدرش تعاونو فالخدمة ...هادشي لي خلاني نفكر نبدا نقلب على خدمة. فالأول ما بغاش بابا ولكن بقيت عليه تاقنعتو .... نتوما عارفين فالمغرب الى بغيتي تخدم خاصك شي ضرسة صحيحة ... بابا وصى صحابو كلهم لي كايعرف .. انا ماعذبتش راسي بسيفي (CV ) حيث اصلا ما عندي مانكتب فيه ... دازت ربع أيام تا عيطلي السي مصطفى هو نفس الشخص لي لقى لي السطاج فديك الشركة
-انا: الو السي مصطفى كيدرتي؟
-السي مصطفى: الحمدالله ابنتي ... على اي كانعيط ليك على ود الخدمة... درت ابنتي اللي فجهدي و لكن ما كاين تا خصاص للأسف ... غير هو كاين واحد البوسط ولكن ماشي التخصص ديالك!
-انا:واش باقا غنتشرط ...اللي كان نقبل عليه و انا واضعة فيك الثقة ... اشنا هو هاد البوسط؟
-السي مصطفى :فالحقيقة السكرتيرة ديال السي الوزاني....(انا تصدمت و مابقيت نطقت بكلمة) انا غدا انتسناك ابنتي و راني وصيت واحد البنت توريك الخدمة ديالك ....يالاه خاصني نقطع باقا تابعاني الخدمة!
-انا:ااااه وااااخااا (بقيت كنتمتم ماعرفت ما نقول و نا نقطع)
حطيت حجرة على قلبي و بديت الخدمة. منهار بديت قليل فاش كايكون شي اتصال بينا ولكن نهار بدينا نخدمو على واحد الصفقة مهمة ولينا كندوزو بزاف دلوقت معاه ..(نسيت ماقلتش ليكم بلي ياسين دار فورماسيون بريفي (Formation privée) باش يقدر دغيا يشد بلاصتو فالشركة و مرة مرة كايجي يشوفني. فهاد الفترة وليت كنبغيه بزاف وكل مرة كنتوحشو كثر). نرجعو لبيرو ديال الخدمة ... انا و آدم ولينا نهضرو فخارج الخدمة، هادشي لي خلا لخدمة دوز فاجواء مرحة. ههه قربنا نسينيو الصفقة و آدم مابقى لو والو و يسافر. انا توحشت ياسين بزاف شحال ماشفتو ....
-آدم: سهام وجدي راسك اتمشي معايا ضروري خاصني مساعدة فالاجتماع!
-انا:اه واخا كلشي واجد غدا نتلاقاو فالشركة و نمشيو!
مشيت للدار صليت كليت و نعست ... صباح جديد مخبي فيه شلا حجات. مشيت للشركة لقيت آدم كيتسناني. أستأدنت منو نجيب شي وراق .. طلعت للبيرو وانا نتصدم .. عرفتو شكون كان تما؟؟ ... ههه حبيبي ياسين!!! ماشعرتش تا عنقتو و هو زير عليا تا حسيت بقلبو كايضرب فوق صدري ... هنا تأكدت بللي تا هو كايبغيني و زدت تأكدت بلي دا لي قلبي! ودعتو و قالي نرجع بالزربة حيت مخبي ليا شي كادو ..ههههه واااو سعداتي هههه! مهم انا هبطت و خليتو فالمكتب (ياسين ايقابل الشركة فغياب آدم)
-ادم : علا سلامتك! واش يسحاب ليك انا شيفور عندك!
-انا: سمح لي ما غاتكررش ... ههه جيتيني فشكل عمرني شفتك لابس سبور هاكدا!
-آدم: هههه وا هانتي شفتيني! و قيلاة تانتي لابسة سبور!
-انا: هههه حيث الاجتماع تا لغدا و داكشي باش لبست هاكا!
شدينا الطريق و قهرني الملل ... ناري بزاف على القنطة! هههه
-ادم: مالكي مطلعة قنانفك لسما؟ ياكما مخاصمة معا ياسين!!؟
-انا: الله يستر ماحنا على فالك! ... والو غي قنطت ... نلعبو؟؟؟
-ادم: واخا الالة نلعبو ... ولكن الى درنا كسيدة، ماشي مشكل يااك!!!!
انا غوبشت و دورت وجهي جهة الشرجم حاضية الطريق .. تا ولى دوا معايا!
-ادم: هانتي لي عرف الاغنية الأول غيربح، و اللي خسر غيخلص لعشا!
انا فرحت و بدينا نلعبو .. ههههه و تقول شي وحدة عرفتها! هههه هو ما زكل تا وحدة .. عادية حيث حافظ CD!
-انا: راه الغش بعينيه هادا ... او بزاف ... مادايزاش انلعبو بالراديو!
-ادم: ههه مارضيتيش! ههه واخا لي بغيتي...
انا غي شعلت الراديو و هي تطلق ديك الاغنية ديال امينوكس د "نمشيو لطريق بعيدة نبداو حياة جديدة" ههههه دار شاف فيا و دار واحد الابتسامة كذوب الحجر ... قلبت الإذاعة و بدينا نلعبو هاد المرة. انا لي ربحت هاهاهاها انا شريرة درت القناة ديال الأغاني القدام ... آدم ما حملش راسو. خسر و دار راسو تقلق ... عوتاني الجو ديال الملل ... افففف
-انا: ادم عمرك جربتي داك الإحساس تمشي تخطب شي بنت و ترفضك
-ادم : لا ... علاش؟؟؟؟
YOU ARE READING
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
