كل واحد مشا لبيتو انا بقيت كنفكر علاش دار هاكا و مالقيت تا تفسير و بدا كايطيحولي شي تساؤلات .. <<علاش عمرني شفت ادم مع شي بنت .. و علاش عمرو هضرلي على الجنس اللطيف و علاش دار هاكا منين هضرت على ماماه ..تفكرت سلمى منين قالت لي ماكايحملش البنات ..مي كايتعامل معايا عادي مافهت والو>> بقيت ساهية فافكاري تا فيقني صوت التلفون ... كان ياسين! بقينا كنهضرو شحال و شوقني بزاف للمفاجأة لي موجد ليا .... الصباح فقت صليت لبست حوايجي و هبطت نفطر تالحق عليا ادم مشينا الاجتماع و داز كلشي على احسن وجه و رجعنا فحالنا ... هاد الاحدات كلها دازت فصمت و اجواء جد رسمية .... انا لي شاغل تفكيري غير اش موجد لي ياسين لي غانتغدا معاه غدا ... وصلت للدار عاودت لماما كلشي و غي كليت صليت لي كايتسالني (الله يسمحلي) ونعست ... فقت رااااشقة ليا و ماقاداني فرحة. لبست حوايجي و مشيت لخدمتي و الدقايق كيدوزو سوايع تاوصل وقت الغدا ... خديت الإذن و هبطت... لقيت حبيبي ياسين كايتسناني... هولاا كومو إيستا ...
-ياسين:توحشتك بزاف حبيبتي
-انا: اشمن توحشتيني نتا غاتسكت لي القلب بهاد سيسبانس لي دايرلي فين راه داكشي؟
-ياسين: اناري مالكي ديما داخلة سخونة؟؟ ... ماكاين لا حبيبي تاانا توحشتك لا والو!!
-انا:ديزولي راك عارفني مكنصبرش!
-ياسين :يالاه نمشيو نتغداو و تما تعرفي كلشي
انا الطريق كلها ماسكتش كانحزر و والو مانطق بتا كلمة! وصلنا للمطعم و عاوتاني ماخلانيش تا نطلب لي بغيت ... راه والله ماناخد شي حاجة غالية بغيت غي ناكل داكشي لي كيعجبني......بفففف.
انا: ياسين سالينا الغدا وشي مفاجأة ما شفنا ...!!! (ماجوبنيش ...السرباي جاب لينا الديسير ... ياه كلاص ( la glace )... واااو ... درت بحالي عمرني كليتو مي بيني و بينكم بحال هداك، لدابا ما عاودت دقت بحالو ..!! المهم ماعلينا، انا كناكل او بالعبارة الأصح كانلتاهم .. ياسين مالقاش الفرصة فين ياكل بكثرة ما ضحك عليا ... تال شوية خشيت ففمي شي عجب قاصح .. مابغا لا يدوب لا يتمضغ! تخلعت وانا نجبدو .... عرفتو شنو لقييت ... هههه لا لا انا انقوليكم ولكن ماتصدموش ... لقيت خاتم عمرش شفت بحالو ... وااااااااااعررررر
-ياسين: فوقاش اتهضري معا داركم نجي نخطب ...؟ (انا باقا مامتيقاش) الى مابغيتيش مكاين مشكل!
-انا: هاد الويكاند (كانقولها و انا باقا مامتيقاش ... )
-ياسين : انا اليوم انفولها للوالد و نتي فاتحي عائلتك!
مشيت للدار وانا ماقاداني فرحة! غانعيش مع حبيبي تحت سقف واحد و نتقاسمو كلشي كنحمدك يا ربي و نشكرك!
هادي نهاية الجزء الاول
الجزء التاني كيحمل فطياتو أحداث محال واش توقعوها !!!.. واش هاد الزواج ايكمل؟؟؟ .. و كيفاش ايدوز؟؟؟ ... و ادم اشنو هي قصتو؟؟؟ و شنو لي خلاه يكون هاكا؟؟؟ ... واش الصفقة لي درنا غاتمشي كيف خططنا بدون مشاكل ؟؟؟؟
في انتظار الجزء التاني نبغي نعرف توقعاتكم ... كنتمنى ماتبخلوش عليا بيها !!!!
ВИ ЧИТАЄТЕ
لعباتها اﻷقدار
Короткі історіїلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
