مديت لو الوراق و بديت نشرب القهوة. هدا مالو دغيا ولا ظريف؟ العجب!!!
-ادم: تهدنتي دابا؟ (حركت راسي باش نجاوب اه) وا حلي معايا عقلق انوريك واحد الطريقة اتخدمي بيها التمارين كلهم راها صعيبة شوية ولكن غير حلي ودنيك و دماغك ...(انا جريت الكرسي حداه و هو بدا يشرح كنحاول نفهم مي وااااالووو!!! ملي سالا قالي: فهمتي؟ و جاوبتو ب اه! و هو يعطيني تمرين ... انا بقيت غي كانشوف ماعرفت منين نبدا ... عرفني مافهمت تا وزة! و عاود شرح لي تا فهمت و الحمد لله مشيت للدار وانا الطريق كلها فرحانة ..... واالا!!! ماشي حيث فهمت، ولكن حيث هضرنا و تحاورنا!!! شحال بقينا هاكا والهضرة كاتجمعنا غير هيلا وحلت فشي حاجة ... نسيت ما قولتش ليكم ياسين ماهضرش معايا هد جوج سيمانات. يمكن حيت كايوجد ... وصلو الامتحانات و دوزنا علا خير الحمدلله مور 15يوم خرجوا النتائج فالسيت ....انا نص نهار وانا مدابزة معاه والو مابغاش ... اووووووف انشوف سلمى اشدارت (هضرنا ففايس)
-انا: وا الموصيبة! اشدرتي؟؟
-سلمى: تكومبونصالي سوماستر و ماعطاونيش الرطراباج و نتي؟؟؟
-انا :مبرووووك حبيبتي والله تافرحت ليك ...ختي انا سيت معكس ليا مابغاش يتحل
-سلمى: راه تا انا طرا لي بحالك ياسين لي صوفاني
-انا: هاني نعطيك الكود ديالي صفطيه ليه يشوف ليا
-سلمى:والله اختي ماغايبغي راه يالاه عطيتو الكود دواحد لبنت و مابغاش! قالي لي بغاني يجي يهضر معايا!
-انا: نااري على حتروف!! واخا صيفطيلي لفايس ديالو!
سيفطاطلي سلمى الفايس و رسلت ليه ميساج
-سلام ياسين! صافا؟
-ياسين: اهلااا بسيهام! اولا نقوليك مولات البريوات؟
-انا : والله ماراشقالي لهاد الضحك راه مابغاش يتحل لي سيت
-ياسين : و زربة خااايبة درتيي ليا!!! مي حيت عزيزة عليا هانية@ صيفطيلي الكود!
صيفطلو الكود و مشا غبر كثر من نص ساعة وجا لقى 50 ميساج كلهم كتبت فيهم "امضرا؟؟!!"
-ياسين: 16,65
-انا: فينا مادة !!!؟؟؟؟؟
-يسين:فكلشي فاليديتي ب 16,65
بقيت كنقز و نغوت و نعنق فماما الحومة كلها ساقت خباري فرحت بزاااف ونهار كلو وانا نفكر فين غاندوز هاد شهرين ديال العطلة ...ويلي ويلي نسيت ما شكرتش ياسين!! مشيت طليت على الفايس لقيت 2 ميساجات. واحد د سلمى و لاخر د ياسين "u welcom" ناري علي حشماااا => سمحلي اياسين غير معا الفرحة على العموم شكرا<= ... بقيت كنبرقق فالكروب لي نجح و لي غايعاود، تابغيت نمشي عاد اﻷستاذ ياسين جاوبني
-ياسين : لا لا هانية راني فهمتك!
-انا : و نتا اش درتي
-ياسين : تانا فاليديت
-انا: يويويويوييبييي هنية عليك
-ياسين : راه غير شي ناس عايرونا و دارو فينا النفس هههه
-انا : علا هاد الحساب خاصك تخلصني ههههه
-ياسين :هههه لي بغيتيها تجيك هيلا بغيتي تا نتزوجو مرحبا
ههههههه!
بقينا شادينها ضحك تا جانا النعاس. فالحقيقة ياسين ظريف و عزيز عليه يشد فالواحد. شخصيتو هاكاك ... المهم قررت مانبقاش جالسة فالدار، ندير سطاج، منها نستافد، منها نتلاها. قلتها لبابا و بالمعرفة دغيا دبرلي على سطاج، ولكن الفاجعة الكبرى انديرو فشركة " place of '' ديال بوات ياسين و ادم!!! فرحت على ود انشوف الشخص لي حرك كياني اول ماشفتو (ادم) علا حساب ماق قالي ياسين: ادم ديما فالشركة فالعطل .. بديت فالسطاج هادي جوج سيمانات و باقي ماشفت ادم ..مي مرة مرة كيجي ياسين يطل عليا و يمشي ... هاد النهار ياسين جا فوقت الخدمة ماموالفاش ليه و لابس رسمي لا لا هادي شي قضية طاريا ..يالاه غادا عند ياسين وتا بانلي ادم غادي عندو .....
أنت تقرأ
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
