#لعباتها_الاقدار
انا سهام عندي 25 سنة كبرت فعائلة بسيطة بابا الله يخليه ليا من ديما عمرو خلانا نحتاجو شي حاجة .. كان كل همو نقراو و نوصلو و كان مصاحب معانا كثر ماكنحسبوه بابانا. ما عمرني فكرت ندير علاقة معا شي واحد كتعدا الصداقة ... قصتي بدات ملي كانت عندي 19ستة "Adulte". كنت كانقرا فلافاك ،، ولكن ماكنتش اجتماعية! "كاتعجبني العزلة و نبعد على اي بلاصة فيها الصداع"
سلمى:واهبطي يا المصيبة را الطوبيس دااز
انا:وناري يختي مكتصبريش راه باقي الحال
سلمى:يالاه اصاحبتي نشدو بلايصنا فل buvette "مطعم الكلية"
انا:جوع يالطيف... دوزي نمشيو فطاكسي! عاد شريت السبرديلة نفرح بيها شي يامات!
سلمى:بالصحةاا ... هيا اتخلصي ... مانقولش اللا على الحاجة الفابور!
سلمى هي صاحبتي عارفة عليا كلشي و عارفة عليها كلشي. خصوصا ان ديورنا ملاقيين و لكن ماكانكونوش ديما بجوج هي عندها كليكتها (sa clique) و بحكم انني معنديش مع الجوقة ممعاهمش فلكليكة.....وصلنا و مايدوز غي واحد الحتروف كيجري طبعلي السبرديلة
انا: واش ماكاتشوفش تفو على بنادم غي مدرم
سلمى:زيدي زيدي را ماداهاش فيك ،،،،
انا : يخ على ماركة كون يسحابلي كون مانخسرش 10dhديال طاكسي
زدنا فحالنا غير وصلنا عرفت سلمى ماغنشوفها تانكونو راجعين... مشيت دخلت نقرا عادي تاكنت خارجة راجعة فحالي سلمى باقا عندها حصة غي نزيد فحالي
الشخص:ختي وخا نهضر معاك
انا: (خنزرت و زدت فحالي.. كنتمشى بزربة)
الشخص:بغيت غي نقوليك سمحيلي علا قبايلا
انا:(وقفت و كنقول معا راسي هدا هو الحتروف ديال قبيلا... درت كنخنزر فيه)
الشخص:سمحي لي كنت مزروب و مادرتهاش عن قصد
انا: (فنفسي وانا مصدومة الله ياربي واش هدا مغربي؟؟؟؟ لا لا راه كايهدر بالدارجة. اح اقلبي تفكرت داك الديسك علا غفلة و ماقريت حسابو هههه مهم ماتديوش عليا! ...نرجعو لحلبة المعركة) داك سمحيلي خلص بها الطبيب ديال لعنين و نتا غي كدرم بحال الدحش
الشخص:لا لا بانلي نتي ماكاتقرايش فهاد لافك ..حيت مكتعرفينيش شكون انا ... اش جيتي ديري هنا؟؟؟
انا : (اناري عاد كان ظريف) ههههه جيت نبيع بريوات قدام لافك ... علاش!!!
الشخص:ناري ماتقوليهاش... ما بيناش فييك!!!! ههههه
انا :(يخ على متكبر ... طلعت فيه و هبطت وزدت.... ماشي تخخززت راه عرفت راسي غانبقا غي نتفقص اللهم نزيد فحالي
مشيت لدار ساخطة غي وصلت نعست مانخبيش عليكم طريق كلها وانا نفكر فداك الحتروف هههه ................اش بانليكم..... لا لا ما طحتش ماتخافوش ختكم مواالفة!!! غي نفييق نساه ... غي وصلت لدار كليت و بقيت تانتفرج تانعست...
YOU ARE READING
لعباتها اﻷقدار
Short Storyلعباتها اﻷقدار قصة بالدارجة المغربية للكاتبة الواعدة خولة Khawla El :Salut mes chers... Voilà c'est ma première publication ...et aussi mon premier conte هاااا العار لما قراووهاا و قولولي واش نكمل ولا لا علاقة ليا بالكتابة ...... Me...
