Sa Isang Sulyap

Ika-labing Limang Sulyap

"Are you sure?" tanong ko pa. Naghintay pa kong sagutin niya pero wala, bigo akong marinig ang sagot niya. Bigo rin akong malaman kung sino 'yon. Saglit kong inubos yung gatas na laman ng baso ko saka ako bumwelong sipain yung likod ng sofa na inuupuan niya.

"Liar!" sigaw ko saka ko nilapag sa console table na nasa likod ng couch yung basong hawak ko at pumanik na sa taas.

"Kakainis!" sabi ko sa sarili ko bago ako naligo na. Papasok na ko nang makita kong paalis na yung sasakyan ni Kuya Cabi. Plinano ko sanang sumabay kaya lang wala ako sa mood makipag-argumento at isa pa baka ipagpilitan niya lang ako sa Erick na 'yon.

"Mang Gilbert!" tawag ko sa family driver namin habang kasalukuyan siyang nagpupunas ng kotse. Agad naman siyang ngumiti nang makita ako saka niya tinigil yung ginagawa niya.

"Good morning, Young Mistress. Papasok ka na ba?" tanong niya pa nang makalapit ako. Tumango naman ako saka ko inayos yung bag ko sa balikat ko.

"Opo. Halika na ho baka ma-late pa ko. Ang hirap po kasi. Na-experience ko na one time." Natawa naman siya ng bahagya. Iginiya niya na ko papasok sa kotse at saka siya sumakay bago niya pinaandar iyon.

Panay ang tingin ko naman sa orasan ko. Kinakabahan ako. Baka maging disappointment na naman yung tingin sa'kin ng teacher ko. Ang hirap kayang ma-late. Baka mamaya mawala pa ko sa lining ng achievers. Ngayon pang ako na naman yung nangunguna.

"Ah..Young Mistress, pwede ba kong magtanong?" sinalubong ko yung tingin niya sa rear mirror ng kotse. Kunot noo naman akong sumagot.

"Ano po 'yon?"

"Hindi naman sa nanghihimasok ako sa pribadong buhay niyo kaya lang. Napansin kong laging problemado si Master. Hindi ko naman maitanong baka sabihin niya'y nangingialam pa ko. May problema ho ba kayo? Sa pamilya niyo? Napapadalas kasi yung pananakit ng dibdib niya kaya lagi kaming napupunta sa ospital."

Ospital?

Saglit akong natahimik. Si tatay? May problema? Wala naman siyang nababanggit. Ni hindi niya kami kinakausap about sa anumang problema niya. Kaya ba lagi siyang tulala at panay kulong siya sa kwarto? Ni hindi na nga namin siya nakakasabay ni Kuya Cabi sa breakfast. Sometimes sa dinner din dahil laging masama yung pakiramdam niya.

"Hindi ko po alam, Mang Gilbert e. Ang alam ko po sabi niya sa'kin masyadong maraming investments lang ang pumapasok sa company. Sometimes big offers come to. Ang pagkakasabi niya nga po kasi he can't handle it on his own dahil sa dami rin ng perang pumapasok." Narinig kong pumalatak lang siya saka iiling-iling. Ipinasok niya na yung sasakyan sa loob ng school para makababa na ko.

"Salamat po Mang Gilbert." Sabi ko habang nakadungaw ako sa driver's window. Tumango naman siya. Tumalikod na ko para sana magtuloy na kaya lang natigilan ako bigla kaya mabilis ko siyang tinawag.

"Mang Gilbert, wait lang po." Nag-break naman siya saka siya tumungo sa'kin.

"Ano 'yon Young Mistress?"

"Ah..pwede po bang kung may mangyayari pang iba kay tatay. Pwede pong sabihin niyo sa'kin?" saglit pa siyang nagisip bago tumango.

"Makakaasa ka Young Mistress." 'yun lang saka siya umalis na. Naglakad naman ako papunta sa building at aminado akong hindi ko maialis sa isip ko yung sinabi ni Mang Gilbert.

Siguro nga may mga bagay kaming hindi alam tungkol kay tatay. Pero yung pagpasok niya sa ospital. At pamomroblema niya? How could he keep it hidden from us? Ngayon namang alam ko na. kailangan ko talagang malaman kung bakit siya nagkakaganon. I want to know everything. Siguro natatakot lang ako.

Natatakot lang ako na pati siya mawala. I already lost my mom and I could say that I even lost Kuya Cabi too. Ayokong pati si Tatay mapahamak pa.

"Hey Summer!" bati sa'kin ng isa sa mga kaibigan ni Kuya. Sinabayan niya pa talaga ako sa paglalakad ah. Ano? Feeling close na siya ngayon? Maninira na naman ng umaga e. Kakainis na!