EHS 3: His Sweetest Karma

CHAPTER 16

Si Natalie lang yata ang babaeng kilala niya na walang kalambing-lambing sa katawan. "Yes, pupunta ako. See you rin."

"Ano'ng gagawin mo sa bayan?" tanong uli nito.

"A-ano... bibili ako ng gift para kay Baby Stella." Hindi naman niya puwedeng sabihin dito ang kalagayan. Ayaw pa niyang ipagsabi sa iba, lalo na sa ama ng batang dinadala niya.

"Okay. Mag-ingat ka, Hillary," wika ng kaibigan na para bang sa tono ng pananalita nito ay hindi lang siya sa pagmamaneho dapat mag-ingat.

"Thank you, Natalie." And she ended the line.

Nag-mall muna siya dahil after lunch pa naman ang schedule ng checkup niya. Sa pagtingin man lang ng gamit ng bata ay malibang siya.

"Ano kaya ang bibilhin ko?" tanong niya sa sarili habang iniisa-isang tingnan ang mga gamit pang-baby. May nakita siyang isang set na baby dress with shoes, sumbrero at kung ano-ano pa na puwedeng gamitin ng baby. Kinuha niya ang kulay-baby pink na dalawang set at ipinabalot. Wala na kasi talaga siyang maisip at ayaw niyang pigain ang utak niya.

"NEXT WEEK ang next checkup and please huwag kalimutang inumin lahat ng vitamins, Miss Thompson," bilin ng doktor.

"Yes, Doc. Thank you," sabi ni Hillary at inilagay na sa bag niya ang ilang banig ng vitamins.

Three times na kasi niyang nakakaligtaang inumin iyong mga vitamins niya dahil naduduwal siya sa laki ng capsule.

"Hillary?"

Napalingon siya nang may tumawag sa pangalan niya. "M-Mandy?"

"Yes, sweetie," sagot nito at nagpalipat-lipat ng tingin mula sa kanya at sa silid na pinaglabasan niya. "OB-GYN? Are you pregnant?" Namimilog ang mga mata nito na muntik pang mapatalon.

Ibang version ni Mandy ang nakikita niya ngayon, hindi tulad noong una niya itong makita.

Hillary nodded and forced a little smile. Umaasang huwag nitong ipaalam kay Axer ang balitang 'yon.

"And the father is my friend? Axer Lance Wilson... that jerk?" Napapalatak pa ito.

She nodded once again.

Impit itong napatili at niyakap siya bigla. "He really found his match and may baby pa kayo! Congrats, Hillary."

"T-thanks," nahihiyang sabi niya kasi pinagtitinginan na sila ng mga napapadaan dahil umaagaw ng atensiyon ang babaeng nakayakap sa kanya.

Kumalas si Mandy sa kanya. "O-oh, I'm sorry. So... hmm... alam na ba niya or you want to surprise him?" she asked excitedly.

Lihim niyang kinagat ang loob ng pisngi. Paano niya ba sasabihin dito na hindi alam ng lalaki ang pagbubuntis niya? "Mandy, please don't tell Axer about this."

Kumunot ang noo nito. "But why? He has the right to know about his child, his own blood and flesh."

"Y-you don't understand, Mandy. Please huwag mo munang sabihin sa kanya," pakiusap niya at hinawakan ang magkabilang kamay nito. "Please?"

Dahan-dahan itong tumango. Nakahinga siya nang maluwag. Mabilis naman palang kausap ang babae. "Okay, I won't tell him pero sa isang kondisyon."

"What is it?"

"Dapat ninang ako ng baby n'yo."

Natawa si Hillary. Ang babaw ng kondisyon nito. "Yes, sure. Kahit hindi mo siguro sabihin ay kukunin pa rin naman kita kasi kaibigan ka ni Axer."

"I can be your friend too. We can be friends, Hillary." Kumislap ang mga mata nito.

"I would love that."