Miss Astig

Twenty One

"De mag-aral kayo diyan. Nag-aaral din naman ako. Hindi naman ako maingay magbasa," sagot ko at ibinalik ang pansin ko sa libro.

"Talaga lang ha? Sobrang talino mo naman para mag-aral ng ganyan," nang-aasar na tanong ng pinsan ko habang sinilip ang binabasa ko.

Ano problema neto?!

"Dati pa naman akong nag-aaral ah."

"Gusto ko tuloy makilala yang bumabagabag sa isip mo. Tsk, tsk. Ang malas lang niya," sabi nitong iiling-iling pa. Kahit si Aidan ay napapangiti na din. Ano kaya iniisip na kalokohan ng mga 'to?

"Ano ba Kuya?! May nagbabasa o!" Asik ko sabay turo ng libro.

"Sino ba kase?" nangingiti ng tanong ng pinsan ko. "Babae siguro no? Binata na siya uyyy. Hahahaha!"

"Siraulo! Wala no!"

"Sige nga kung hindi ka distracted basahin mo yang libro mo samin ngayon," hamon nito habang si Aidan ay nakamata lang at aliw na aliw na samin. Tss. Kala naman ng mga 'to.

"Ano na namang kalokohan yan Kuya?"

"Basahin mo na, kahit isang paragraph lang. Dali na." Inikot ko ang mga mata ko. Tss. Pagbigyan na nga para matapos na 'to.

Pero sandali.

Teka lang, bakit ganun?

Wala akong maintindihan sa nakasulat?

Ang alam ko nag-aadvance study ako ng History pero bakit parang hindi ko mabasa ng maayos? Nang tignan ko si Kuya J ay halos mapahagalpak na ito sakin.

"O alam mo na bakit?" Tanong nito.

Nangunot ang noo ko. What? Alam nitong hindi na ako makabasa ng libro?

"Nakow Louie! Baliktad ang libro mo kaya malamang wala kang maiintindihan dyan hahahaha!"

Kahit si Aidan ay tawa na din ng tawa habang nakatitig sa hawak kong libro. Tinignan ko ang front cover at napagtantong balikdad nga.

Okay that was funny. At sa harap pa talaga ng crush mo na nakikitawa na din?

"Tse! Sa kwarto na nga ako mag-aaral! Kabagin sana kayo!"

***

Ilang beses akong huminga ng malalim habang papasok ng gate ng school.

Kaya ko 'to!

Busy pa din sa pagbibigay ng bookmarks at flyers ang mga party lists para sa nalalapit na election. Napansin ko ang tarpaulin na kinabibilangan ni Kuya Mason. Ang picture nitong naka-coat na katabi ng tumatakbo namang President samantalang sa baba naman niyon ang iba pang kandidatura sa ilalim ng party list nila.