"ဒီတစ်ခါဆို လူငယ်ထိန််းသိမ်းရေးစခန်းမဟုတ်ဘဲ ထောင်ထဲရောက်မှာ "
ဂယူဗင်း သူတို့ရဲ့အသံများကိုရင်းနှီးနေသောကြောင့် သေချာအောင် တိတ်တဆိတ်ကြည့်မိတော့ သူ့အားနောက်ကျောပေးထားသော ကောင်မလေးတစ်ယောက်နှင့် မင်ဂီထက်။
ဂယူဗင်း ထိုလူကိုတွေ့လိုက်ရသည့်အခါ အနည်းငယ်အံ့သြမိသော်လည်း ဒီလောက်ဆိုလူငယ်ထိန်းသိမ်းရေးစခန်မှထွက်လာပြီမှန်း သဘောပေါက်လိုက်သည်။ သူ့အရှေ့ကမိန်းကလေးကိုတော့ အသံကြားရပေမယ့် ရုပ်မမြင်ရသည့်အတွက် ဂယူဗင်းမသေချာပေ။ ဂယူဗင်းသိသည့်သူက ဒီနိုင်ငံကိုထပ်လာစရာအကြောင်းမရှိ။
ဂယူဗင်းရဲ့သံသယတွေကို ပိုသေချာသွားစေသည်က ဂီထက်ရဲ့စကားထဲတွင် ပါလာသောသူမ၏နာမည်ကြောင့်ပင်။
"ငါ့ညီမကို ငါထိန်းလို့မှမရဘဲ။ ဆယ်အာ နင့်ကိုပဲကြောက်တာ။ "
သေချာသွားသည့်နောက်မှာ ဂယူဗင်းထိုနေရာမှအမြန်ပင် ထွက်ခဲ့တော့သည်။ ထိုနေရာမှာနေပြီး သူတို့နဲ့တွေ့လို့ ကောင်းသည့်အရာဖြစ်လာမည်မဟုတ်။
ဂယူဗင်းဆေးရုံကို အမြန်မောင်းထွက်လာပြီး ဆေးရုံအခန်းထဲတွင် ဘေးကင်းကင်းရှိနေသည့် အင်၀န်းနဲ့ယူလီကိုမြင်မှ သက်ပြင်းချနိုင်တော့သည်။
မုန့်ထုပ်များကို ယူလီအားပေးကာ ဆိုဖာပေါ်တွင် ဂယူဗင်းရဲ့ ၀င်ထိုင်လိုက်သည်။
"အမောတကြီးနဲ့ ဖြေးဖြေးလာပါ။ "
သူ့မျက်နှာကိုသတိမထားမိသေးသော ယူလီကစနောက်စွာဖြင့် ပြောလာသည်။ ဂယူဗင်းရဲ့ဖြေသံကိုမကြားသဖြင့် ယူလီလှည့်ကြည့်တော့ ခပ်တွေတွေဖြစ်နေသော ဂယူဗင်း။
"ဘာဖြစ်လာတာလဲ ဂယူဗင်း။ "
"ယူလီ ဂီထက်ပြန်ရောက်လာပြီ။ "
သူ့စကားအားကြားလိုက်သည့် ယူလီမျက်နှာထက်မှာလည်း အပြုံးတို့ပျောက်ကွယ်သွားရသည်။ စိုးရိမ်နေသည့်မျက်နှာဖြင့် အင်၀န်းအားကြည့်မိသည်။
"ဂျောင်ဆယ်အာကောပဲ။ "
ဂယူဗင်းရဲ့စကားကြောင့် ယူလီလည်းအနည်းငယ်အံ့သြသွားပြီး
"သူကဘာလာလုပ်တာလဲ။ "
"အေး ငါစိတ်ပူတာလည်းအဲ့တာပဲ။ ပြန်လာစရာအကြောင်းမရှိတဲ့လူကလေ။ "
သူကော ယူလီကော အတွေးကိုယ်စီဖြင့် သက်ပြင်းချမိကြသည်။ ခနအကြာတိတ်ဆိတ်နေသည့်နောက်တွင် ဂယူဗင်းကစိတ်ဆုံးဖြတ်ထားသည့်ပုံဖြင့်
"ဒီကိစ္စက အရင်ကတည်းကတစ်ခါတည်းပြီးရမှာ။ "
"ငါတို့ ထယ်ဆန်းကို ဒီကိစ္စပြောသင့်တယ်ထင်တယ်။ "
"ဟန်ထယ်ဆန်းကို ဘာလို့.."
ဂယူဗင်း ယူလီရဲ့စကားကိုလက်မခံစွာပြန်ပြောမည့်အခိုက် ဆေးရုံခန်းတံခါးကိုဖွင့်ဆွဲကာ ၀င်လာသည့်အီဟန်ကြောင့် ဂယူဗင်းရဲ့စကားတွေရပ်တန့်သွားရသည်။
လက်ထဲတွင် ကိတ်မုန့်ထုပ်ကိုင်ကာ ရောက်လာသည့်အီဟန်က သူနဲ့ယူလီအား မေးခွန်းများနှင့်ပြည့်နှက်နေသော မျက်လုံးများဖြင့်ကြည့်ကာ
" ထယ်ဆန်းကို ဘာကိစ္စပြောမှာမလို့လဲ။ "
♪ ♬ ヾ(´︶'♡)ﾉ ♬ ♪
Part-8 End
@blackkatt_jh
Part-8 Reflection
Start from the beginning
