Torn between ex-lovers (EDITING)

C1: Pulang Sombrero

Nakita ko siyang muli sa plaza kaninang umaga. Nakasuot siya ng pulang sombrero na siyang lalong nakadagdag sa pagiging misteryosa niya.

Noong ako'y pumasok sa Casa Alegria para magminindal kasama si Rosa ay nagkataong nasa kabilang mesa lang siya at ang mga kasama niya sa teatro. Nakaharap ako sa kaniya kung kaya ay kitang-kita ko kung gaano kaganda ang kaniyang buhok nung tanggalin niya ang kaniyang pulang sombrero. Humalimuyak ang amoy ng rosas noong gawin niya iyon. Sa palagay ko'y gumagamit siya ng pabango na gawa sa katas ng rosas kung kaya ay ganoon na lamang iyon kabango.

Habang kami ay kumakain, hindi ko maiwasang hindi mapatingin sa kanilang gawi. Napakaganda ng mga ngiti niya. Nabato-balani ako sa kaniyang ganda. Hindi ko maintindihan ang aking sarili dahil simula noong una ko siyang makitang magtanghal sa teatro ay talagang hindi na siya maalis sa isipan ko. Maaaring ito ay paghanga lamang dahil sa angkin niyang galing sa pagarte. Ngunit ako ay talagang nahihiwagaan sa babaeng iyon at sa damdaming ngayon ko lang naramdaman mula noong una ko siyang nakita.

Nagugulumihanan,
Maria

------------------------------

Chapter 1:
Pulang Sombrero

"Uy beb! Trending ka na naman ah?" Bungad ni Ara sa akin. Nasa top ten trending list kasi sa forums at groups ng Wattpad yung bagong update ko. Hashtag: I love the fandom.

"Sshh! Somebody might hear you." Singhal ko sa kanya.

"Oops! Sorry naman." Sabi niya at naupo na sa tabi ko. We're here in our school's library.

"So? Anong balak mo? Balita ko APC's been asking Poging Pinay to be their exclusive writer ah?" Usisa niya.

"Well, tama ang nabalitaan mo. And my plan is.. To think a hundred times bago ko kunin yung offer." Sagot ko sa kanya. Sa totoo lang, gusto ko yung offer. Pero natatakot akong malaman ng lahat, maging ng parents ko, na ako si Poging_Pinay. Mahirap na.

"Bakit naman? Akala ko ba gusto mo nito?" She asked. Patagong sumusubo na naman ng chips galing sa bag niya.

"You know why." Tipid kong sagot.

"I see." Sumubo na naman siya ng chips. Naiirita ako sa crunchiness nito na nage-echo sa side ng library kung nasaan kami.

"Tigilan mo yan. Akala ko ba magda-diet ka na?" Tinitigan ko siya ng masama.

"Cheat day." Ngiti niya at sumubo ulit ng chips.

"Cheat day? Eh kahapon yun di ba?" Singhal ko ulit sa kanya.

Sumubo pa siya ulit ng chips bago sumagot, "Sa Monday ko na sisimulan mag-diet." Natatawa pa siya. Umiling-iling na lang ako.

Nanahimik na rin siya pagkatapos nun. Pero syempre, naririnig pa rin yung crunch sa bawat kagat niya ng chips. Nagbasa na lang ako ng libro. Tutal wala naman na kaming ginagawa. Tapos na ang practice for graduation at ayos na ang lahat. Last day of school na namin at sa Monday na ang senior high graduation.

"Let's go to the grad ball beb." Oops! Sabi ko na nga ba eh. Eto na naman po kami.

"Ayaw ko." Tipid na sagot ko without looking at her.

"Sige na beb! Last na party na natin 'to bago tayo mag college." Pilit niya.

"Beb naman, alam mo naman di ako mahilig. Saka isa pa, magde-dress na naman ako. Ayaw ko na."