عَوض مـِن بـَعد عـَذاب!.

part 16

عَوض مـِن بـَعد عـَذاب!.

#بـقَلمي_زَنـايب.

لاتنسون التصويت+التعليق بين الفقرات+مُتابعة للحساب✨.

****************

ولڪينه ڪدامنه منظر مُرعب ومفجع وڪارثه....

حطيت ايدي ؏َ حلڪي بعد ما شهڪت بقوه وانا مصدومه وراح قاسم من يمي وهوَ يرڪض ويصيح مصدوم من المنظر الي شفنا..

چان بيت العَم فاضل محروك..!

محروك ڪله، رحت ارڪض ورا قاسم چان ڪل شيء متفحم و واضح من ريحه الدخان انوا اڪوا شخص طفى النار بس.. بعد فوات الاوان.

چان قاسم يصيح بڪل قوته بأسم عمه ومَرت عمه..

چنت مصدومه من المنظر وچنت اتمنى الي انا بي ڪابوس مو حقيقه واريد اڪعد من الڪابوس بأسرع وقت..

ورا دقائق سمعنه صوت سياره بالشارع ورڪضنه انا وقاسم للسياره نطلب منهم المُساعده بس للأسف ما وڪفوا وڪملوا طريقهم..

لأول مرا اشوف دموع قاسم الي وڪع بالڪاع يبچي ومنهار..

شلون صار ڪل هذا وليش اصلًا!!
قربوا من عدنا نص من الجيران الي چانوا ڪاعدين لـ صلاة الفجر بعد ماشافوا قاسم بالڪاع و يبچي، حچه واحد منهم..

_قاسم انتَ بخير؟

_قاسم: شنو صار احچوا شصار للبيتت؟؟؟

_بيتڪم احترك فجأه ما ندري منو حرڪه والاهالي حاولوا يطفون النار بس الحريق چان چبير حيل وما نجحنا ألا بصعوبه بتدخل سياره الاطفاء الي مع الاسف وصلت بوقت متأخر.

_قاسم: وين عمي فاضل و وين زوجه عمي؟!!

سڪتوا الجيران وماحچوا ولا ڪلمه، بده يصيح قاسم بعصبيه وهوَ يڪرر السؤال ألا ان جاوب واحد منهم..

_ احنى اصلًا چنه اندور جثتك..

جثه! لا لا مُستحيل يموتون...

قاسم ما اتمالك نفسه و وڪع بالڪاع يبچي وانا ڪعدت يمه اهدء بي..

ورا ڪم دقيقه ڪام قاسم وطلب مني امشي ورا وبدينه نمشي وانا اصلًا ما ادري وين رايحين..

چان قاسم سريع بالمشي وانا بطيئه واحاول امشي بسرعه..

وڪف قاسم بعد ما لاحظ انو انا حاطه ايدي على مڪان العمليه وبالڪوه القط انفاسي، طلب مني انوا نڪعد شويَ نرتاح وبعدين ڪال..

_قاسم: راح انروح لـ صديق عمي فاضل المقرب منه اسمه "سليم"..

ارتاحينه شويَ و واصلنا المشي و وصلنا لـ بيت صديق العم فاضل "سليم" بعد حوالي نصف ساعه مشي..

راح قاسم دك الباب وطلعلنا واحد عمره تقريبـًا بالـ30 چان فرحان من شاف قاسم بس استغرب من شافني لان اصلًا ميعرفني ڪاله قاسم انوا انا جايه ويا ودخلنا للبيت..