عَوض مـِن بـَعد عـَذاب!.
#بـقَلمي_زَنـايب.
**************
رجعوني للغرفه وقفلوا عليَ الباب وبهذا اليوم حرموني من الاكل...
كرهت آسر بشكل مو طبيعي بسبب الي سوا بيَ، وبعد مرور ساعتين واني بـ الغرفه ابچي دخلت عليَ العجوز "سلوا" وهيَ فايره من العصبيه وكملت بيَ ضرب واني اترجاها اتوگف وهيَ ولا همها بس تضرب بـڪل قوتها وتجبرني انو اطيعهم وانفذ اوامرهم....
ماجان عندي حل ثاني اله اوافق بس حتى توكف ضرب لان انهد حيلي من الضرب وكلتلها خلاص واللـه راح اسوي الي تريدين واروح وي آسر بس عوفيني..
وكررنه هذا الشيء ثلاث مرات بـ ايام متباعده "انجدي من الناس".. وبسبب اعنادي سلوا وفيصل صاروا يكرهوني كره فضيع ويحقدون عليَ ويخافون انو افضحهم بسبب الساني الطويل وانو مستحيل اسكت.
وبعد فتره قصيره من التوتر الي مله البيت بسببي اتذڪر هذا اليوم بكل تفاصله الي جان كل الاطفال ضحيه غضب سلوا وفيصل بسببي ومن بينهم آسر! نزيت من صياحهم وبڪائهم و توسلاتهم الهم من ورا باب الغرفه الي حابسيني بيها، ڪلبي صار يرجف من الخوفجسمي ڪله صار يرجف دخلت عليَ سلوا وهيَ كامشه بـ ايدها عصى "عوده" شفت الشر يتطاير من عيونها واضح انو دخلتها هاي مابيها ڪُل خير!
من شفتها بهذا المنظر انفاسي رادت تنكطع من الخوف منظرها جان اشبه بـ الوحش شعرها منفوش ودخلتها هاي تعلن بيها الخطر ولان اضاءه الغرفه جانت ضعيفه انطاها ضل ڪلش مرعب، شهڪت وبديت ابچي واني ميته خوف بديت ارجع ؏َ ورا جان البچي هوَ سلاحي الوحيد ما عندي شيء غيره لا قوتي بقوتهم ولا اڪدر اردلهم الضربات.
قبل لا تبدي تضرب بيَ سمعنه صوت ضرب الباب وهوَ يندك بصوت عادي بشكل غريب! راحت سلوا رجعت لـ زوجها الي توقف عن ضرب الاطفال وراحوا يفتحون الباب جان شخص من نفس جنسيتهم (باڪستاني) جان يصيح عليهم بقوه ڪأنو يكللهم شيء وهوَ مرعوب وبعدها شࢪد!
راح فيصل ؏َ آسر وطلب منه انو ياخذ ڪل الاطفال ويشردون من البيت بسرعه! صاح آسر ؏َ الاطفال وهو يكللهم..
_آسر: مُداهمه مُداهمه ڪوموا بسࢪعه اطلعوا من البيت..!
راحت سلوا للغرفه مالتها وطلعت منها جنطتين وحده شالها آسر والثانيه وَي زوجها (فيصل).
ڪمشتني سلوا بأيدها القذره بڪل قوتها وبأيدها الثانيه جانت ڪامشه بنتها طلعنه نركض من البيت بدون أي مقاومه مني حسيت وقتها وهيَ كامشتني هيج حيلل انو اني اهم طفله عندهم!
اتذڪرت كلام آسر من جنت بـ الغرفه واجه كالي انو اني اهم وحده عندهم واذا لكوني راح اكون سبب لـ دمار تجارتهم والسبب انو اني عراقيه! وهاي يبدوا انو هيَ غلطه سلوا...!
