عَوض مـِن بـَعد عـَذاب!.

part 10

عَوض مـِن بـَعد عـَذاب!.

#بـقَلمي_زَنـايب.

لاتنسون التصويت+التعليق بين الفقرات+متابعه للحساب🤍.

***************

صباح اليوم الثاني چان فاجع بـ النسبه الي....

لأنهم رڪبونه السيارات وسلمونه لجهه تابعه للدوله اليمنيه!..

جن اجنوني وضليت اصيح واقاوم وچنت احاول اشرحلهم بس همَ اتعاملوا وياي ڪأنوا بس مجرد طفله..

رڪبوني بالڪوه وَي باقي الاطفال وسدوا الباب علينَه اتذڪر هاي اللحظه بڪل تفاصيلها وڪأنوا سدوا آخر أمل ألي..

بهاي اللحظه حسيت فعلًا بـالضلم عرفت شنو معنى القهر شنو معنى العجز والخساره
حسيت انو خسرت ڪل شيء

خسرت نفسي وطفولتي وبرائتي حتى حبي للحياة خسرته وخسرت عائلتي والاهم خسرت وطني..

حسيت بشعور خساره الوطن مرتين مرا چنت متنڪره وغصبـًا عني وَي سلوا وزوجها والمرا الثانيه مامعترف بيَ وبالحالتين مجبوره..

الڪل يستغرب من تفكيري واني بهذا العمر بس الي صارلي خلاني اڪبر 10 سنوات فوك عمري
الهموم والصدمات والحزن والفقد اشياء ڪلها سيئه اتخليك تفقد عمرك واتخليك شخص ثاني فوك عمرك الحقيقي..

چنت اشوف الاطفال جسمهم صغير بس عقلهم اڪبر وآسر اڪبر مثال..

وعلى الرغم من تعلقي بأهلي وامي بالذات ألا انو المده الطويله الي ڪضيتها واني بعيده عنهم خلتني مااحمل نفس الخوف الي چان بيَ بـالبدايه
ولاحجم القلق نفسه بس رغبتي بـ الرجوع الهم ما انمحت...

مَر الوقت بـ الطريق ألا ان وڪفت السياره وكفنه يم مبنا چان مڪتوب عليَ حست ما اتذڪر
(مرڪز الحماية الاجتماعيه للطفوله)
استقبلونه مجموعه من الاشخاص اتعاملوا ويانه بـأبتسامه وعطف دخلونه للمقر حتى نرتاح وقدمولنا الاڪل وبعدين عافونا حتى ننام..

واني لسه ممصدڪه انو البارحه چنت بـ العراق واليوم رجعوني لليمن.

چانوا مجتهدين ؏َ الاهتمام بينَه بالرغم من قله امڪانياتهم..

اخذوا معلوماتنا وصور النا حتى يوثقون ڪل شيء وحاولوا يعرفون عائله ڪل طفل وما ڪدروا أله بس ؏َ 3 باقي الاطفال رفضوا انو يحچون چانوا خايفين من العقاب أو خايفين انو يرجعون لنفس الجحيم الي چانوا بي..

قَرب عليَ واحد منهم بعد ماخلصوا من تصويري وچان ڪامش بـ ايده قَلم.

سحبته من ايده بسرعه وطلبت منه ورقه من الدفتر الي چان بأيده، ابتسم وهوَ متفاجئ من حرڪتي وبدون تردد انطاني ورقه..

دمعت عيوني واني اڪتبله..
(اني طفله عراقيه مخطوفه ارجوڪم ساعدوني)

انطيته الورقه واني امسح دموعي، قراها وباوعلي بأستغراب وڪال (عراقيه؟)
اشرتله براسي(اي)..