وقعت أسيرة عينيك

الفصل الثالث و الثلاثون [انه خلفك]

بسم الله الرحمن الرحيم

«يا ربّ، فيكَ الرجاء -سبحانك- وإن ضلَّ السَّعي وانسدّت الطرق وانقطعت حبال الأسباب. اللهم إنَّ في تدبيرك ما يُغني عن الحيَل، وفي كرمك ما هو فوق الأمل، أصلح لنا شأننا كلّه ولا تَكِلنا لأنفسنا طرفة عين».

-----------------------------------------------------------------------------------------------------------------------------

- احم....حطى الورق و اتفضلى

-تتفضل ازاى يعنى...المفروض تعرفنى بما انى موجودة الفترة الجاية

انتبهت "نورا" لوجود "إيمان" فنظرت لها بتكبر بالغ و اشمئزاز من احتشام ملابسها

-احم....دى الاسيستنت المسؤؤلة عن العلاقات العامة 

- اتشرفت بمعرفتك...و أنا "إيمان"

قالت "إيمان" هذة الكلمات فى لطف شديد على عكس الغيرة التى كانت تشتعل بداخلها....و لكنها حدثت نفسها بأن الفتاة لم تفعل لها شيئا فلا تستحق سوى المعاملة الطيبة

-أهلا بحضرتك....حضرتك بتمثلى شركة ايه

قالت "نورا" هذة الكلمات  و هى تنظر للأوراق التى بيديها

-لا انت فهمتى غلط أنا زوجة المستر الى معذبكم فى الشغل دا

توترت "نورا" قليلا حتى ان بعض الاوراق سقطت من يديها ....فساعدتها "إيمان" على تجميعهم ثم نظرت "نورا" ل "احمد" نظرة عتاب و خرجت فى عصبية شديدة 

-مالها هى اتضايقت كدا ليه

-مفيش يا حبيبى اقعدى كملى مذاكرة و هتلاقى القهوة جاية

استمعت "إيمان" الى كلامه و جلست و لكنها تضايقت لعدم اخبارها بشيء مهم كهذا...تتنتظر أن يخبرها بنفسه و لكن على ما يبدو لن يفعل ذلك

-"أحمد"...هو وقت الغدا فى الشركة كام

-10 دقايق....بتسألى ليه

-نععععععم......قصدى ايه العبط دا...يعنى قصدى لا مينفعش كدا...دا الواحد ميلحقش يطلب كوب قهوة حتى

-أنا سامح بالقهوة أثناء الشغل

-طب عندى اقتراح جامد

-اتحفينى...عشان دى مهمتك فى حياتى تقريبا

- المهم...ممكن تخلى وقت الغدا نص ساعة و الناس تاكل و تشرب و يفضوا الطاقة السلبية و يتخلصوا من الاسترس و يرجعوا للشغل بكل طاقة و حيوية...و امنع القهوة أثناء الشغل

- لا

-لا!....يعنى ايه يعنى...بص هفهمك يعنى ممكن يجيبوا قهوة أثناء الشغل و يقعدوا يتمرقعوا و يبص يشوف الكوب فى كام نقطة قهوة و دا مش هيخليهم يشتغلوا كويس...لكن انت لو حطيت بريك زى الخلق هيعملوا كل الى عليهم و ياخدوا البريك دا كمكافأة ليهم فهمت حاجة!