بسم الله الرحمن الرحيم
(هل لى بأنّ ألقاكَ مرة واحدة...أشبِّع عينيى برؤيتك؟)
بعد سماع إيمان لمشكلة أسماء التى صدمتها حاولت الهدوء للوصول لحل
=انا من رأيى يا أسماء أنك تقولى لأقرب أخ ليكِ علشان يقدر يتفهمك و هو هيقدر يتعامل خصوصا ان دا شغل باباكِ و اخواتك
_(بدموع) بس هو كدا هيبصلى بصّة وحشه و انا مش هستحمل
= هو ممكن يزعل طبعا عشان مكنش متوقع منك كدا بس الاكيد انو مش هيسيبك غرقانه كدا
قاطع حديثهم صوت أحمد الذى أتى منذ قليل لإصطحاب أخته للبيت
_السلام عليكم...أستأذن حضرتك آخد أسماء عشان الوقت اتأخر!
=(بحرج) اتفضل طبعا
_ما تيجى معانا يا إيمان كدا كدا أسيل مشت من بدرى و أخوكِ عنده شغل
=شكرا يا سمسم انا هتصرف
_تعالى انا كدا كدا ماشى فى طريق بيتكم و ممكن أتصل على عمرو أبلغه
_جزاك الل...
=ما يلا يا ايمى بقا
_تمام يا أسماء يلا بينا
(بعد ركوب السيارة)
_أحمد انا عاوزة أقولك حاجه
=قولى يا أسماء
كانت خائفة من ردة فعله و لكنّها قررت التحدث فى وجود إيمان علّها تخفف من حدة الموقف و يستطيع أخوها السيطرة على غضبه
_ أحمد...أنا فى واحد قالى آخد ملف من مكتب بابا
=(بإستغراب) ايه؟....مين دا
_أحمد اهدى و اسمعنى(بدأت تقص على شقيقها كل ما حدث من مقابلتها لحسام و أمر الصور و أخيرا طلبه و ميعاد تسليمه)
= (بغضب) انتِ عبيطة و ساذجه للدرجة دى!!
ازاى تخليه يضحك عليكِ كدا هاااا
ما تردى!
_(بدموع)انا أسفه يا أحمد و الله...أنا مكنتش أعرف أن ممكن الحوار يوصل لكدا
=مسمعش صوتك يا أسماء لحد ما أروّح البيت
كانت إيمان تراقب الموقف و هى فى أشد حزنها على صديقتها حتى حسمت قرارها
♡°♡°♡°♡°♡°♡°♡°♡°♡°♡°♡°
_يا أسيل متوجعيش قلبى عليكِ بقا
=يا ماما و الله انا كويسة
_ماشى يا بنتى انا هروح المقابر هقعد شوية و جاية
=(بدموع) هتروحى ليوسف!
_(بدموع) هو إحنا لينا غيره هناك... ربنا ينتقم من إلى كانوا السبب ...الحمد لله...إنا لله و إنّا إليه راجعون
=استنى يا ماما هلبس و جاية معاكِ
♡°♡°♡°♡°♡°♡°♡°♡°♡°♡°♡°
أنت تقرأ
وقعت أسيرة عينيك
Romanceفي بعضِ الأحيّان نضطر إلى إتخاذ قرارات لا نعرف إلى أين ستأخذنا...و لكنّنا فعلنها لكي نحمى الأقرب إلينا...فيكافئنا الله على حسن نيتنا بشيئ لم نكن نتخيله فى الأحلام حتى و أيضا التصادف الغريب الذى يتعرض له الشخص فيتغير مجرى حياته هذا ما سنعرضه خلال رو...
