بسم الله الرحمن الرحيم
أجد الدفء والرِّقة دائمًا في وصف أحمد أمين لأصدقائه، ومن لطيف قوله في سيرته الذاتية -حياتي- عن صديقٍ له:
صحبته فكان؛ مكملاً لنقصي، موسعًا لنفسي، مفتحًا لأفقي، كنت أجهل الدنيا حولي فعرفنيها، وكنت لا أعرف إلا الكتاب، فعلمني الدنيا التي ليست في كتاب، ملأ فراغي وآنس وحدتي!
♡°♡°♡♡°♡°♡°♡°♡°♡°♡°♡♡°
_بابا أنا ....أنا...بص يا بابا الى تشوفه
ضحك أبوها على رد فعلها الخَجِل و من ثمّ بارك لها و أبلغهم رده...و بطبيعة الحال لم تسلم من تعليقات "عمرو" المضحكة
=ما شاء الله طلعتى بتتكسفى....دا انا كنت مفكرك واحد صحبى
_أنا....أنا كنت مفكرنى واحد صاحبك
..ماشى...شكرا يا رجولة
=العفو يا حب على ايه
ذهب "عمرو" الى عمله و ظلت هى بالبيت حتى إتصلت "أسماء" بها و طالبتها بالخروج معها فوافقت بحكم إجازتها
_السلام عليكم ورحمة الله وبركاته
=و عليكم السلام ورحمة الله وبركاته.....نورتى يا عروسة
_بنورك يا سنجل يا بائس
=بس بقا متجيش على الجرح
_هنخرج فين يا ستى
=لا دا انا جاية مِحرم
_مِحرم؟؟؟....مِحرم ايه يا بنتى
=أصل "أحمد" وراكِ
_"أحمد" مين.....قصدى عاوز ايه....يعنى قصدى فيه ايه
استدرات فوجدته داخل سيارته و هو يصدر أصواتا من السيارة و بداخلها "ميرا" و "خديجة"
_"أسماء" فيه إيه أنا م فاهمه حاجة
=مفيش يا ستى أصل احنا متحمسين سيكا فقررنا نخدعك و نجيبك عشان نشترى حاجات كتب الكتاب
_يا الله....طب و ماما
=متقلقيش احنا كلنا اتفقنا عليكِ
_هثق فيكِ تانى ازاى بقا
=دا انا سمسم
دخلت السيارة و جلست بجواره بعد إصرار الفتيات عليها .....دخلوا عدة محلات و انتقوا منها فساتين لنفسهم مع شراء فستان "إيمان" بمستلزماته و من ثم ذهبن إلى الحديقة و بدأن باللعب كالأطفال
_مبتلعبيش ليه؟
=عشان عاوزة أتكلم معاك
_امممم
=هو ايه الى اممممم...أولا كدا بسم الله الرحمن الرحيم انت مقعدتش فى البيت ليه انت طالع من عملية يا بشمهندس....ثانيا كدا مفيش طلاق كمان شهرين احنا هنتجوز سنتين و بعدين نتطلق و قبل ما الجلالة تاخدك وتفكرنى مغرمة بيك
لا خالص دا بس لحد ما "عمرو" يتجوز
...عشان أكيد مش هيروح يتجوز و أخته مطلقه....ثانيا بعد ما نرجع من مهماتك احنا هنعيش مع مامتك عشان بصراحه كدا مضمنش أقعد معاك لوحدنا.....ثالثا هكمل كليتى عادى جدا بالنسبة بقا للسكن الجامعى شوفله انت حل عشان انا موصلتش لحاجه
YOU ARE READING
وقعت أسيرة عينيك
Romanceفي بعضِ الأحيّان نضطر إلى إتخاذ قرارات لا نعرف إلى أين ستأخذنا...و لكنّنا فعلنها لكي نحمى الأقرب إلينا...فيكافئنا الله على حسن نيتنا بشيئ لم نكن نتخيله فى الأحلام حتى و أيضا التصادف الغريب الذى يتعرض له الشخص فيتغير مجرى حياته هذا ما سنعرضه خلال رو...
