بسم الله الرحمن الرحيم
يعنى ايه أحلم بيه!!!
أعوذ بالله من الشيطان الرجيم أكيد دا مدخل من مداخل الشيطان انا مش هسمحله يخليني أعمل حاجة غلطقومت صليت القيام و قرأت الورد و قعدت أدعى و بعدين صليت الفجر و نمت
_قومى يا إيمان دا كله نوم
=ما خلاص يا ست الكل بقا ماكنوش 14 ساعه يعنى
_قومى يا بت ساعديني شوية و انتِ زى قِلتك كدا
=انا قايمه أهو....
قومت صليت الضهر طبعا و ساعدت ماما ف تحضير الغدا و اتجمعنا كلنا على السفرة
_انتِ مش بتروحى الكلية ليه يا بت انتِ
= و انت مالك يسطا خليك فى كليتك بس
_ماشى ياختى...خلصى اكل و يلا عشان اوصلك ل أسيل
=تسلم يا احلى اخ ف الدنيا
_دلوقتى احلى اخ!!!
=معلش بقا يا باشا
(فى بيت أسيل)
_إزيك يا طنط أخبارك ايه
=الحمد لله يا بنتى انتِ ايه أخبارك و ام عمرو عامله ايه
_ماما بخير يا طنط الحمد لله
=هتلاقى أسيل ف أوضتها
_الناس إلى مبتسألش
=بسم الله الرحمن الرحيم انتِ جيتِ امتى!!
_مفيش أصل عمرو أخويا تكرّم عليا و وصلنى
=عمرو امممم
_انتِ مالك احمريتى كدا ليه
=بت اتلمى الله!!!
_يلا نذاكر ياختى
قعدنا فترة طويلة نذاكر و تتوسطهم دخول طنط طبعا بكل ما لذّ و طاب
_و الله أمك دى حتة سكرة كدا
=آه ما انا عارفة عشان بتعملك الأكل إلى بتحبيه بس هى معايا زى مرات الاب بالظبط
_ههههه بجد انتِ لسانك عاوز القطع يخربيت كدا
=كُلى ياختى كُلى
تن تن تن تن
_ألو أيوا يا عمرو....تمام ماشى....لا لا انا نازلة أهو
=فى اى!
_مفيش أصل عمرو واقف تحت بالعربية ف بيقولى تعالى يعنى يروّحنى فى طريقه
=تمام سلميلى على طنط و عمو
_مش عايزانى أسلملك على حد تانى (بغمزة)
=(حدفتنى بالمخدة) مشّى يا إيمان و خلّى يومك يعدّى
_تشاو يا حُب و ابقى سلميلى على طنط و قوليلها تسلميلي يا احلى طنط عبير فى الدنيا
YOU ARE READING
وقعت أسيرة عينيك
Romanceفي بعضِ الأحيّان نضطر إلى إتخاذ قرارات لا نعرف إلى أين ستأخذنا...و لكنّنا فعلنها لكي نحمى الأقرب إلينا...فيكافئنا الله على حسن نيتنا بشيئ لم نكن نتخيله فى الأحلام حتى و أيضا التصادف الغريب الذى يتعرض له الشخص فيتغير مجرى حياته هذا ما سنعرضه خلال رو...