Unicode
ရွှီကျယ် ဖျားသည့်အခါတိုင်း တစ်ပုံစံတည်းတူညီသည့် အိမ်မက်များကို ဟိုတစ်စွန်းဒီတစ်စ မက်လေ့ရှိသည်။တချို့အိမ်မက်အပိုင်းအစလေးတွေက ကောင်းသည်။တချို့က ဆိုးသည်။
လူတစ်ယောက်က သူ့အား မရင်းနှီးသည့် လူနေရပ်ကွက်တစ်ခုဆီသို့ လက်တွဲခေါ်ငင်သွားခဲ့သည်။အသံတစ်သံက ရွှီကျယ့်ကို ချော့မော့လာ၏။
" လိမ်လိမ်မာမာနေနော်။ စကားလည်း မပြောရဘူး။ လူကြီးတွေနဲ့တွေ့ရင် ပြုံးပြရမယ် ၊ ဟုတ်ပြီလား "
ရွှီကျယ် ခေါင်းမော့ကြည့်လိုက်သည့်တိုင် တစ်ဖက်လူရဲ့မျက်နှာကို ရှင်းရှင်းလင်းလင်း မမြင်ရချေ။
အိမ်မက်က ပူလောင်လွန်းလှသည်မို့ သူ ခဲခဲယဉ်းယဉ်း အသက်ရှူနေရသည်။ရုတ်တရက် ၊ ရေအေးတွေက သူ့အပေါ် ကျလာကာ ရွှီကျယ့်အမြင်အာရုံတွေ မှုန်ဝါးလာသည်။ကလေးတစ်ယောက် စူးစူးဝါးဝါး အော်ဟစ်ပြောဆိုသံကို ရွှီကျယ် ကြားလိုက်ရ၏။
" မင်းနဲ့ တန်တာပဲ ! "
မျက်နှာပေါ်ကရေတွေကို ရွှီကျယ် လက်မြှောက်သုတ်လိုက်သော်ငြား ခြောက်သွေ့အောင် သုတ်မရဖြစ်နေသည်။ရေတွေက တရစပ် စီးကျနေဆဲ။
ပတ်၀န်းကျင်ဟာ ခေတ္တမျှ တိတ်ဆိတ်သွားသည်။တစ်စုံတစ်ယောက်က သူ့မျက်နှာကို တစ်ရှူးနှင့် ညင်သာစွာ သုတ်ပေးနေရင်း ပြောလာသည်။
" စိတ်မပူပါနဲ့။ ရေတွေ နေရောင်နဲ့ခြောက်သွားတဲ့အထိ ငါ မင်းကို အဖော်လုပ်ပေးပါ့မယ် "
ရွှီကျယ် 'အင်း' ဟု ပါးစပ်ဖွင့်ဖြေချင်လင့်ကစား သူ့လည်ချောင်းကနေ မည်သည့်အသံမှ ထွက်မလာ။
မျက်လုံးကို မနည်းကြိုးစားရုန်းကန် ဖွင့်လိုက်ချိန် ခန်းဆီးစကတစ်ဆင့် အခန်းထဲသို့ စိမ့်၀င်နေသော အလင်းရောင်ပျပျကို တွေ့လိုက်ရသည်။ဦးခေါင်းတစ်ခုလုံးက လေးလံနေ၏။သူ ဘယ်နေရာမှာ ရောက်နေသလဲဆိုတာ သတိမကပ်ခင် ရွှီကျယ် မိနစ်၀က်ကျော်ကျော် ငြိမ်သက်နေခဲ့သည်။ချက်ချင်းပင် ရွှီကျယ် သူ့ဘေးကခုတင်ကို လှည့်ကြည့်လိုက်သည်။ခုတင်ပေါ်၀ယ် လူရှိမနေ။
![](https://img.wattpad.com/cover/359421530-288-k685635.jpg)
YOU ARE READING
ယွိ့ယန်နန်ကျစ် {မြန်မာဘာသာပြန်}
Romanceမူရင်းဝတ္ထုအမည် - ယွိ့ယန်နန်ကျစ် မူရင်းစာရေးသူအမည် - မိုက့်ရှန်းကျီးနာ Alpha × Alpha လုဟယ့်ရန်(လေတပ်ဗိုလ်မှူး) × ရွှီကျယ်(စစ်ဆေးဆရာ၀န်) Both Gong and Shou are Alpha .