السلام عليكم ورحمة الله وبركاته
قبل نبدا لا تنسون الصلاة والسلام على رسول الله( و ترى لايك وكومنت منكم يشجعني)
يلا نبدا
اذن الفجر
عند ابو منصور قام من النوم و راح يصحي ام منصور قامت و راحت و تصحي بناتها و ابو منصور راح للمجلس يصحي عياله
و دخل المجلس و قال :منصور فيصل نايف ماجد سلمان
قوموا صلوا صلاة الفجر
فيصل : طيب يبه بس دقيقة
ابو منصور : مافي دقيقة قوم
فيصل : طيب ابشر . وقام راح للحمام و العيال قاموا
وراحوا للحمام و توضوا وراحوا للمسجد
وعند ام منصور راح للحمام بعد ما شافت البنات قاموا
و قعدت توضا وبعدها راح تصلي وبعد راحت للمطبخ تسوي فطور و بناتها قاموا وراحوا للحمام
و توضوا وبعدها راحوا يصلون
و ام فايز قامت من النوم و راحت تصحي بناتها و بعدها قاموا
و كلهم راحوا للحمام يتوضون وبعدها راحوا يصلون
و اما ابو منصور و العيال خلصوا من الصلاة و اطلعوا من المسجد وراحوا للبيت و دخلوا في البيت و قعدوا في الصاله
و عند فيصل من دخل البيت وهو يفكر في ساره وكيف يلقاها
و ان لقاها صعب يتزوجها لانها مو من قبيلته
و يفكر في حل وبعدها قال بصوت حزين :آه و جرح قلبي و آه ما أطول عناي
ليت الأقدار بيديني وأرد القدربس ماهي على كيفي ولا مشتهاي
حكمة جات من رب البشر للبشر .وابو منصور اول ما سمع صوت فيصل اوجع قلبه من القصيده قال : صح لسانك وانا ابوك
و الله يزين الحال و الله يجعل نلقاها سالمه
و الله يكتبها من نصيبك .
و ام منصور لاول ما سمعت قصيده ولدها على طول
اوجعها قلبها و طلعت وقالت : صح لسانك وانا امك
و بإذن الله تعالى نلقاها و تكون من نصيبك
بس انت يا يمه خل املك بالله كبير .
فيصل أبتسم بفرح وهو يسمع دعواتهم
و قال : يبه يمه جزاكم الله خير على هالدعوات وامين يا رب
و الله يطول بعمركم على طاعته . و جاء بيروح لكن ام منصور قالت : فيصل يمه ما راح تفطر معانا
فيصل : الا يمه . وجاء بيكمل كلامه الا يشوف جواله يدق
َو ناظر في الجوال الا يشوف نواف يدق عليه
و قال : يمه
دقيقة نواف يدق علي بشوف وش يبغى وارجع .
ام منصور : طيب على راحتك . و فيصل ابتسم وراح
و دخل المجلس
و في المكالمه
نواف : الو فيصل
فيصل : هلا
نواف : عندي لك خبر راح يفرح قلبك بس بشرط ما تقاطعني
و تسمعني لين اخلص
فيصل : نواف قول اخلص بدون مقدمات
ادخل بالموضوع على طول و طيب ما راح اقاطعك
نواف : طيب وش فيك مستعجل
فيصل : مافيني شي بس قول وش عندك
نواف : اسمع اول ما طلعت من المسجد
دق علي عمي عبدالله البقمي
و قال لي ان في المحامي اسمه مسلط قال له ساره انحاشت
ودقت على الشرطه و جينا واخذناها و حطيناها في المركز
عشان نحقق معاها و جاها انهيار عصبي
ارتفاع عندها الضغط
و ساره في المدينه الفلانيه........ اللي برا الرياض
و بعدها عمي عبدالله قال تعال انت يا نواف و فيصل
لانكم ماسكين قضية ساره
و برسل لك الموقع
فيصل فرح و قال : احلف انها انحاشت
نواف : والله .
و فيصل قعد يصارخ من الفرحه
و يقول وهو يحاول يمسك عبرته
: انحاشت منهم الحمدلله ياربي لك الحمد
نواف : اسكت لا يجي عمي و يقول الورع وش جاه
و يجلدك على هالصراخ
فيصل : عادي عادي المهم وش راح نسوي الحين
نواف : الحين بجي واخذك و بعدها نروح نعلم هيفاء
لانها تبي تعرف أي شي عن صديقتها ساره
و عشان تروح
لانها اكيد تبي تروح تشوف ساره مجرد تدري ان ساره انحاشت
فيصل : اي والله صادق
نواف : اجل اسمع خلك جاهز بس دقائق وانا اكون عندك
فيصل : طيب ابشر .
وانتهت المكالمه
و عند فيصل اول ما انتهت المكالمه طلع و راح للصاله
و شاف ابوه و امه و واضح من وجيهم الخرشه
و قال : يبه يمه علامكم وجيهكم كذا
ابو منصور بعصبيه : انت اللي علامك تصارخ خرشتنا
فيصل : يبه اسف
بس لان نواف دق علي و قال ان عمي عبد الله دق عليه
وبعدها قال له كل شي .
ام منصور : يا يمه الله يهديك روعتني بعدين لا تصرخ
فيصل : طيب ابشري يالغاليه و اسف .
و راح و بس رجع و وقف و ناظر في ابوه و جاء بيتكلم
الا قاطعه ابو منصور وهو فهم وش يبغى فيصل منه
و قال انا عارف وش اللي خلاك ترجع عشان المفتاح
بس انقلع مفتاح ما في انسى
وانت توك تقول نواف بيجي ياخذك
خلاص روح لا تتاخر على الرجال .
فيصل سكت و ناظر في امه
و قال يمه قولي شيء اقنعي ابوي
ام منصور : مالي دخل انت جبتها على نفسك
المفروض تسمع كلام ابوك مهما صار
فيصل : طيب بس يبه
ابو منصور : دقيقه سؤال كم مره سحبت المفتاح منك
فيصل : كثير
ابو منصور : اجل انقلع لا تشغلني ولا ترى بالعصا
فيصل : يبه فوق اني مصاب قرصتني مع اذني قبل يومين
و الحين تبي تضربني حرام عليك
ابو منصور : تستاهل انت تعرف وش مسوي
تحدني على الشيء اللي ما ابيه و الحين اذلف
فيصل : طيب . و راح و طلع و لقى نواف و ركب السياره
و نواف ناظر فيه و قال وش فيك زعلان
خابرك مستانس قبل اسكر منك
فيصل : ابوي رفض يعطيني المفتاح
نواف : وانا ما قلت بجي اخذك ليش رحت ل عمي
فيصل : الا بس ياخي ابي سيارتي
نواف : طيب عمي وش قال لك .
فيصل ناظر فيه و علم بكل شي
و نواف : فيصل خلاص اعقل
فيصل : طيب
نواف : فيصل ليه صامل تبي المفتاح ليكون ناوي على شي .
فيصل توتر بس ما بين
و قال : لا يا رجال ماني ناوي على شيء
نواف : طيب . و بعدها راحوا لبيت هيفاء و نواف و فيصل نزلوا
و نواف دق الباب و ابو هيفاء فتح الباب
و قال هلا مين انتم .
نواف ابتسم و قال : معاك الضابط نواف بن خالد ٠
و هذا الضابط فيصل بن سعد
ابو هيفاء : ونعم امروا وش بغيتوا
نواف : ما عليك زود و ما يامر عليك لا عدو ولا ظالم
بس جينا نبي نبشر هيفاء ان ترى ساره عبدالله البقمي انحاشت من العصابه .
ابو هيفاء فرح : الحمدلله
الله يجزاكم خير انكم جيتوا تفرحوا بنيتي
لانها من يوم انخطفت ساره وهي حالتها حاله
لان ساره صديقتها من ايام الطفوله
نواف : امين وياك
ابو هيفاء : اجل دقيقة بروح ابشر بنيتي واجيكم
فيصل : خذ راحتك يا عمي .
ابو هيفاء ابتسم لهم وراح وقعد ينادي هيفاء
و يقول : هيفاء هيفاء وانا ابوك تعالي عندي لك خبر .
هيفاء جت و قالت : لبيه يبه
ابو هيفاء : ابشرك ساره انحاشت من العصابه
تو الضابط نواف خالد قال لي
وهو الحين برا و معاه خويه فيصل .
هيفاء بكت من الفرحه و قالت : صدق يبه
ابو هيفاء : اي والله صدق وانا ابوك
هيفاء : : الحمدلله يبه تكفى ابي اروح اشوف ساره
ابي اتطمن عليها تكفى يبه ابي اروح لها
ابو هيفاء : ابشري من عيوني بنروح انا وانتي لها ونطمن عليها
هيفاء : شكرا يبه احبك
ابو هيفاء : وانا احبك ياعيون ابوك
يلاه روحي البسي عبايتك وتعالي
هيفاء : طيب . وراحت وهي تركض
مبسوطه انها اخيرا راح تشوف ساره
لان تحس ان ساره غبت عنها سنين مو ايام
و بعد دقائق جت و قالت : يلاه يبه خلنا نروح
ابو هيفاء : طيب . وراحوا و طلعوا من البيت
ابو هيفاء شاف نواف و فيصل و قال اسف تاخرت عليكم
بس هيفاء قالت إنها تبي تروح تشوف ساره
فيصل : لا عادي معذور يا عمي
ابو هيفاء : ابي تعلموني وين مكان ساره عشان بودي هيفاء لها
نواف : ياعمي ساره في المستشفى. وما امداه يكمل كلامه
الا هيفاء اشهقت وقاطعته وقالت : ليه
تكفى لا تقول سوا لها شيء المجرم
نواف : لا ما سوا لها شيء لا تخافين
بس هي لما اخذتها الشرطه و وحطتها في المركز
عشان يسوون معها تحقيق
جاها انهيار عصبي وارتفاع ضغط عندها
هيفاء : طيب
نواف : هيفاء هذاك اليوم يوم جاكم المجرم
و الضابط فيصل كان لابس بدلته و كان بيروح المركز
عشان اجتماع بس سمع صراخك و راح ركض لكم
. وعلمها كل شيء
هيفاء : مشكور فيصل انك حاولت انقاذنا
فيصل : العفو هذا واجبي وانتم اعتبركم مثل خواتي
هيفاء سكت و ماردت
و نواف قال : ساره في المدينه الفلانيه........
اللي برا الرياض
ابو هيفاء : طيب
فيصل : طيب يلا اجل خلوني نمشي عشان نقدر نوصل بدري
ابو هيفاء : طيب بلحقكم انا و بنتي بالسياره
فيصل : طيب براحتك . وبعدها فيصل نواف اركبو السياره
وابو هيفاء وهيفاء اركبوا بالسياره ثانيه و كلهم مشوا وراحوا
VOCÊ ESTÁ LENDO
لو كان حبك ذنب والله ما اتوب
Ficção Geralروايه تجمع بين الماضي والحاضر و الروايه من وحي الخيال اتمنى ان تنال على اعجابكم معاكم الكاتبه ساره البقمي